Ինչպես տեսողաբար մեծացնել աչքերը

Վիճակագրական տվյալների համաձայն՝ 10-ից 7 տղամարդիկ իրենց ուշադրությունը առաջին հերթին ուղղում են կնոջ աչքերին (այս կանոնը նույն կերպ է աշխատում նաև հակառակ դեպքում)։ Այդ պատճառով արտահայտիչ աչքերը քո կերպարի կարևոր մասն են։ Պատմում ենք՝ ինչպես դիմահարդարման օգնությամբ տեսողաբար մեծացնել աչքերը։

ՄԵԹՈԴ #1ՄԱՏԻՏ-ԳԾԱՆԵՐԿ

Սպիտակ կամ բեժ մատիտ-գծաներկով ընդգծիր վերին և ստորին կոպերի ներսի հատվածը: Սա անմիջապես աչքերը կդարձնի ավելի բաց և տեսողաբար կմեծացնի դրանք: Մի՛ սահմանափակվիր միայն ստորին կոպով, ինչպես անում են դա սովորաբար: Սա տարածված սխալ է, որի արդյունքում դու պարզապես թարթելով լղոզում ես ամբողջ գծաներկը: Այս մեթոդի իմաստն այն է, որ պետք է տարածել թե՛ վերևից, թե՛ ներքևից: 

ՄԵԹՈԴ #2 ԼՈՒՍԱՐՁԱԿՈՂ ՄԻՋՈՑ
Աչքերի ներսի հատվածին տարածի՛ր լուսարձակող միջոցի քիչ քանակություն: Նպատակը հետևյալն է. մուգ գույնը աչքերը դարձնում է ավելի արտահայտիչ, սակայն տեսողաբար դրանք ավելի է փոքրացնում, այն դեպքում, երբ բաց երանգները մեծացնում են աչքերը և տեսողաբար դրանք «բացում»: 

ՄԵԹՈԴ #3 ՀԱՂՈՐԴԵԼ ԽՈՐՈՒԹՅՈՒՆ
Վիզուալ խորությունը մեծացնում է աչքերը, այս մեթոդը լավ ծանոթ է Անջելինա Ջոլիին: Վանիլային ստվերաներկը տարածիր շարժվող կոպին՝ մինչև հոնքեր: Այնուհետև ստվերաներկի մեծ վրձնով աչքերի ներսի անկյան վրա տարածիր մուգ երանգի ստվերաներկ՝ տարածելով մինչև կոպի ծալվող հատվածը: Հեղուկ գծաներկով կամ փափուկ մատիտով ընդգծիր՝ անցնելով ծիածանաթաղանթից մինչև աչքերի արտաքին անկյուն. Ստորին թարիթիչները թող չներկված, քանի որ այդ կերպ դու չես ստանա մեծ աչքերի էֆեկտ:


ՄԵԹՈԴ #4 ՃԻՇՏ ԿՈՐԱՑՐՈՒ     
Լայն բացված աչքերի էֆեկտ ստանալու համար բավական է ճիշտ կորացնել թարթիչները: Դրա համար բավական է 20 վայրկյանը: Սկսի՛ր արմատներից, այնուհետև անցի՛ր թարթիչների միջնահատվածին և ավարտի՛ր ծայրերով: Սա ամենապարզ տարբերակն է  թարթիչների արտահայտիչ կորություն ստանալու համար:
Առավել արտահայտիչ արդյունք ստանալու համար թարթիչները արմատների հատվածում կրկնակի պտտիր, ասես՝ թարթիչների ունելիքը ձգում ես դեպի վեր: 


ՄԵԹՈԴ
#5. ՍԵՎԱՆԵՐԿ
Այս նպատակի համար քեզ անհրաժեշտ է ծավալ, այլ ոչ թե երկարություն հաղորդող սևաներկ: Այն անհրաժեշտ է տարածել հետևյալ կերպ. Սկզբում աչքերի ներքին անկյան վրա, այնուհետև միջնահատվածում (փոքր-ինչ ձգելով դեպի վեր), այնուհետև արտաքին անկյան վրա: Վերջին փուլում կարող ես վրձնի ուղղությունը տալ փոքր-ինչ դեպի դուրս, սա քո աչքերը կդարձնի տեսողաբար ավելի մեծ:

Այստեղ կարող ես դիտել դիմահարդարման օգնությամբ աչքերը մեծացնելու մեթոդի պատմող տեսադասընթացը:







Տեքստ Ֆոտո Kristin Wreyford, Getty images and Shutterstock

Գնել

Նմանատիպ հոդվածներ