Հավաքում ենք հարդարանքի պայուսակ սկսնակի համար

Սևաներկ, շուրթերի բալզամ և վազեցինք. քո մասի՞ն է: Ուզո՞ւմ ես սովորել շպարվել, սակայն խճճվում ես միջոցների բազմազանության մեջ և չգիտես՝ ինչից սկսել: Մենք կպատմենք՝ ինչպես ընդգծել կերպարներից ցանկացածը դիմահարդարմամբ՝ չծախսելով երկար ժամանակ ու հսկայական միջոցներ: Գուցե փորձե՞ս:

1.ԱՌԱՎՈՏՅԱՆ ԿԱԽԱՐԴԱՆՔ
Տնից պետք է դուրս գաս 15 րոպե անց, բայց դեռ միայն բլուզդ ես արդուկել ու սո՞ւրճ լցրել: Էլ ի՞նչ դիմահարդարում: -Արագ, պարզ և թարմ:

Տարածի՛ր թեթև երանգային քսուք աչքերի տակ մուգ շրջանակներին, կարմրած հատվածներին և այտուցներին: Եթե գոհ ես մաշկիցդ, բավարարվիր դիմափոշով:
Ժպտա՛ և այտոսկրերիդ սնգույրի բաց երանգ տարածիր. սա հաստատ չարաշահել չես կարող:
Իսկ հիմա սևաներկըխոզանակը պտտեցրու թարթիչներիդ վրա, ինչպես կլոր խոզանակով մազերը հարդարելիս, այսպես թարթիչներիդ կորություն կհաղորդես: Շուրթերիդ գունավոր, սնուցող բալզամ տարածիր:

2.ԱՅՑԵԼՈՒԹՅՈՒՆ ՀԱՆՐԱՅԻՆ ՎԱՅՐ
Բարդացնենք առաջադրանքը. աշխատանքից հետո գնում ես թատրոն, ժամադրության կամ ընկերուհիների հետ կոկտեյլի: Մի քանի շարժում, և դիմահարդարումը ողջ կերպարը առօրյայից կփոխի երեկոյանի:

Մատիտով ներկիր թարթիչների միջև հեռավորությունը: Սա շատ ավելի հեշտ է, քան պոչիկներ նկարելը, բայց հայացքին նույնպիսի խորություն է հաղորդում:
— Կոպերին բաց, շողշողացող ստվերաներկ և ևս մեկ շերտով սևաներկ տարածիր: Շուրթերիդ դեղձագույն փայլ տարածիր:

3. ՍԱ Ի՛Մ ԵՐԵԿՈՒՅԹՆ Է
Պատրաստվում ես երեկույթի՞: Փորձի՛ր դուրս գալ քո հարմարավետության տարածքից: Պարտադիր չէ լինել թոփ-դիմահարդար՝ գունավոր ստվերաներկերն ու վառ շրթներկերը: Զվարճացի՛ր ու ավելի համարձա՛կ եղիր. սա ընդամենը դիմահարդարում է, այն միշտ էլ կարելի է լվանալ:

— Ամբողջ կոպին շագանակագույն ստվերաներկ տարածիր, այն կընդգծի աչքերի գույնը: Կարելի է մատներով էլ տարածել:
— Շուրթերի համար ընտրիր շրթներկի վառ երանգ: Եթե համաչափ ուրվագիծ չի ստացվում, մատիտն ու նուրբ վրձինը քո լավագույն ընկերներն են:
— Մի՛ մոռացիր եղունգների լաքի մասին. այն ընտրի՛ր դիմահարդարմանը, հագուստին կամ աքսեսուարներին համապատասխան:

   

 
Տեքստ Ֆոտո Oriflame