1.ԴԻԶԱՅՆԸ ՄՏԱԾԻՐ ՆԱԽՕՐՈՔ
Զուր չէ, որ այս կետը ցանկում առաջինն է: Կազմած ծրագիրը կօգնի խնդիրը լուծել հնարավորինս արագ: Փնտրիր օրինակները համացանցում, կտրիր քո հավանած պատկերներն ամսագրերից, այնուհետև մտածիր քայլերը, դա բարդ չէ, և նայի՛ր մի քանի դասընթաց: Վստահ ենք, որ անպայման կգտնես քո նախընտրած դիզայնը:
2. ԳՆԻՐ ՈՐԱԿՅԱԼ ԵՂՈՒՆԳՆԵՐԻ ԼԱՔԵՐ
Մանիկյուրի որակից անմիջականորեն կախված է մանիկյուրի վերջնական արդյունքը: Այս հարցում խնայելն անիմաստ է, գնի՛ր կայուն լաքեր՝ մանիկյուրը ամեն օր շտկելուց ապահովագրվելու համար: Խորհուրդ ենք տալիս The ONE եղունգների կայուն լաքը:
3. ԿՏՐԻՐ ՎՐՁՆԻ ՄԱԶԻԿՆԵՐԸ
Լայն վրձինը հարմար է լաքը մեծ ծավալով ու հավասարաչափ տարածելու համար, սակայն երբ խոսքը գնում է յուրահատուկ մանիկյուրի մասին՝ պատկերներով, նկարներով, հակադիր գույներով, քեզ անհրաժեշտ է բարակ ծայրով վրձին: Ամենայն հավանականությամբ դու ունես արդեն վերջացած լաքերի սրվակներ: Լաքը հեռացնող միջոցի օգնությամբ մաքրիր վրձինը, չորացրու և կտրիր մատնահարդարման մկրատով՝ հանուն արվեստի գործի:
4. ՕԳՏԱԳՈՐԾԻՐ ԺԱՊԱՎԵՆ՝ ԵՐԿՐԱՉԱՓԱԿԱՆ ՊԱՏԿԵՐՆԵՐԻ ՀԱՄԱՐ
Բոլորս էլ նկարիչներ ենք, դա պարզ է: Իսկ ահա ձեռքերի և աչքերի կոորդինացման հարցում միշտ չէ, որ կարող ենք հպարտանալ: Հենց այդ պատճառով էլ առաջարկում ենք դիմել ժապավենի և սքոչի օգնությանը: Դրանք կօգնեն ստեղծել միլիոնավոր երկրաչափական պատկերներ՝ առանց ջանք գործադրելու: Ոգեշնչվել կարող ես Ռոդչենկոյի, Կանդինսկու և Լիսիցկու նկարներից:
5. ՀԵՌԱՑՐՈՒ ՄՆԱՑՈՐԴՆԵՐԸ
Զուր չէ, որ ստեղծվել է լաքը հեռացնող միջոցը: Օգտագործիր այն՝ լաքի մնացորդները մաշկից հեռացնելու համար: Խորհուրդ ենք տալիս մի կողմ դնել բամբակե սկավառակն ու վերցնել բամբակե փայտիկը, քանի որ այն ավելի բարակ է: Հենց դա էլ կփրկի քո սուպերդիզայնը:
6. ՏԱՐԱԾԻՐ ՊԱՇՏՊԱՆԻՉ ՄԻՋՈՑ
Բոլորը մոռանում են այս քայլի մասին, սակայն պաշտպանիչ ծածկը գրաֆիկական մանիկյուրի վերջին, բայց ամենակարևոր քայլն է: Այն կպաշտպանի ստացած պատկերը լղոզվելուց և կերկարացնի մանիկյուրի կյանքը:
