Ցուրտ եղանակին մազերը խնամելու 5 խորհուրդ

Եղանակային փոփոխությունների հետ մեկտեղ՝ մազերի խնամքը դառնում է իրական մղձավանջ: Մենք կպատմենք՝ ինչպես կառավարել իրավիճակը:

1. ՄԱԶԵՐԻ ԿՈՆԴԻՑԻՈՆԵՐԸ ՔՈ ԼԱՎԱԳՈՒՅՆ ԸՆԿԵՐՆ Է
Ձյունը, անձրևը, քամին և խոնավությունը մազերը դարձնում են չոր և անկենսունակ: Քեզ անհրաժեշտ է պաշտպան: Պետք է ձեռք բերել չլվացվող կոնդիցիոներ և օգտագործել այն ամեն օր: Կարևոր է. քեզ անհրաժեշտ է միջոցի քիչ քանակություն՝ մոտ սիսեռահատիկի չափ:

2. ԿՏՐԻ՛Ր ԾԱՅՐԵՐԸ
Երկար մազեր ունենալու դեպքում նկատած կլինես, որ ծայրերի տեսքը, մեղմ ասած, այնքան էլ հրապուրիչ չէ: Լավագույն լուծումը մազերի երկարությունը փոքր-ինչ կարճացնելն ու վնասված ծայրերից ազատվելն է: Արդյունավետության համար, գործընթացը պետք է լինի շարունակական, ինչը կհանգեցնի խնդրի վերջնական լուծմանը:

3. ԱՆՁՐԵՎԱԽԱՌՆ ՁՅՈ՞ՒՆ: ՕԳՏԱԳՈՐԾԻՐ ՄԱԶԵՐԻ ԼԱՔ
Զարմանալի է, բայց փաստ: Մազերի լաքը խոնավությունը չներքաշելու լավագույն եղանակն է: Հետևի՛ր եղանակի տեսությանը, և եթե խոստանում են անձրև կամ ձյուն, խիզախորեն օգտագործիր մազերի լաք: Ինչ վերաբերվում է ֆիքսացիայի մակարդակին, ապա ընտրությունը քոնն է՝ թեթևից մինչև միջին: Այս տարբերակները հեշտությամբ հեռացվում են սանրի օգնությամբ:

4. ԳԼԽԱՐԿ ԴԻՐ
Առաջինը՝ ցուրտը վնասակար է մազերի համար: Երկրորդը՝ մենք կկիսվենք գաղտնիքով, թե ինչպես գլխարկ դնել ու պահպանել սանրվածքը: Ահա՛ այն: Գաղտնիքը պարզ է, պարզապես անհրաժեշտ է թեթևակի մազերը գզել: Այս մեթոդի օգնությամբ գլխարկը վնաս չի հասցնի մազերի ծավալին կամ գանգուրներին: Մազերը շատ գզելուց էլ հուսահատվելու կարիք չկա, այս իրավիճակը բավականին հեշտ է շտկել, պարզապես սանրիր:

5. ՄԻ՛ ՄՈՌԱՑԻՐ ԽՆԱՄՔԻ ՄԱՍԻՆ
Շարունակիր շամպունի և կոնդիցիոների օգտագործումը, սա հիմքն է: Սակայն մի՛ մոռացիր նաև շաբաթը մեկ անգամ դիմակ և մազերի յուղ օգտագործելու մասին: Հավելյալ խնամքը կօգնի հաղթահարել եղանակային պայմանների հետևանքները, կվերականգնի մազերը և կվերադարձնի առողջ փայլը:

Տեքստ Ֆոտո Getty Images