Ընտրում ենք արևային ակնոց՝ ըստ դեմքի ձևի

Կլոր կամ ձվաձև, քառակուսի կամ սրտաձև. ինչ ձև էլ ունենա քո դեմքը, մենք կօգնենք քեզ ընտրել դասական ակնոց այս ամառվա համար:

1. ՁՎԱՁԵՎ ԴԵՄՔ
Բախտդ բերել է: Դեմքի այսպիսի ձևին սազում է գրեթե ամեն ինչ. և՛ քառակուսի, և՛  ավիատոր, ինչպես նաև նորաձև վայֆարեր (Wayfarer) և «կատվի աչք»: Հետևի՛ր համամասնությանը. շրջանակները պետք է համընկնեն դեմքի լայնությանը և դուրս չգան սահմաններից, իսկ վերին սահմանը պետք է համընկնի հոնքերի գծի հետ:

Ո՞ւմ նայել. Ջուլիանա Մուր, Քեյթ Միդլթոն

2. ԿԼՈՐ ԴԵՄՔ
Այս դեպքում դեմքի երկարությունն ու լայնությունը նույնն են, դունչն ու մազերի աճման եզրագիծն ունեն կլորավուն ուրվագծեր: Ակնոցի հստակ ձևը, ուղիղ գծերը և սուր անկյունները կօգնեն տեսողաբար «ձգել» դեմքը, հայացքն ուղղելի դեպի քունքերը, որպեսզի դեմքի ձևը թվա ձվաձև: Ընտրի՛ր քառակուսի, «կատվի աչք» կամ վայֆարեր:

Ո՞ւմ նայել. Բեյոնսե, Միշել Ուիլյամս

3. ՔԱՌԱԿՈՒՍԻ ԴԵՄՔ
Լայն այտոսկրեր, լայն դունչ, մազերի աճման ուղիղ եզրագիծ. քառակուսի դեմքի դեպքում ընտրի՛ր քառակուսի կամ «կատվի աչք» ակնոց, դրանք հավասարեցնում են անկյունները:

Ո՞ւմ նայել. Ռիհաննա, Նատալի Փորթման

4. ՍՐՏԱՁԵՎ
Այսպիսի ձևը հաճախ չի հանդիպում, այդ պատճառով հպարտացի՛ր դրանով: Ընտրի՛ր ավիատոր, վայֆարեր և փոքրիկ շրջանակներ՝ նեղ եզրագծերով: Սրտաձևը շուռ տված եռանկյուն է, այդ պատճառով կարևոր է մեղմացնել ծանր վերին հատվածը. ակնոցի լայնությունը պետք է հանընկնի դեմքի լայնության հետ, ոչ ավելի:

Ո՞ւմ նայել. Ռիզ Ուիզերսփուն, Սքարլեթ Յոհանսսոն

Տեքստ Ֆոտո Oriflame