ԽՆԱՄԻ՛Ր ՄԱՇԿԴ ԱՄԵՆ ՕՐ
Տոներին կարելի է մի քիչ լիցքաթափվել, ու դա հիանալի է: Սակայն թող դա չազդի քո ամենօրյա մաշկի խնամքի վրա: Կենտրոնացի՛ր երկու կարևոր փուլերի վրա. մաքրում և խոնավացում: Ամանորյա տոներին այնպես ես ուզում վառ ու արտահայտիչ դիմահարդարում անել: Հետևի՛ր հոգուդ կանչին, պարզապես ավելի շատ ժամանակ հատկացրու մաշկդ խնամքով մաքրելուն: Նվազագույնը՝ մի գնա քնելու դիմահարդարումով:
ԱՎԵԼԻ ՇԱՏ ՋՈՒՐ ԽՄԻՐ
Մենք այնքան երկար ենք սպասել այն պահին, երբ կարող ենք վայելել բոլոր այս անհավանական համեղ ուտեստներն ու ըմպելիքները ընտանեկան միջավայրում: Սակայն դրանք այնքան էլ լավ չեն ազդում մաշկի վրա: Ավելորդ ալկոհոլը առավոտյան մաշկը դարձնում է ջրազրկված և խունացած, բայց չէ՞ որ անհրաժեշտ է պատրաստվել հաջորդ երեկույթին: Մեր խորհուրդը. Ավելի շատ ջուր խմիր յուրաքանչուր տոնակատարությունից առաջ և հետո: Ամեն գինու կամ կոկտեյլի գավաթի հետ մեկ բաժակ ջուր խմիր: Դա կօգնի պահպանել մաշկի թարմ ու առողջ տեսքը:
ՄԻ ՄՏԱՀՈԳՎԻՐ
Բոլորս էլ ծանոթ ենք ընտանեկան հավաքույթներին. երբեմն դրանք բարկացնում են: Իսկ ցանկացած սթրես վայրկենապես անդրադառնում է մաշկի վրա: Ավելի լավ է, իհարկե, տարաձայնությունների մասին մոռանալ, գոնե տոնական օրերին: Իսկ ինչ անել, եթե այնուամենայնիվ գժտությունից չես կարողացել խուսափել: Այժմ պատրաստության ցանկին կավելանա նաև մեդիտացիան: Մեկ բաժակ բուրավետ թեյ պատրաստիր, ժամանակ հատկացրու սեփական խնամքին և կարդա սիրելի գիրքը: Այո, սա որոշակի ժամանակ կխլի: Սակայն արդյունքը վստահաբար արդարացված կլինի:
ՄԻ՛ ՄՈՌԱՑԻՐ ԱՌՈՂՋ ՍՆՆԴԱԿԱՐԳԻ ՄՍԻՆ
Ո՞վ է ասել, թե տոները ենթադրում են միայն ծանր ու վնասակար սնունդ: Մի՛ մոռացիր սեղանին նաև օգտակար ուտեստներ դնել: Այդ շրջանում հատկապես մաշկն ունի վիտամինների և հանքանյութերի կարիք: Սեզոնային մթերքներից թեթև աղցան պատրաստիր, որը կսնուցի մաշկն ու կօգնի հաղթահարել սթրեսը: Բացի այդ աղցանների վառ գունավորումը կբարձրացնի տրամադրությունը:
ԲԱՎԱԿԱՆԱՉԱՓ ՔՆԻՐ
Հաճախ ստիպված ենք լինում ընտրել առողջ քնի և ուրախ երեկույթների միջև: Սակայն քնի պակասը իր հետ բերում է շրջանակներ աչքերի տակ և դեմքի մոխրագույն երանգ: «Գեղեցկության քուն» եզրույթը հենց այնպես չեն մտածել. օրական քեզ անհրաժեշտ է 6-8 ժամ՝ լավ տեսք ունենալու համար: Հետազոտությունները ցույց են տալիս, որ արագանում է բջիջների նորացման գործընթացը, ինչն էլ նպաստում է մաշկի վերականգնմանը: Նշանակում է՝ առավոտյան թարմ ու շողացող տեսքը երկար ու առողջ քնի արդյունք է:
