Շվեդական և միջազգային ընկերություններում, ամսագրերում և նորաձևության տներում երկար տարիների փորձ ունեցող դիմահարդար Ժանետ Թորնկվիստը մեզ օգնեց ստանալ այս համարձակ ու հիշարժան կերպարը: Նկարահանումների ժամանակ Ժանետը կարմիրի երանգներն օգտագործելով շքեղ սմոքի այզ է ստեղծել՝ օգտագործելով նոր THE ONE Hypnotic Depth թևաներկը և պատմել է, թե ինչպես կարելի է ստանալ նմանատիպ դիմահարդարում:
Ո՞րն է կարմիրի երանգներով սմոքի այզ ստանալու գաղտնիքը:
Իհարկե ստվերագծումը: Մեր ընտրած երանգները կընդգծեն մեր մոդելի կապույտ աչքերը։ Բայց դու կարող ես այլ գույներ էլ օգտագործել՝ կախված քո մաշկի և աչքերի գույնից ու անձնական նախասիրություններից: Այնուամենայնիվ, գույների շերտավորման սկզբունքը չի փոխվի: Արի քայլ առ քայլ քննարկենք ողջ գործընթացը:
Ամուր հիմք ապահովի՛ր:
Օգտագործիր քո նախընտրած տոնային հիմքը: Մենք շատ ենք հավանում THE ONE EVERLASTING SYNC FOUNDATION SPF 30-Ը և նույն շարքի քողարկիչը իրենց հարմարավետության և կայունության շնորհիվ. դրանցով կատարված դիմահարդարումը կատարյալ տեսք կունենա թե՛ ցերեկը, թե՛գիշերը։ Ստվերաներիկի տակ փրայմեր քսի՛ր, այնուհետև ավելացրու տոնային քսուքը և քողարկիչով շտկի՛ր թերությունները։ Մի՛ ծանրացրու դեմքդ դիմահարդարմամբ, քանի որ հիմնական ուշադրությունը աչքերի վրա է լինելու։ Այժմ դուք պատրաստ եք ստեղծելու իսկապես կախարդական տոնական դիմահարդարում
Ամենամուգ երանգը քսի՛ր աչքի արտաքին անկյունին։
Սկզբում տարածի՛ր THE ONE Color Unlimited ստվերաներկի «Բուրգունդի» երանգը աչքի արտաքին անկյունում: Քո դիմահարդարման յուրաքանչյուր փուլում զգույշ ստվերագծումը կօգնի հասնել կատարյալ արդյունքի՝ ճիշտ դիմահարդարի նման: Այս փուլը բացառություն չէ: Նրբորեն տարածիր ստվերաներկը՝ սկզբում կոպի ծալքի վրա, այնուհետև՝ կենտրոնում փափուկ վրձնով։ Քո նպատակն է ստանալ աստիճանական էֆեկտ և հարթեցնել կտրուկ եզրերը: Հիշի՛ր, որ պետք է անընդհատ ստվերագծել, քանի որ կայուն, քսուքային հյուսվածքները արագ են ներծծվում: Եթե ցանկանում ես ավելի հագեցած գույն ստանալ, երկրորդ շերտն ավելացնելու ժամանակն է։
Օգտագործիր ավելի բաց երանգ ամբողջ շարժական կոպի վրա:
Ժանետն օգտագործել է THE ONE Color Unlimited ստվերաներկի «Վառ նարնջագույն» երանգը: Փափուկ վրձնով ստվերագծիր սահմանները: Ավելի պայծառ գույն ստանալու և քսուքային ստվերաներկը ֆիքսելու համար վրայից կարող ես քսել նույն երանգի չոր ստվերաներկեր։ Արտաքին անկյունում գտնվող թարթիչների ներքևի գծի երկայնքով ավելացրու ամենամուգ երանգը: Դիմահարդարն ընտրել է առաջին փուլում արդեն օգտագործված «Բուրգունդի» երանգը։ Այժմ ամեն ինչ ստվերագծի՛ր վրձնով:
