ԳՈՐԾՆԱԿԱՆ ՊԱՐԱՊՄՈՒՆՔ
ՔՈՂԱՐԿՈՒՄ ԵՆՔ ՑԱՆԸ
Քեզ անհրաժեշտ է երանգային հիմք՝ համապատասխան ցանի հատվածի երանգին։ Վերցրու հիմքի փոքր վրձին և շրջանաձև շարժումներով տարածիր միջոցն այնպես, որ գունակը ներթափանցի հնարավորինս խորը։ Միջոցը տարածելու այս մեթոդն օգնում է նաև խթանել արյան շրջանառությունը։
Հիմքի հետ աշխատանքն ավարտելուց հետո, տարածիր քողարկիչ։ Ցանը քողարկելու համար ես խորհուրդ եմ տալիս հեղուկ-քողարկիչ։ Միջոցը տարածիր այն հատվածներին, որոնք անհրաժեշտ է թաքցնել, թող չորանա մոտավորապես 20 վայրկյան։ Այնուհետև մատով կամ քողարկիչի համար նախատեսված վրձնով զգուշորեն այն ձուլիր մաշկի հետ։ Անհրաժեշտության դեպքում գործընթացը կրկնիր մի քանի անգամ, մինչև ցանը ամբողջությամբ քողարկվի։
ՓԱՅԼԱՏ ՄԱՇԿԻՆ ՎԵՐԱԴԱՐՁՆՈՒՄ ԵՆՔ ԱՌՈՂՋ ՓԱՅԼԸ
Գունատ մաշկին փայլ վերադարձնելու համար անհրաժեշտ է փայլփլուն մասնիկներով սնգույր։ Այն տարածիր հոնքերի կամարի տակ՝ պոչիկի հատվածում (կարող ես գիծը երկարացնել մինչև այտոսկրի արտահայտված հատվածը)։ Կարող ես օգտագործել ինչպես հեղուկ-սնգույր այնպես էլ սնգույր-դիմափոշի։ Դեմքին երկար ժամանակով փայլ վերադարձնելու հարցում քեզ կօգնեն С վիտամինով խնամքի միջոցները, որոնք խթանում են արյան շրջանառությունը։
«Մաշկին փայլ հաղորդելու համար քեզ անհրաժեշտ է փայլփլուն մասնիկներով սնգույր»։
ԱԶԱՏՎՈՒՄ ԵՆՔ «ՀՈԳՆԱԾ» ՀԱՅԱՑՔԻՑ
Աչքերի շուրջ մաշկը չափազանց նուրբ է, այդ պատճառով այս հատվածին անհրաժեշտ է թեթև հեղուկ-քողարկիչ, որը չի խցանի փոքրիկ կնճիռները։ Հենց այս պատճառով էլ անհրաժեշտ է խուսափել խիտ բաղադրություն ունեցող կամ փոշու հիմքով միջոցներից։
Եթե քո աչքերի տակ մուգ շրջանակների պատճառը աչքերի շուրջ հատվածի ձգված մաշկն է, դու կարող ես իրավիճակը շտկել՝ խթանելով այս հատվածի արյան շրջանառությունը։ Մատների բարձիկներով զգուշորեն մերսիր աչքերի շուրջ հատվածը։ Սա կնպաստի ավելորդ հեղուկի հեռանալուն։ Եթե խնդիրը «կախված» կամ այտուցված մաշկն է, տարածիր կոպերի զովացնող քսուք։ Այն կկրճատի այտուցվածությունը՝ քողարկիչը տարածելուց առաջ։
