ՀԱՄԵՄԱՏԻՐ
Համեմատի՛ր քո ներկա բույրի հետ։ Ի՞նչ նոտաներ է այն պարունակում, ո՞ր խմբին է դասվում։ Միգուցե նախընտրում ես ծաղկային բույրեր։ Եթե այդպես է, խիզախորեն փնտրիր նմանատիպ բույրեր։ Եթե վստահ չես, թե որ նոտան է գերակշռում քո սիրելի բույրի մեջ, դու կարող ես այդ բույրի մասին ամբողջական տեղեկատվությունը գտնել Fragrantica.com կամ այլ նմանատիպ կայքում։
ԿԱՐԴԱ ԱԿՆԱՐԿՆԵՐ
Իհարկե, քո կարծիքը կարող է չհամընկնել ֆորումի այցելուների կարծիքների հետ, սակայն ակնարկներ կարդալը կօգնի ձևավորել բույրի վերաբերյալ քո անձնական կարծիքը։ Եթե արտահայտվածների ճնշող մեծամասնությունը բույրը նկարագրում է որպես «շատ ուժեղ» , իսկ քեզ դուր են գալիս ավելի թեթև բույրերը, ապա տվյալ բույրը քեզ հարմար չէ։ Տեղեկատվության լավ աղբյուր կարող են լինել նաև բյութի-բլոգները։
ԻՄԱՑԻՐ ՔՈ ՆԱԽԱՍԻՐՈՒԹՅՈՒՆՆԵՐԸ
Փորձի՛ր հասկանալ բույրի ո՞ր տարատեսակն է քեզ առավելագույնս հարմար՝ բուրումնաջուր (eau de cologne), հարդարաջուր (eau de toilette) կամ պարֆյումերային ջուր (eau de parfum)։ Բուրումնաջուրն իր կայունությունը պահպանում է շատ քիչ, սակայն կատարյալ թարմացնում է, այն դեպքում, երբ հարդարաջուրը՝ ամենատարածված պարֆյումերային արտադրանքը, մնում է ժամեր շարունակ։ Եթե քեզ անհրաժեշտ է առավել ինտենսիվ բույր, ընտրիր պարֆյումերային ջուր կամ օծանելիք (parfum)։ Համոզվի՛ր, որ դու հասկանում ես ինչ է քեզ անհրաժեշտ՝ մինչ «Գնել» մոգական կոճակին սեղմելը։
ՍՈՎՈՐԻՐ ԼԵԶՈՒ
Յուրացրու պրոֆեսիոնալների տերմինաբանությունը, և կսկսես խոսել միևնույն լեզվով։ Եթե բույրը նկարագրում են՝ որպես ավելի «ինտենսիվ» կամ «գայթակղիչ», ամենայն հավանականությամբ խոսքը գնում է փայտյա կամ արևելյան ընտանիքի երեկոյան բույրի մասին, որը հարմար է հատուկ առիթների համար։ Իսկ «առկայծող» և «կրքոտ» սահմանումները ավելի շատ վերաբերվում են կանացի ծաղկային կամ մրգային բույրին։
ՈՒՇԱԴՐՈՒԹՅՈՒՆ ԴԱՐՁՐՈՒ ՓԱԹԵԹԱՎՈՐՄԱՆ ՎՐԱ
Բույրը պարունակող սրվակը մեծամասնությամբ արտացոլում է տվյալ բույրի թեման և կարող է շատ բան պատմել դրա նոտաների մասին։ Ոսկով երզափակված փաթեթավորումը և ոսկե սրվակը ակնհայտորեն խոսում են շքեղ, երեկոյան բույրի մասին։ Բաց երկնագույն կամ կանաչ սրվակը, որպես կանոն, ներառում է բնական և թարմ բույր, որը հարմար է ամառվա և ցերեկային ժամերի համար, այն դեպքում, երբ վարդագույն սրվակը միանշանակ խոսում է կանացի ծաղկային նոտաների մասին։
ԱՍԱ՝ ՈՎ Է ՔՈ «ՔԻԹԸ»
Հայտնի պարֆյումերները (կամ Քթերը) որպես կանոն ունեն վառ ու ճանաչելի ոճ, այդ պատճառով եթե քեզ դուր է գալիս որևէ հայտնի պարֆյումերի ստեղծագործություն, ամենայն հավանականությամբ, քեզ դուր կգա նաև նրա այլ ստեղծագործություններ։
ՄԻ՛ ՆԱՅԻՐ ԱՐԺԵՔԻՆ
Ինչ վերաբերվում է բույրերին, թանկը ոչ միշտ է նշանակում ավելի լավը։ Որակի այլ ցուցանիշերը առավել կարևոր են գնից։
