ԹՌԻՉՔԻ ՀԱՄԱՐ
Եթե սիրում ես ճամփորդել և անտարբեր չես կոսմետիկայի նկատմամբ, ապա միայն այն միտքը, որ անհրաժեշտ է տեղափոխել բոլոր սիրված միջոցները 100 մլ-անոց սրվակներից արդեն իսկ թվում է սարսափելի: Մի՛ վախեցիր. բեռնածանրոցի մեջ անհրաժեշտ կլինի մի քանի միջոց, իսկ մնացածը հանձնիր ուղեբեռի հետ:
Գնա՛ օդանավակայն առանց դիմահարդարման և լավ խոնավացված մաշկով: Թռիչքը միշտ սթրեսային է մաշկի համար, այդ իսկ պատճառով բեռնածանրոցի մեջ ունեցիր ցերեկային քսուք, ձեռքերի լոսյոն և շուրթերի բալզամ:
Թռիչքի ընթացքում կարող ես լավ թարմանալ մաքրող անձեռոցիկների օգնությամբ: Քո ինքնազգացողությունը նկատելիորեն կլավանա՝ դեմքը և ձեռքերը մաքրելուց անմիջապես հետո:
Թռիչքը գիշերայի՞ն է: Մի՛ մոռացիր պայուսակի մեջ դնել քսուք՝ աչքերի շուրջ հատվածի համար: Այն կօգնի հեռացնել աչքերի տակի այտուցվածությունը:
Անհնար է ունենալ կատարյալ սանրվածք՝ թռիչքից հետո, այդ իսկ պատճառով քեզ մոտ ունեցիր սանր և չոր շամպուն:
ԼՈՂԱՎԱԶԱՆԻ ՄՈՏ
Այստեղ վաղ առավոտից մինչ ուշ գիշեր անհրաժեշտ է ունենալ արևապաշտպան քսուք: Ճամփորդելուց առաջ հաշվարկիր միջոցի՝ քեզ անհրաժեշտ քանակությունը: Արևայրուքի նրբաքսուքներից շատերը հարմար են և՛ դեմքի, և՛ մարմնի համար, սակայն հատուկ մշակված միջոցները կհաղորդեն առավել հաճելի զգացողություններ:
Արևային օրերին չմոռանաս SPF-ով վառ շրթներկի մասին: Շուրթերը պաշտպանելը նույնքան կարևոր է, որքան մարմինն ու դեմքը:
Մի՛ մոռացիր մազերի մասին: Չոր և ճյուղավորվող մազերից խուսափելու համար դրանց վրա ցողի՛ր ջերմակայուն ցողաշիթի քիչ քանակություն:
ՍՊԱՍԱՐԿՈՒՄԸ ՀԱՄԱՐՈՒՄ
Տրոպիկական շոգը պահանջում է գեղեցկության մասին քո պատկերացումներում կատարել ճշտումներ. լիարժեք դիմահարդարումը փոխարինիր ВВ և СС քսուքներով: Այն լրացրու ջրակայուն սևաներկով և վառ շրթներկով:
Մի՛ մոռացիր լոգանքի համար վերցնել վիտամիններով հագեցած սկրաբ, որը կփափկացնի և կմաքրի մաշկը: Մաշկի անհամաչափ գույնից խուսափելու համար՝ առատորեն օգտագործիր արևայրուքից հետո օգտագործող միջոցներ:
Ցերեկային ժամերին օգտագործիր SPF-ով դեմքի քսուք, քնելուց առաջ օգտագործիր հակաօքսիդիչներով հարուստ գիշերային քսուք, որը կսկսի քո մաշկի վերականգնման ընթացքը՝ մինչ դու քնած ես:
Մաշկի առողջության համար Օմեգա 3-ը շատ կարևոր է, այդ իսկ պատճառով մի մոռացիր վերցնել քեզ հետ այս հավելման բավարար քանակություն:
