Իսկ դու գիտե՞ս, որ առօյայում անհրաժեշտ չէ երանգային հիմքը տարածել ամբողջ դեմքին։ Հաճախ այն հարկավոր է դեմքի երանգը հավասարեցնելու կամ կարմրությունները քողարկելու համար։ Այնպես որ, այն պետք է տարածել՝ ըստ անհրաժեշտության։ Ամեն դեպքում մենք խորհուրդ ենք տալիս երանգային հիմքը չտարածել մազերի աճի հատվածներում, այստեղ կարմրածությունները կարող ես թաքցնել քողարկիչի միջոցով։
Որպես թեթև երանգային հիմք՝ խորհուրդ ենք տալիս Giordani Gold CC քսուքը։
2. ՍԽԱԼ․ ԿԱՆԳ ԵՍ ԱՌՆՈՒՄ ԾՆՈՏԻ ԵԶՐԱԳԾԻՆ
Քիչ առաջ մենք խորհուրդ տվեցինք չտարածել երանգային հիմքը դեմքի ամբողջ մակերեսին։ Սակայն եթե արդեն որոշել ես տարածել ամբողջ դեմքին, մի մոռացի՛ր պարանոցի մասին՝ ծնոտի հատվածում նկատելի սահմանագիծը չի գեղեցկացնում քեզ։ Երանգային հիմքը տարածիր շատ մանրակրկիտ և հատուկ ուշադրություն դարձրու դեմքի և պարանոցի միջև հատվածին՝ այսպես անցումը կլինի սահուն։
Ամբողջական ծածկույթի համար խորհուրդ ենք տալիս The ONE Everlasting Extreme հիմքը։
3. ՍԽԱԼ. ՕԳՏԱԳՈՐԾՈՒՄ ԵՍ ՍԽԱԼ ԴԻՄԱՓՈՇԻ
Երանգային հիմքիդ գույնը մգանո՞ւմ է օրվա ընթացքում։ Հնարավոր է, հիմքից հետո տարածում ես սխալ դիմափոշի։ Եթե դիմափոշին ներառում է չափից շատ գունակներ, այն կարող է փոխել իր երանգը՝ քո մաշկի արտադրած յուղի հետ համապատասխանաբար։ Փորձի՛ր թափանցիկ դիմափոշի։ Այն հարմար է բոլոր երանգների համար և չունի ծակոտիները խցանելու միտում։
4. ՍԽԱԼ․ ԵՐԱՆԳԱՅԻՆ ՀԻՄՔԸ ՏԱՐԱԾՈՒՄ ԵՍ ՍԽԱԼ ԼՈՒՍԱՎՈՐՈՒԹՅԱՆ ՊԱՅՄԱՆՆԵՐՈՒՄ
Շատ տարածված սխալ՝ հիմքը տարածել սխալ լուսավորության պայմաններում կամ հակառակը՝ շատ լուսավորված տարածքում։ Հիշիր այս ոսկե կանոնը․ եթե քո մաշկն ունի գեղեցիկ տեսք ցերեկային լուսավորության պայմաններում, այն կունենա գեղեցիկ տեսք ցանկացած լուսավորության դեպքում։ Հենց այս պատճառով էլ երանգային հիմքը տարածիր ցերեկային լույսին հնարավորինս մոտ պայմաններում, օրինակ՝ պատուհանի մոտ։
5. 
Շպարի հիմքը թույլ է տալիս երանգային հիմքը հնարավորինս համաչափ տարածել մաշկին։ Բացի այդ, միջոցի օգնությամբ այն կպահպանի իր կայունությունը ողջ օրվա ընթացքում։ Մենք խորհուրդ ենք տալիս The ONE IlluSkin շպարի հիմքը։
6. ՍԽԱԼ. ՕԳՏԱԳՈՐԾՈՒՄ ԵՍ ՍԽԱԼ ԳՈՐԾԻՔՆԵՐ
Քո մատների մակերեսին կարող են լինել մանրէներ, կեղտ և ճարպ, որոնք բացարձակ պետք չէ տարածել դեմքի մակերեսին, հատկապես, եթե ունես ցանի հակվածություն։ Դրա փոխարեն երանգային հիմքը տարածիր հատուկ գործիքներով։
Սպունգը կօգնի երանգային հիմքը տարածել համաչափ և մանրակրկիտ՝ ստանալով բնական կերպար։ Հիմքը տարածիր ափի հետևի հատվածին և վերցրու միջոցը խոնավ սպունգով։ Միջոցն անհրաժեշտ է տարածել՝ սկսելով դեմքի կենտրոնից։
