Ինչո՞ւ է անհրաժեշտ փրայմերը։
Այն օգտագործվում է մաշկը դիմահարդամանը պատրաստելու համար։ Փրայմերը տարածում են երանգային հիմքից առաջ, այն մի շարք գործողություններ է կատարում.
- Դեմքի ռելիեֆի հավասարեցնումը փրայմերի գլխավոր խնդիրներից է։ Մաշկը դարձնում է հավասար, հարթ, առանց ծալքերի և թերությունների, հավասարեցնում է կառուցվածքը։ Հիանալի կերպով թաքցնում է բշտիկները, բորբոքումը, սպիերը և լցնում է անհարթությունները։
- Երանգի հավասարեցում։ Թեպետ փրայմերը երանգային միջոցի նման չի երանգավորում մաշկն, այնուամենայնիվ, գույնի շտկման գործառույթը լավագույնս է կատարում՝ ծածկում է մաշկի կարմրությունը, գունային գունակները, մաշկին միասեռ կառուցվածք և առողջ տեսք է պարգևում։
- Խնամք և պաշտպանություն։ Փրայմերի բաղադրիչները պաշտպանում են մաշկը, խոնավացնում կամ հակառակը չորացնում և սնուցում են, իսկ SPF ֆիլտրն օգնում է պաշտպանել մաշկն ուլտրամանուշակագույն ճառագայթներից։
Կարելի՞ է փրայմերը փոխարինել ցերեկային քսուքով։
Փրայմերն, իհարկե, օգնում է շտկել մաշկի որոշ խնդիրներ և ապահովում է անհրաժեշտ միավորում դեկորատիվ կոսմետիկայի հետ, բայց ծայրահեղ կարևոր է չմոռանալ ամենօրյա խնամքի մասին։
Մի՛ օգտագործեք այս ապրանքատեսակը դեմքի չպատրաստված մաշկին։ Նախևառաջ, դեմքը պետք է մաքրել , այնուհետև տարածել ձեր մաշկի տեսակին համապատասխան քսուքը։ Քսուքը ներծծվելուց հետո միայն կարելի է անցնել փրայմերի օգտագործմանը։
Ինչպիսի՞ փրայմեր ընտրել։
Փայլազերծող փրայմերը բավական ունիվերսալ է։ Այն կօգնի պահպանել երանգային քսուքը, որը օրվա վերջին խցանում է ծակոտիները, դիմակայել շոգին, վիզուալ հարթեցնել դեմքի ռելիեֆը, սպիերը, հետքերը և մաշկի այլ առանձնահատկությունները, որոնք երանգային քսուքն արտահայտիչ է դարձնում:
Դիմահարդարումից առաջ օգտագործվում է առկայծող մասնիկներով հիմքը, եթե վախենում եք շատ արտահայտված հայլայթերից, բայց ցանկանում եք կենդանացնել դիմահարդարումը և դեմքին ծավալ հաղորդել, իսկ մաշկին՝ առողջ տեսք։
Այս ապրանքատեսակը հարմար է նաև տեղային օգտագործման համար՝ այտոսկրեր, քթի վերևի և հոնքերի ներքևի հատված։ Երկրորդ տարբերակն է խառնել փրայմերը երանգային միջոցին՝ գեղեցիկ ու նրբագեղ փայլի համար կամ համարձակ տարածել այն անրակներին, ուսերին և այլ բաց հատվածներին՝ առավել փայլ ապահովելու համար։
Գույնը շտկող հիմքը աշխատում է որպես ֆիլտր՝ թաքցնելով միայն այն, ինչը ցանկանում եք թաքցնել։ Կանաչ գույնը թաքցնում է կարմրությունը, պզուկները և անոթային ցանցը։ Իր կիսաթափանցիկ լինելու շնորհիվ՝ այս ապրանքատեսակը հարմարվում է մաշկի ցանկացած երանգին։
