1. Մեր հիմնական խնդիրը դիմահարդարման օգնությամբ դիմագծերը տեսողականորեն վերև բարձրացնելն է՝ մասնավորապես՝ հոնքերի գիծը, աչքերի արտաքին անկյունը, այտոսկրերը, բերանի անկյունները:
Պետք չէ մոռանալ ամենօրյա տնային պայմաններում խնամքի մասին: Խոնավացրո՛ւ դեմքդ. սա կօգնի հաղթահարել գունատությանը:
- Լիֆթինգ դիմահարդարման մեջ ցանկալի է օգտագործել բաց երանգներ և թեթև կառուցվածքով երանգային հիմքեր, որպեսզի դեմքը ունենա թարմ և հանգստացած տեսք:
Դեմքի օվալի ուղղումը կատարվում է երեք արտադրանքների միջոցով
ա) Բրոնզերով աշխատում ենք այն հատվածների վրա, որոնք տեսողականորեն անհրաժեշտ է բարձրացնել. ընդգծում ենք այտոսկրերի հատվածը՝ այն մի փոքր վեր
ձգելով, նաև մգացնում ենք ծնոտի հատվածը, որպեսզի շտկենք դեմքի օվալը:
բ) Ավելի լավ է ընտրել սնգույր փայլող մասնիկներով՝ դրանք մաշկին լրացուցիչ փայլ են հաղորդում և իրենց գույնի շնորհիվ ստեղծում են երիտասարդացնող էֆեկտ:
գ) Փայլը կարելի է ավելացնել աչքերի ներքին անկյուններում և հոնքերի ներքևի հատվածում: Սակայն հայլայթերի փայլը պետք է լինի մաքսիմալ նուրբ, քանի որ հակառակ դեպքում մաշկի հյուսվածքները կընդգծվեն:
Որպեսզի շուրթերի շուրջ փոքր կնճիռները չընդգծվեն՝ խուսափի՛ր փայլատ շրթներկերից և նախընտրությունը տուր թինթերին, իսկ վրայից կարելի է ավելացնել սիրելի փայլը:
Մի՛ արա այնպիսի սխալներ, որոնք տեսողականորեն կմեծացնեն տարիքդ
Եթե քո շարժական կոպը կախ է, մի տարածի՛ր շատ փայլուն ստվերաներկեր. խոշոր փայլը կավելացնի ծավալը, և աչքերն ավելի ծանր տեսք կունենան:
Մի՛ օգտագործիր շրթներկեր և մուգ երանգի փայլեր, օրինակ՝ շագանակագույն կամ բուրգունդի՝ դրանք փոքրացնում են ծավալը:
