Արձակուրդային օրեր. Ի՞նչ վերցնել հանգստի մեկնելիս

Ճամփորդությունը իրոք շատ հաճելի է: Սակայն տեղափոխվելիս բարդանում է մաշկի խնամքի գործընթացը: Մի քանի խորհուրդ՝ քո արձակուրդը ոչ միայն հետաքրքիր, այլ նաև գեղեցիկ դարձնելու համար: Սկսեցինք:

1. ՄԱՇԿԸ ՄԻՇՏ ՊԵՏՔ Է ԽՆԱՄԵԼ՝ ԱՆԿԱԽ ԳՏՆՎԵԼՈՒ ՎԱՅՐԻՑ
Անգամ եթե պատրաստվել ես մեկնել ճամփորդության, դա ամենևին էլ պատճառ չէ լավ սովորություններից հրաժարվելու համար: Այո, ամբողջ ծավալով սրվակների ու տարատեսակ միջոցների փաթեթավորումը կարող է բարդացնել իրավիճակը (հատկապես եթե քեզ հետ վերցնում ես միայն բեռնածանրոց): Սակայն կա ավելի լավ լուծում: Օգտագործիր շիճուկների ու քսուքների 10 մլ փորձանմուշները, դրանց ծավալը լիովին բավարար է ամբողջ արձակուրդային շրջանում օգտագործելու համար և այն քո ծանրոցին չի ավելացնի հավելյալ ծավալ: Ինչ վերաբերվում է մաշկի մաքրմանը, այստեղ նույնպես ամեն ինչ պարզ է: Քո մաքրող միջոցից (գել, տոնիկ կամ կաթիկ) մի փոքր լցրու պլաստիկե տարայի մեջ (50 մլ):

2. ՎԵՐՑՐՈՒ ՍԻՐՎԱԾ ՈՒՆԻՎԵՐՍԱԼ ՄԻՋՈՑԸ
Շուրթերի, ձեռքերի, մարմնի չոր մաշկ՝ օգտագործման բազմաթիվ տարբերակներ, իսկ պատասխանը մեկն է՝ մուլտիբալզամ: Օրինակ՝ «Նուրբ խնամք» լեգենդար միջոցը: Այս փոքրիկ հրաշքը (15 մլ) կօգնի խոնավացնել չոր մաշկը՝ անկախ քո գտնվելու վայրից՝ ինքնաթիռում, լողափում կամ հյուրանոցային համարում:

3. ՀԱՃՈՒՅՔ ՔԵԶ ՀԱՄԱՐ
Համաձայնեք, որ մաշկն ինքնաթիռով թռիչքից հետո ունի ոչ այնքան հաճելի տեսք: Հոգնած մաշկը թարմացնելու համար թռիչքից անմիջապես հետո օգտագործիր դիմակ (օրինակ՝ կտորե տարբերակը), այն կխոնավացնի մաշկը և կհաղորդի փայլ: Գելային դիմակը կօգնի վերականգնել հոգնած մաշկը ընդամենը 10 րոպե անց: Կատարյալ է:

4. ԱՌԱՆՑ ԿԱՐՄՐԱԾ ԱՉՔԵՐԻ
Դժվար է ապահովել առողջ քունը թռիչքների ընթացքում: Ավելի շուտ՝ հակառակը՝ և՛ մաշկը, և՛ աչքերն ունենում են ոչ այնքան հաճելի տեսք. դիմախաղի կնճիռներ, պարկեր և աչքերի շուրջ մուգ շրջանակներ, ինչպես նաև պայթած մազանոթներ: Հայացքին ակնթարթորեն թարմություն հաղորդելու համար թռիչքից մեկ օր առաջ սիրված քսուքը (կամ դրա փորձանմուշը) դրեք սառնարան, իսկ այնուհետև քսուքը տարածեք հենց օդանավում: Սառնությունը հայացքին կհաղորդի թարմություն և կհանգստացնի հոգնած և կարմրած աչքերը:

Տեքստ Ֆոտո Getty Images

Գնել

Նմանատիպ հոդվածներ