1. ՄԱՇԿ
Լավ խոնավացված մաշկն ավելի լավ է պահում բույրը, քան չոր մաշկը։ Լոգանք ընդունելուց հետո մաշկին տարածիր խոնավացնող նրբաքսուք, և միայն դրանից հետո կարող ես ցողել քո սիրելի բույրը։
2. ՎՆԱՍԱԿԱՐ ՄԹԵՐՔ
Այն, ինչ ուտում ես բնականոն կերպով անդրադառնում է քո մաշկի վիճակի վրա, այդ թվում նաև հոտի։ Սննդամթերքի որոշ տեսակներ՝ հատկապես համեմունքները, փոխանցում են իրենց սեփական՝ բավականին ուժեղ բույրը, իսկ թարմ միրգն ու բանջարեղենը, ինչպես նաև մեծ քանակությամբ ջուրը՝ թարմությամբ բուրելու լավագույն միջոցն են։ Շատ ուժեղ է ալկոհոլի բույրը, և եթե քեզ պետք է ունենալ անթերի տեսք հաջորդող օրը՝ առավոտյան, ապա լավ է հրաժարվել մեկ գավաթ գինուց։
3. ՄԱԶԵՐԸ ԵՎ ԳԼԽԻ ՄԱՇԿԸ
Քո գլխի յուրաքանչյուր մազին համապատասխանում է փոքրիկ ճարպագեղձ, որն արտադրում է բնական յուղ։ Որքան յուղոտ են մազերդ, այնքան հեշտ են դրանք կլանում կողմնակի հոտերը՝ հատկապես ծխի և պատրաստվող ճաշատեսակների։ Մազերի հաճելի բույրն ապահովելու համար շամպունի կիրառումից հետո անհրաժեշտ է դրանք մշակել կոնդիցիոներով՝ այն տարածելով մազերի մեջտեղի հատվածից մինչև ծայրեր։ Քանի որ թաց մազերը շատ լավ պահպանում են բույրը, կարելի է դրանց տարածել նաև քո սիրելի բույրը՝ մինչև դրանք չորացնելը։
4. ԻՆՏԻՄ ՀԱՏՎԱԾ
Քո մարմնի ինտիմ հատվածներն անհրաժեշտ է լվանալ pH չեզոքացնող լվացող միջոցով, որը կանխարգելում է մանրէների բազմացումը, և այդ կերպ չեզոքացնում տհաճ հոտի առաջացումը։ Ինտիմ հիգիենայի Feminelle միջոցը ստուգված է մաշկաբանների և գինեկոլոգների կողմից և բացարձակ անվնաս է ամեօրյա օգտագործման համար։
5. ՀԱԳՈՒՍՏ
Հագուստի մշտապես հաճելի հոտն ապահովելու համար հարկավոր է այն ճիշտ լվանալ, պահպանել խոնավության աղբյուրներից և ուժեղ հոտերից հեռու։ Հագուստների դարակներում պահված բուրաբարձիկը կհեռացնի տհաճ հոտը։ Դու նաև կարող ես հագուստին տարածել քո սիրելի բույրի մի քանի կաթիլ, սակայն խուսափիր այն տարածել մետաքսե, կաշվե և այլ զգայուն նյութերի վրա։
6. ԹԵԹԵՎ ՇՈՒՆՉ
Ատամի մածուկը և ատամի թելիկը կանոնավոր չկիրառելու դեպքում ատամների արանքում կուտակված սնունդի մասնիկները կստեղծեն նպաստավոր պայմաններ մանրէների զարգացման համար, ինչն էլ իր հերթին կդառնա տհաճ հոտի առաջացման պատճառ։ Շատ կարևոր է ատամները մաքրել շատ սուր բույր, համեմունքներ ունեցող սննդից հետո։ Քանի որ չորացած բերանը նույնպես հոտի աղբյուրի հնարավոր պատճառ է, մի մոռացիր օգտագործել նաև մեծ քանակությամբ հեղուկ։
7. ՃԻՇՏ ՈՏՔԻՑ
Մեր մաշկի վրա ապրող մանրէները սնվում են մեր ծակոտիներից արտադրվող քրտինքով և դառնում են տհաճ հոտի առաջացման պատճառ։ Գործընթացը բավականին բնական է, սակայն դրանից այն չի դառնում առավել հաճելի։ Խնդիրը լուծելու համար կրիր շնչող գործվածքից պատրաստված գուլպաներ և օրվա ընթացքում՝ ժամանակ առ ժամանակ, փոխիր կոշիկներդ։ Իսկ Feet Up շարքում դու անպայման կգտնես ոչ միայն ոտքի քրտնազերծիչ, այլև տարատեսակ քսուքներ և միջոցներ՝ մաշկի մահացած բջիջները հեռացնելու և այդ կերպ՝ տհաճ հոտի առաջացման պատճառը չեզոքացնելու համար։
8. ՈՐՊԵՍ ՎԵՐՋԱԲԱՆ
Պարֆյումերային ջուրը կամ eau de parfum պարունակում է բարձր խտությամբ եթերային յուղեր, ինչի շնորհիվ բույրը պահպանվում է առավել ինտեսնիվ և երկար, քան պարզապես հարդարաջուրը (eau de toilettes). Փորձագետները խորհուրդ են տալիս բույրը տարածել այն հատվածներին, որտեղ նկատելի է զարկերակը և թողնել այն չորանա։ Այո, ճիշտ հասկացաք, դաստակները միմյանց տրորելը սխալ է, այդպես նպաստում եք բույրի առավել շուտ անցնելուն։
