Սպա-խնամք ոտքերի համար

Եթե ուզում ես, որ ոտքերդ առանց հոգնելու քեզ տանեն աշխարհով մեկ և գեղեցիկ տեսք ունենան ցանկացած կոշիկով (կամ առանց), հարգանքով վերաբերվիր նրանց: Օրինակ՝ սպա տար նրանց: Կամ էլ տնային պայմաններում սպա խնամք կազմակերպիր:

ՔԱՅԼ 1. ՄԱՔՐԻ՛Ր ՄԱՇԿՆ ՈՒ ՀԵՌԱՑՐՈՒ ԿՈՇՏԱՑԱԾ ՀԱՏՎԱԾՆԵՐԸ
Նախ ցնցուղ ընդունիր և լվացի՛ր ոտքերդ: Ապա փաթաթվիր մեծ սրբիչով, լոգարանակոնքի մեջ տաք ջուր լցրու, ոտքերդ ընկղմի՛ր ջրի մեջ ու լիցքաթափվի՛ր 5-10 րոպե: Ավելի հաճելի ժամանց ապահովելու համար կարող ես նաև երաժշտություն միացնել, վառել բուրավետ մոմեր կամ վերցնել սիրելի գիրքը (իսկ հեռախոսը թող սենյակում. սա սպա է): Երբ ավարտես,
ոտքերի հղկող խարտոցի օգնությամբ սկսի՛ր մշակել ներբանների մաշկը: Մետաղական կողմը հեռացնում է կոշտուկներն ու մաշկի տրորված հատվածները, իսկ հղկող հատվածը հարթեցնում և ողորկում է մաշկը: Հատուկ ուշադրություն դարձրու մատների և բութ մատի ներբանային հատվածներին, որտեղ կոշտուկներն ամենահաճախն են հայտնվում:

ՔԱՅԼ 2. ՍԿՐԱԲ ՏԱՐԱԾԻՐ
Հենց ներբանները հարթ դառնան,
 սկրաբ տարածիր՝ մաշկի  մեռած բջիջները հեռացնելու համար: Մերսիր ներբանները մեկ րոպե շարունակ, ապա թաց սրբիչով մաքրի՛ր սկրաբի մնացուկները:

ՔԱՅԼ 3: ՊԵԴԻԿՅՈՒՐ 
Հեշտ է ասել: Եթե ավելի լուրջ, ահա ուղեցույցը. խնամքով և զգուշորեն կարճացրու եղունգները կծաքցանի օգնությամբ այնպես, որ մնա 1-2 մմ, մի՛ կտրիր անկյունները: Հղկիր եղունգները խարտոցով՝ ծայրերն ավելի կլորավուն դարձնելու համար: Հարմարավետությունն ապահովելու համար օգտագործիր մատներն առանձնացնող հարմարանք: Գունավոր լաք տարածելուց առաջ մշտապես հիմք տարածիր: Այդպես գունավոր լաքը չի ներկի եղունգի եղջերաթաղանթը, գույնն ավելի երկար կպահպանվի և հեշտությամբ կմաքրվի լաքը հեռացնող միջոցով:

ՔԱՅԼ 4. ՄՇԱԿԻՐ ԿՈՒՏԻԿՈՒԼԸ
Սա հավանաբար սպա-խնամքի ամենամեդիտատիվ հատվածն է: Եթե դեռ չես միացրել սիրելի ֆիլմը կամ փոդքասթը, ճիշտ ժամանակն է դա անելու: Ե՛վ օգտակար, և՛ գեղեցիկ: Վերցրու
 շիճուկն ու մի քանի կաթիլ լցրու ամեն եղունգի վրա: Սպասի՛ր 1-2 րոպե, մինչ միջոցը կչորանա, ապա վերցրու մանիկյուրի փայտե ձողիկը և խնամքով հրիր կուտիկուլը եղունգի հիմքին մոտ: Կծաքցանով հեռացրու կոշտացած կուտիկուլը: Եթե պետք եղածից ավելի շատ կուտիկուլ հեռացնես, վարակման և շերտավորման վտանգի կենթարկես եղունգներդ:

ՔԱՅԼ 5. ՕԳՏԱԳՈՐԾԻՐ ԽՈՆԱՎԱՑՆՈՂ ՄԻՋՈՑ
Օրական քանի՞ ժամ ես կոշիկ հագնում. նվազագույնը 8-10 ժամ: Սրան ավելացնենք նաև զուգագուլպաները, գուլպաներն ու կիսագուլպաները. քո ոտքերը տառացիորեն կյանքի կեսն անցկացնում են փակ միջավայրում: Արդյունքը՝ չոր, կոշտացած մաշկ, կուտիկուլի հետ խնդիրներ, տրորված և կոշտուկներով մաշկ: Մենք այս ամենից ազատվեցինք մի քանի այլ առաջ, և որպեսզի դրանք այլևս չվերադառնան, սովորություն դարձրու խնամքի հատուկ միջոցների օգտագործումը: 

Օրինակ՝ կոշտուկներն ու տրորվածությունը փափկացնող Feet Up Advanced շիճուկը: Առաջին կիրառումից հետո զգալիորեն փափկացնում է մաշկը, մեկ շաբաթում՝ հեռացնում է կոշտուկներն ու տրորվածությունը: Շիճուկը պարունակում է թեյածառի յուղ, սալիցիլաթթու և մաշկը պաշտպանող ու խնամող հանքանյութերի մեծ համալիր:

ՔԱՅԼ 6. ՄԻ՛ ԱՐՀԱՄԱՐՀԻՐ ԱՔՍԵՍՈՒԱՐՆԵՐԸ
Հաճա՞խ ես ակումբներ գնում: Օգտագործիր
 ներբանների  կամ կոշիկի ետնամասի համար նախատեսված գելային բարձիկներ և ոտքերից լարվածությունը հեռացնող գել՝ օրվա վերջում ճնշումն ու անհարմարության զգացողությունը նվազեցնելու համար:

ՔԱՅԼ 7. ԿՅԱՆՔԴ ԹԵԹԵՎԱՑՐՈՒ
Միջինում, մեր ողջ կյանքի ընթացքում մենք քայլում ենք մոտ չորս հարյուր հազար կիլոմետր: Սա իհարկե շատ է: ԵՎ միշտ չէ, որ այս ուղին հեշտ է: Հոգա քո մասին: Ժամանակ գտիր ոտքերիդ խնամքի համար: Հատուկ ներդիրներ օգտագործիր, եթե հարթաթաթություն ունես: Ժամանակին այցելիր բժշկի: Ընդհանուր լոգասենյակներում, բաղնիքներում կամ սաունաներում, լողավազանում կամ սպա սրահում ոտաբոբիկ մի՛ քայլիր: Ընտրի՛ր քո չափին, լայնությանն ու բարձրությանը հարմար որակյալ կոշիկ: Այս պարզ կանոնները կօգնեն քեզ գլուխը բարձր քայլել և վեյելել ամեն քայլը:

Տեքստ Ֆոտո Oriflame