Ձայնի ուժը. ինչպես է աշխատում նոր SkinPro Sonic սարքավորումը

Իլոն Մասքը պատրաստվում է նվաճել Մարսը, մեքենաները լիցքավորվում են վարդակներից, իսկ մաշկը կարելի է խնամել... ձայնի կամ, ավելի ճիշտ, ձայնային տեխնոլոգիաների միջոցով: Ոչ, սա հորինվածք չէ. դիմավորեք նոր SkinPro Sonic սարքավորումը:

Ո՞ՐՆ Է ԱՌԱՎԵԼՈՒԹՅՈՒՆԸ
Ձայնային տեխնոլոգիա՝ րոպեում 12 600 վիբրացիա արագությամբ: Մաշկը մաքրող սարքավորումներ ունի իրեն հարգող ցանկացած կոսմետիկ ապրանքանիշ: Ի՞նչն է օգնել դրանց դառնալու այդքան հայտնի: Հիմա կպարզենք:

Եթե երբևէ օգտագործել ես էլեկտրական ատամի խոզանակ, գիտես՝ որքան արդյունավետ է դառնում ատամների մաքրումը՝ համեմատած ավանդական եղանակով մաքրման հետ: Մաշկը մաքրող սարքավորումները, որոնք աշխատում են ձայնային տեխնոլոգիաներով, ազդում են հնարավորինս արդյունավետ. հեռացնում են աղտոտվածությունը, շերտազատում են մեռած բջիջները և մերսում են մաշկը՝ վերականգնելով տոնուսն ու առաձգականությունը: Մեկ այսպիսի սարքավորումն աշխատում է երեքի փոխարեն և փոխարինում է մաշկի խնամքի երեք միջոցի: Բացի այդ, այն լարեր չունի (միայն ժամանակին փոխիր մարտկոցները), աշխատում է երեք ծրագրով՝ ներառյալ 60 վայրկյանանոց ավտոմատ ցիկլը: Մի վախեցիր, գլխիկները հպվում են միայն մաշկի մակերեսին, հենց այդ պատճառով անվտանգ են դեմքի համար:

ՄԱՔՐՈՒՄ
Ավանդական եղանակով մաքրումից հետո մաշկը կարող է մաքուր տեսք ունենալ, սակայն դրա վրա դեռ կարող են աղտոտվածության հետքեր մնալ, որոնք տեսանելի չեն աչքին: Այս նկարը ակնառու կերպով ցույց է տալիս սարքով մաքրման առավելությունները՝ համեմատած ավանդական եղանակով մաքրման հետ: Մենք մոդելի դեմքին տարածել ենք փայլուն միկրոմասնիկներով ինտենսիվ ֆլուորեսցենտային դիմակ և խնդրել ենք մաքրել դեմքի աջ մասը ձեռքով, իսկ ձախը՝ SkinPro Sonic 3-ը 1-ում սարքավորմամբ:

Դիմահարդարումը պետք է մաքրվեր քունքերից, ճակատից, այտերից, քթից և դնչից (բացի շուրթերից և աչքերից): Մաքրումից հետո դեմքը նկարել ենք սև լամպի լուսավորությամբ՝ մնացած շողարձակող մասնիկների բացահայտման համար: Արդյունքում՝ դեմքի այն հատվածը, որը մաքրվել էր SkinPro Sonic-ով, նկատելիորեն ավելի մաքուր է, քան ձեռքով մաքրված հատվածը: Տպավորիչ է, այնպես չէ՞:

ՇԵՐՏԱԶԱՏՈՒՄ
Ինչո՞ւ է մաշկի շերտազատումն այդքան կարևոր: Նախ, այն հեռացնում է մեռած բջիջները: Երկրորդ, խորությամբ մաքրում է մաշկը, հարթեցնում է կառուցվածքն ու փայլ հաղորդում: Երրորդ, ծակոտիները նկատելիորեն նեղացնում է: Սա պարզապես պարտադիր է մաշկի խնամքի պրոցեդուրաների շարքում: SkinPro Sonic սարքավորումը կօգնի շերտազատումն ավելի արդունավետ դարձնել:

ԵՎ ՆՈՒՅՆԻՍԿ ՄԵՐՍՈՒՄ
Դեմքի մերսումը միայն օգուտ կարող է տալ: Այն օգնում է հեռացնել լարվածությունը և լիցքաթափել դեմքի մկանները: Բարձրացնում է միկրոշրջանառությունը և բարելավում տոնուսն ու մաշկի առաձգականությունը: Բացի այդ, այն շատ հաճելի է: SkinPro Sonic սարքավորմամբ քեզնից ոչ մի ջանք չի պահանջվի. պարզապես դեմքիդ տարածիր սիրելի քսուքը կամ շիճուկը և մերսիր: Կլինիկորեն ապացուցված է. անընդհատ օգտագործելու դեպքում՝ չորս շաբաթ անց բարձրանում է մաշկի տոնուսը, առաձգականությունը և էլաստիկությունը: Այն ավելի ձիգ և գեղեցիկ տեսք ունի: Այն, ինչ անհրաժեշտ է:

Քայլ առ քայլ ուղեցույցին ծանոթանալու և սարքավորումը ճիշտ օգտագործելու համար՝ կարդա՛ «Նոր SkinPro Sonic. երեք սուպեր հատկություն» հոդվածը:

Տեքստ Ֆոտո Oriflame