Արևայրուքի համար նախատեսված միջոցների լայն տեսականուց յուրաքանչյուրը կարող է ընտրել իր համար կատարյալ միջոցը՝ խոնավացնող քսուքից մինչև մուս: Մենք առաջարկում ենք ցողաշիթ: Առաջինը՝ ցողաշիթը թույլ է տալիս հեշտությամբ մշակել անգամ դժվար հասանելի հատվածները, երկրորդը՝ միջոցը տարածվում է հավասարաչափ և այն հեշտությամբ տարածվում է մաշկին: Սակայն, անկախ այն բանից, թե որ տեսակին կտաս քո նախապատվությունը մաշկի ինքնարևայրուքի համար, դեմքի մաշկի համար մենք խորհուրդ ենք տալիս լոսյոն:
ՇԵՐՏԱԶԱՏՈՒՄ
Համաչափ ինքնարևայրուքի արդյունք ստանալու համար՝ նախապես կատարի՛ր մաշկի շերտազատում: Սա կօգնի խուսափել մաշկի վրա առաջացած բծերից: Շերտազատումը կօգնի հեռացնել կոշտացած բջիջները և ձերբազատվել մաշկի տարբեր հատվածների չոր մաշկից: Արդյունքում միջոցը կտարածվի համաչափորեն, իսկ արդյունքը կլինի առավել երկարատև:
ԺԱՄԱՆԱԿԻ ՊԼԱՆԱՎՈՐՈՒՄ
Ոտքերը սափրելու դեպքում գործընթացը պետք է կատարել ինքնարևայրուքի միջոցը տարածելուց առաջ: Հակառակ դեպքում մաշկի վրա կառաջանան հավելյալ բծեր:
ԽՈՆԱՎԱՑՈՒՄ
Քայլող նարնջի չնմանվելու համար ինքնարևայրուքի միջոցը տարածելուց առաջ անհրաժեշտէ մաշկը խոնավացնել: Վերցրո՛ւ թեթև խոնավացնող միջոց և հատուկ ուշադրություն դարձրո՛ւ չափից շատ չոր հատվածներին՝ ծնկներ, ներբաններին, կոճերին և դաստակներին:
ՀԱՄԲԵՐՈՒԹՅՈՒՆ
Ինքնարևայրուքի միջոցներից մեծամասնության համար անհրաժեշտ է 6-8 ժամ՝ մբողջությամբ ներծծվելու համար: Այս ժամանակահատվածում անհրաժեշտ է խուսափել ջրի հետ շփումից, ինչպես նաև հետևել, որ մաշկը չքրտնի (պետք է բաց թողնել մարզասրահի պարապմունքը): Եվ, իհարկե, միջոցը տարածելուց հետո պետք է սպասել մինչև այն ամբողջությամբ չորանա: Մի՛ շտապիր հագնվել միջոցը տարածելուց հետո ևս 5-10 րոպե: Այո, պրոֆեսիոնալ ինքնարևայրուքը պահանջում է համբերություն:
Միշտ հիշի՛ր. ինքնարևայրուքի միջոցն անհրաժեշտ է տարածել զով և չոր տարածքում: Եթե այս գործընթացը կատարես լոգարանում՝ լոգանքն ընդունելուց հետո, ապա հետքերն անխուսափելի կլինեն: Ձեռքերը նարնջագույն դառնալուց խուսափելու համար միջոցը տարածելու ընթացքում ձեռքերն անհրաժեշտ է պարբերաբար լվանալ: Երբ անհրաժեշտ կլինի միջոցը տարածել մեջքին, շրջանաձև շարժումներով միջոցը ցողի՛ր օդում և մեջքով առաջ գնա՝ մուտք գործելով ցողած ամպիկի մեջ: Ինքնարևայրուքի կաթիլները հավասարաչափ կնստեն մաշկին, և դու կստանաս անհրաժեշտ արդյունքը:
ՍԽԱԼՆԵՐ ԼԻՆՈՒՄ ԵՆ
Ոչ մեկին դուր չի գալիս բծավոր արևայրուքը, սակայն երբեմն ստացվում է այդպես: Մաշկի վրա մուգ երանգի բիծ հայտնաբերելու դեպքում իրավիճակը կօգնի շտկել տաք լոգանքը: Եթե չօգնի, փորձի՛ր կրկին նաև հաջորդ օրը:
.
