ՁԻԳ ՀԱՎԱՔԱԾ ՄԱԶԵՐ
Ուղիղ հարթ մազերն ընդգծում են գեղեցիկ պարանոցն ու ուսերը, իսկ ընդգծած հոնքերով բնական դիմահարդարումը ուշադրությունը կուղղի շողացող հայացքին:
ԴԻՄԱՀԱՐԴԱՐՈՒՄ
Նորաձև, շողացող մաշկի արդյունք ստանալու համար դեմքին տարածիր լուսարձակող մասնիկներով խոնավացնող քսուք, այնուհետև դեմքի երանգը հավասարեցնող сс քսուք: Օգտագործի՛ր թափանցիկ դիմափոշի, այն կհեռացնի ավելորդ փայլը՝պահպանելով շողացող տեսքը Շուրթերի համար հարմար կլինի շրթներկի բեժ-վարդագույն երանգը: Մանրակրկիտ կերպով ընդգծիր հոնքերը, սա նոր սեզոնի դիմահարդարման ամենաակտուալ միտումն է: Օգտագործիր փոշիատիպ ստվերաներկեր՝ մազերի աճի ուղղության բացերը քողարկելու համար: Թեք հատվածք ունեցող չոր մաքուր վրձնով զգուշորեն տարածի՛ր գծերը: Հոնքերը պետք է ունենան բնական, խիտ տեսք, ոչ թե նկարածի: Երկարություն հաղորդող սևաներկի օգնությամբ փոքր-ինչ ընդգծի՛ր վերին թարթիչները:
ՍԱՆՎԱԾՔ
Խոնավ մազերին տարածի՛ր սթայլինգի հարթացնող միջոց, չորացրո՛ւ վարսահարդարիչի և խոշոր սանրի օգնությամբ՝ մազերին հաղորդելով ծավալ: Առանձնացրո՛ւ ճակատի վերևի հատվածից մազափունջ, մնացած մազերը գլխի հետևի հատվածի վրա հավաքի՛ր ձիգ պոչով: Մազերի փունգը մի փոքր գզի՛ր ՝ հավելյալ ծավալ հաղորդելու համար, տար հետ և պտտի՛ր պոչի շուրջ, ամրացրո՛ւ ռեզինով: Պոչի մազերը պտտի՛ր կեմի մեջ, պտտի՛ր ռեզինի շուրջ, ամրացրո՛ւ մազակալներով և հաղորդի՛ր կայունություն՝ փայլ հաղորդող մազի լաքի շնորհիվ: Սանրվածքի ավարտուն տեսքը ստանալու համար կրի՛ր գոհարակուռ վարսակալ կամ գեղեցիկ օղիկ:
Ակտուալ ալիքները գանգուրների լավագույն այլընտրանքն են: Բաց թողած մազերի համար կատարյալ է քանդակապատկեր դիմահարդարումը:
ՇՊԱՐ
Արևայրուքի էֆեկտով քանդակապատկեր դիմահարդարումը կարելի է ստանալ տարբեր երանգների երանգային հիմքերի օգնությամբ: Առավել բաց երանգն անհրաժեշտ է տարածել ճակատին, քթին, աչքերի տակ և այտոսկրերի վերին հատվածներին: Առավել մուգ երանգը տարածի՛ր քթի երկու կողմերին, այտերին, կզակին և այտոսկրերի ստորին հատվածներին: Մանրակրկիտ տարածի՛ր՝ երանգների սահմանները հարթելու և աննկատ դարձնելու համար: Այտոսկերերը թեթևակի ընադգծի՛ր բրոնզագույն դիմափոշու օգնությամբ: Հոնքերի մատիտի օգնությամբ ընդգծի՛ր հոնքերը, վերին կոպերին տարածի՛ր կրեմագույն ստվերաներկ, իսկ վերին թարթիչներին՝ ծավալ հաղորդող սևաներկ: Վերջում եզրափակիր փայլատ , բնական երանգի շրթներկով: Արևայրուքով մաշկի համար հարմար է դեղձագույն երանգը, առավել բաց մաշկին՝ բեժ-վարդագույնը:
ՍԱՆՐՎԱԾՔ
Խոնավ մազերին տարածի՛ր մուս՝ ալիքներ ստանալու համար և մանրակարկիտ տարածի՛ր՝ մեծ, տափակ սանրի օգնությամբ: Մազափնջերը փաթաթիր խոշոր փաթթուկների վրա և չորացրու վարսահարդարիչի օգնությամբ: Այնուհետև բաց թող մազերը և ճակատին մոտ հատվածից վերցրու մի փունջ և ամրացրո՛ւ մազակալի օգնությամբ: Ցողի՛ր մազերի լաք, մատների և սանրի օգնությամբ ստացի՛ր ալիքներ, որից հետո կրկին ցողի՛ր մազերի լաք:
