Ամենայն հավանականությամբ քեզ դուր է գալիս սաունա այցելելը։ Տաք օդը բացում է ծակոտիները, քրտնարտադրության հետ մեկտեղ դուրս են գալիս թունավոր նյութերը, արյունն ավելի ինտենսիվ է շրջանառվում, այս զգացողությունները ոչնչի հետ հնարավոր չէ համեմատել։ Տան պայմաններում սաունայի էֆեկտը կրկնելու համար, մեծ տարայի մեջ լրցու տաք ջուր և 10 րոպե դեմքդ պահի գոլորշու վրա։ Արդյունքն ուժեղացնելու համար կարող ես գլուխդ սրբիչով ծածկել։ Սեանսից հետո օգտագործի՛ր նուրբ սկրաբ։
ԴԻՄԱԿ, ԵՍ ԳԻՏԵՄ ՔԵԶ
Իհարկե, տան պայմաններում սրահի պրոցեդուրաների արդյունավետությանը հասնելը բավականին բարդ է, սակայն խնամքի հատուկ դիմակները կհաղորդեն թարմության հաճելի զգացողություններ և կերիտասարդացնեն մաշկդ։
Եթե չես կարող օգտագործել յուղի հիմքով միջոցներ, խնամքի հարցում քեզ կօգնեն գելի հիմքով դիմակները։ Այն լավագույնս հանգստացնում է զգայուն մաշկը։ Հասուն մաշկը արդյունավետ խոնավացնելու համար օգտագործիր դեմքի կտորե դիմակ, որի մակերեսին էլ անհրաժեշտ է տարածել խոնավացնող միջոցի շերտ։ Եթե մաշկն ունի թերությունների հակվածություն, դեմքի կավե դիմակը կմաքրի ծակոտիները և կհեռացնի մուգ կետիկները։ Շերտազատող դիմակը կօգնի հեռացնել մաշկի մահացած բջիջներն ու աղտոտվածությունը։ Եվ իհարկե, ցանկացած դիմակ առաջնահերթ օգնում է լիցքաթափվել։
ՄԵՐՍՄԱՆ ՍԵՂԱՆ
Տաք ցնցուղը կամ վաննան մաշկը կդարձնեն հարթ և մետաքսանման։ Մերսման ձեռնոցն ու մարմնի սկրաբը կօգնեն հրաշքներ գործել։ Կարևորը չմոռանալ, որ շարժումները պետք է լինեն շրջանաձև։ Մերսող օճառը կամ խոզանակը խթանում են արյան շրջանառությունը և արյան հոսքը դեպի այն հատվածներ, որոնք ունեն ցելյուլիտի հակվածություն։ Սեանսի վերջում մաշկին տարածիր յուղ։ Վստահեցնում ենք՝ դու կզգաս քեզ նոր մարդ։
ՄԱԶԵՐԻ ԴԻՄԱԿ
Միայն թե պատկերացրու՝ ինչ քանակությամբ փորձություններ են անցնում քո մազերը՝ տաք արդուկ, վարսահարդարիչ, լաք, գել, ներկում... Սակայն կա դրանց տանջանքները նվազեցնող և կենսական ուժը վերականգնող պարզ միջոց՝ մազերի դիմակ։Կախված քո օգտագործած դիմակից՝ կարող ես չոր կամ խոնավ մազերին այն տարածել լայն ատամներ ունեցող սանրով և թողնել, մազերը փաթաթել սրբիչով։ Մազերի դիմակները պարունակում են բնական յուղեր (օրինակ՝ նուշի, շիի կամ արգանի յուղ), որոնք խոնավացնում, վերականգնում և պաշտպանում են մազերը՝ հաղորդելով առողջ և շողացող տեսք։
ՈՏՔԵՐԻՆ՝ ՀԱՆԳԻՍՏ
Ի՞նչը կարող է լիենլ ավելի հաճելի, քան հոգնած ոտքերի մասին հոգալը։ Ներբաններդ դիր տաք ջրով տարայի մեջ և շերտազատող միջոցի օգնությամբ մերսիր կոշտացած մաշկով հատվածները։ Պեմզայի կամ ոտքերի խարտոցի օգնությամբ հեռացրու մաշկի կոշտացած բջիջները և տարածիր ոտքերի դիմակ՝ դրանց փափկություն հաղորդելու համար։ Իսկ հատուկ խնամքի համար կարող ես հագնել հատուկ խոնավացնող գուլպաներ։
