Արևի համբույր կամ շուրթերի ամառային խնամքը

Ցտեսություն, չոր և ճաքած շուրթերի սեզոն: Մենք կպատմենք, թե ինչպես կարելի է վերականգնել շուրթերը երկարատև ձմռանից հետո և նախապատրաստել դրանք արձակուրդներին արվող կատարյալ սելֆիների համար:



ԽՈՆԱՎԱՑՐՈՒ
Շոգ, օդորակիչների չոր օդ, և ջրազրկումն ամռանն անխուսափելի է: Լրացրու կորուստը՝ քեզ հետ ջուր վերցնելով, իսկ եթե այդպես էլ չես կարողացել սիրել այն, դրա մեջ անանուխ, հատապտուղներ կամ մրգերի կտորներ ավելացրու: Առողջ ապրելակերպի սկզբունքով պատրաստված լիմոնադ, և…. նուրբ շուրթերի առաջին գաղտնիքը բացահայտված է:   

ՄԱՔՐԻՐ
Դեմքի ու մարմնի սկրաբերը վաղուց ընթացակարգիդ մասն են, իսկ ե՞րբ ես վերջին անգամ ուշադրություն հատկացրել շուրթերիդ: Շուրթերի մաշկն ավելի բարակ է, քան ամբողջ մարմնի մաշկը, և, մեռած բջիջները ժամանակին չհեռացնելու դեպքում բալզամի խոնավացնող բաղադրիչները միայն շուրթերի մակերեսին են մնում: Սկրաբը հեշտությամբ կարող ես պատրաստել ինքնուրույն՝ օրինակ, մեկ թեյի գդալ մեղրին մի փոքր շաքար ավելացրու և փափուկ կերպով մերսիր շուրթերդ: Արդյունքը՝ նուրբ, հարթ, ամառային համբույրներին պատրաստ շուրթերն են:  

ԽՆԱՄՔ ՊԱՐԳԵՎԻՐ
Օրվա ընթացքում նկատում ես, թե ինչպես են շուրթերը նորից ու նորից դառնում չոր և ձգված՝ ցանկացած եղանակի, ցանկացած կլիմայի պայմաններում, դիմահարդարմամբ, կամ առանց դրա: Դա նորմալ է: Զինվի՛ր շուրթերի համար մեկ, կամ միանգամից երեք հզոր բալզամով: Թող որ դրանք լինեն քո յուրաքանչյուր պայուսակում կամ գրպանում:

ԸՆԴԳԾԻՐ ԳԵՂԵՑԿՈՒԹՅՈՒՆԸ
Բնական երանգ, թեթև փայլ և ծավալ՝ ահա կատարյալ շուրթերի բանաձևը՝ միլիոնավոր լայքեր բերող լուսանկար անելու համար: Ընգծի՛ր ձևը «Շուրթերս՝ միայն դեպի լավը» երանգի շրթներկի օգնությամբ, իսկ կենտրոնում ավելացրո՛ւ միևնույն բալզամը կամ փայլը: 

Տեքստ Ֆոտո Oriflame