1. ԼՈԳԱՆՔԻ ՀԱՎԱՔԱԾՈՒ
Լոգասենյակում անցկացրած մի քանի րոպեների ընթացքում մաշկի մաքրությունն ապահովելուց զատ կարելի է նաև հաղորդել հաճելի բույր: Դրա համար անհրաժեշտ է ընտրել լոգանքի գել, որը համադրվում է քո հարդարաջրի հետ: Դու կարող ես մարմնի բոլոր հատվածների համար օգտագործել մեկ միջոց, սակայն մենք քեզ թախանձագին խնդրում ենք չանել դա: Պարզիր քո մազերի տիպը և ընտրիր համապատասխան միջոց: Օրինակ՝ Թեփի դեմ շամպուն «Նորդ» տղամարդկանց համար, որը հարմար կլինի թեփի խնդիր ունեցող մարդկանց համար: Այնուհետև ընտրիր լվացվելու միջոցը, որը կպայքարի ծերացման, դեմքի անհամաչափ երանգի կամ ցանի դեմ՝ կախված նրանից, թե որ խնդիրն է հատուկ քո մաշկի համար:
2. ԹԱՐՄ ԴԵՄՔ
Ընդհանուր առմամբ մենք մաշկի խնամքի քառաստիճան համակարգի կողմնակից ենք, և խորհուրդ ենք տալիս այս պրոցեդուրաներն անել ամեն օր: Եթե կարծում ես, որ սա չափից շատ է, անպայման օգտագործիր SPF բարձր ցուցիչով ցերեկային քսուք: Հատուկ խոնավացնող նյութերը կպայքարեն ծերացման գործոնների դեմ և մաշկը կլիցքավորեն կենսական էներգիայով: Չէ՞ որ ողջ օրվա ընթացքում մաշկը պայքարում է շրջակա միջավայրի ագրեսիվ ազդեցության դեմ, օրինակ՝ քո գրասենյակում օդորակիչով անցած օդը: Մենք նաև խորհուրդ ենք տալիս օգատագործել աչքերի շուրջ հատվածի համար քսուք, որը կհեռացնի այտուցվածությունը և մուգ շրջանակները: Օրինակ՝ Կոպերի բալզամ տղամարդկանց համար «Նորդ»:
Եթե դու հաջողակ ես և ունես խիտ ու ալիքավոր մազեր, ապա կարող ես օգտագործել մազերը հարդարելու միջոցներ, սակայն եթե մազերդ քիչ են և նոսր, ապա օգտագործիր թեթև միջոցներ, օրինակ՝ ցողաշիթ: Ինչ վերաբերվում է դեմքի մազերին, ապա ամենից առաջ՝ նախքան ածելին կիրառելը, մի՛ մոռացիր տարածել սափրվելու փրփուր կամ քսուք: Գրգռվածությունից խուսափելու համար սափրելու ընթացքում ածելին թափահարիր տաք ջրի մեջ, սա կօգնի լայնացնել ծակոտիները և կհեշտացնի սափրվելու գործընթացը:
«Խոնավացնող միջոցը կօգնի պահպանել ձեռքերի փափկությունը»
Լավ պեդիկյուրի առկայությունն անհրաժեշտ է անկախ սեզոնից: Լոգանքից հետո, երբ մաշկը դեռ փափուկ է, ավազաքարի օգնությամբ հեռացրու ներբանների մահացած բջիջները, կարճացրու եղունգները և հետ տար կուտիկուլը: Եթե քո ոտքերն ունեն տհաճ հոտ, օգտագործի՛ր հատուկ միջոցներ, օրինակ՝ մեր հայտնի Feet Up ապրանքանիշի միջոցները, որոնք կչեզոքացնեն տհաճ հոտը:
Նույնը վերաբերվում է ձեռքերին: Չկա առավել տհաճ երևույթ, քան տղամարդու չխնամված ձեռքերն ու եղունգները: Կարճացրու դրանք շաբաթը մեկ անգամ և օգտագործիր եղունգների խարտոց: Ձեռքերի հատուկ խոնավացնող միջոցը կօգնի պահպանել մաշկի փափկությունը:
