Սարսափելի ոչինչ չկա: 7 բյութի-խնդիր, որոնք ծանոթ են յուրաքանչյուր կնոջը

Մեզնից յուրաքանչյուրի մոտ լինում են պահեր, երբ կատարյալ գեղեցիկ տեսք ունենալուն խանգարում են ինչ-ինչ հանգամանքներ: Առաջարկում ենք խուճապի չմատնվել, խորը շունչ քաշել և շարունակել նվաճել աշխարհը:

1. ՀԱՆԿԱՐԾԱԿԻ ԱՌԱՋԱՑԱԾ ՊԶՈՒԿ
Առավոտյան արթնանում ես, նայում հայելու մեջ և տեսնում այն՝ աշխարհում ամենամեծ պզուկը: Իրավիճակը կարող է միայն բարդացնել այն, որ մեկի փոխարեն լինի մի ամբողջ ցան: Այս դեպքում կլինես կին՝ 13-ամյա դեռահասի տեսքով: Մոգական կերպով այս իրադարձությունը կատարվում է ամենից անհարմար պահին՝ կարևոր հանդիպում, հարցազրույց կամ ժամադրություն: Որտե՞ղ է կախարդական փայտիկը, ձե՛զ եմ հարցնում:

2. ՄԱՔՐՎԱԾ ՇՐԹՆԵՐԿ
Բոլորս սիրում ենք վառ շրթներկեր, սակայն շրթներկի հետքեր ատամների՞ն: Վստահորեն դա չի եղել քո երազանքը: Անդադար շրթներկի մաքրված լինելը ստուգելն էլ աշխարհի ամենակարևոր գործը չէ՝ անկեղծ ասած: Եթե աշխատանքային օրն անցել է երազի պես և հայելու մեջ նայելը հիշել ես միայն երեկոյան, պետք չէ վհատվել: Այժմ դու գիտես, թե ինչու էին գործընկերներդ տարօրինակ հայացքով քեզ նայում ճաշի ընդմիջման ժամանակ: Իրոք, ամեն ինչ նորմալ է:

 

3. ԿՊՉՈՒՆ ՇՈՒՐԹԵՐԻ ՓԱՅԼ
Շուրթերի փայլը գերազանց լուծում է, եթե ուզում ես ապահովել ամառային տրամադրությունը ձմեռվա ցուրտ եղանակին: Ճիշտ է՝ դու այդ պահին չէիր հիշում քամու կամ կոնդիցիոների մասին: Վստահ ենք, իրավիճակը ծանոթ է շատ շատերին՝ կպչուն փայլ և երկար մազեր: Կա լուծում. փայլից հետո շուրթերին տարածիր քիչ քանակությամբ դիմափոշի: Պետք է որ օգնի:

 

4. ՀԱՏ ԳՆԱՑԱԾ ԶՈՒԳԱԳՈՒԼՊԱՆԵՐ
Օրը խոստանում է լինել կատարյալ: Դու հասցրել ես կազմակերպել ամեն ինչ՝ և՛ նախաճաշը, և՛ դիմահարդարումը, և՛ սանրվածքը: Մնացել է միայն հագնել բարակ ու նուրբ զուգագուլպաները: Հենց այս պահին է, որ նկատում ես հատ գնացած հատվածը, ու հենց այստեղ է փոխվում օրվա վերաբերյալ քո պատկերացումները: Այո, սա վերջին զույգն էր, իսկ դու պետք է տանից դուրս գաս հենց հիմա: Եթե կարողանաս հատը պահել եղունգների անգույն լաքի օգնությամբ, հիանալի կլինի, իսկ եթե ո՞չ: Երկար կարդիգան, վազք դեպի խանութ լանչի ընթացքում կամ երկարատև ուշացում՝ նոր հագուստ փնտրելու հետևանքով: Իրավիճակը կարող է կրկնվել, այդ պատճառով լավ է աշխատավայրում ունենալ հավելյալ զուգագուլպաներ, գուցե կրկին լինի անհրաժեշտություն:

5. ԱՆՀՐԱՊՈՒՅՐ ՄԱՆԻԿՅՈՒՐ
Նամակին պատասխանում ես այնպես, որ ստեղնաշարի կոճակները դղրդան, նյարդայնանում ես, կրծում եղունգները, այցելում նկարչության դասընթացների և չես հասցնում մատներից հեռացնել ավելորդ ներկը, իսկ նոր մանիկյուրի համար ժամանակ չկա: Հեռացրու հին լաքը և վայելիր մինիմալիզմը:

6. ՍԽԱԼ ՇՐՋԱԴԱՐՁ
Նայել ես երկուսուկես դիմահարդարման տեսադասընթաց, գնել վրձիններ և որոշել փորձել նոր տեխնիկա: Եվ ինչ, այն թվում է քեզ առավել խրթին, քան պատկերացնում էիր: Իսկ մինչ դու արդեն չորրորդ անգամ ընդգծում ես այտոսկրերն ու տարածում սնգույր, քո այտերը փայլում են ավելի ուժեղ, քան Մաշա Ռասպուտինայինը՝ իր կարիերայի ամենավատ տարիներին: Ոչ, Քիմը ժառանգել է այլ ոճ: Հեռացրու ամենը, ըմպիր մեկ բաժակ թեյ և նայիր մեր դասընթացները

7. ՏԱՐՕՐԻՆԱԿ ՍՄՈՔԻ
Սխալ շարժումների մասին խոսելիս՝ հիշում ես այն սլաքները, որոնք առավել նման էին ձողի, քան բաղձալի ու երկար սպասված նրբագեղ կորությունը: Ստվերաներկերի երեք գույն, որոնք ավելի շատ հիշեցնում են մի անհավանական մեծ բիծ, քան սմոքի: Կամ հանկարծակի փռշտոցի հետևանք՝ սևաներկը տարածելիս: Ինչպե՞ս դա բացատրել: Ինչո՞ւ գիտնականները մինչ այժմ չեն լուծել այս խնդիրը: Առաջարկում ենք իրավիճակին նայել առավել սթափ: Երբեմն ավելի լավ է օգտագործել բնական դիմահարդարում (կամ ամբողջությամբ հրաժարվել դրանից): Չէ՞ որ գեղեցկությունն արտաքինի ու ներքինի ներդաշնակություն է, այլ ոչ այդ ամենը:

Տեքստ Ֆոտո Getty Images