ԵՐԱՆԳԱՅԻՆ ՀԻՄՔԻՆ ԱՎԵԼԱՑՐՈՒ ՄԻ ՓՈՔՐ ՑԵՐԵԿԱՅԻՆ ՔՍՈՒՔ (ԿԱՄ ԲՐՈՆԶԵՐ)
Ծանոթ իրավիճակ է, երբ երանգային հիմքն արդեն վերջանում է, իսկ դու դեռ չես ուզում դրանից ազատվել: Այս դեպքում երանգային հիմքի սրվակի մեջ կարող ես ավելացնել սիրված ցերեկային քսուքի փոքր քանակություն, այնուհետև թափահարելով այն խառնել: Կամ կարող ես մի փոքր բրոնզեր ավելացնել խոնավացնող ֆլյուիդի հետ: Այժմ դու ունես խոնավացնող երանգային հիմք:
ՕԳՏԱԳՈՐԾԻՐ ՇՐԹՆԵՐԿԸ 100%-ՈՎ
Դու կարող ես մտածել, որ շրթներկդ վերջացել է, սակայն դա այդպես չէ: Սրվակի խորքից շրթներկը կարող ես հանել բամբակե փայտիկների օգնությամբ: Եթե ուզում ես տնտեսել ավելին, օգտագործիր շրթներկը որպես սնգույր, և տարածիր այն այտերի խնձորակներին:
ՍԱՓՐՎԵԼՈՒ ՔՍՈՒՔԸ ՓՈԽԱՐԻՆԻՐ ՄԱԶԵՐԻ ԿՈՆԴԻՑԻՈՆԵՐՈՎ
Այո, դու չես սխալվում. Սա իրոք աշխատում է: Սովորական մազերի կոնդիցիոները կարող է ապահովել հարթ սափրում, որքան էլ տարօրինակ դա հնչի: Կոնդիցիոների բավարար քանակությունը տարածիր մաշկին, որպեսզի կանխես կտրվածքներն ու գրգռվածությունը:
ԴԵՆ ՄԻ՛ ՆԵՏԻՐ ՍԵՎԱՆԵՐԿԻ ՎՐՁԻՆԸ
Աչքերի սևաներկն անհրաժեշտ է փոխել ամեն երեք ամիսը մեկ, սա ոսկե կանոն է: Սակայն դա չի նշանակում, որ պետք է նաև ազատվել վրձիններից: Վրձինն անհրաժեշտ է լվանալ հոսող ջրի տակ հեղուկ օճառով կամ մանկական շամպունով, այնուհետև չորացնել սրբիչով: Ահա և պատրաստ է հոնքերի վրձինը:
ՔՍՈՒՔԻՑ ՀԵՌԱՑՐՈՒ ԴՈԶԱՏՈՐԸ
Սիրելի մարմնի քսուքն արդեն վերջանո՞ւմ է: Դիմի՛ր ռադիկալ միջոցների: Պտտիր և հանիր դոզատորը և նայիր սրվակի ներսը: Այդ քանակը նվազագույնը մեկ-երկու օգտագործման համար առավել, քան բավական է: Կրիտիկական իրավիճակում կարող ես նաև կտրել սրվակը:
