Ե՛վ ցամաքում, և՛ ծովում․ հավաքում ենք հարդարանքի պայուսակ ամռան համար

ԼՈՂԱՓԻՆ

Դրախտային լողափը, որպես կանոն, ենթադրում է երկար թռիչք։ Ինքնաթիռից դուրս ես գալիս հիշողությունումդ պահելած մայրամուտի գեղեցիկ պատկերը պատուհանից և չորացած, խամրած մաշկով։ Քեզ հետ ունեցիր գոնե մեկ կտորե դիմակ՝ արագ վերականգնման համար։

Պաշտպանիվի՛ր ՈւՄ-ճառագայթներից՝ աստիճանաբար նվազեցնելով SPF գործոնը 50-ից մինչև 30: Տարածի՛ր հատուկ նրբաքսուք արևի տակ լինելուց հետո, որպեսզի արևայրուքդ համաչափ լինի և ավելի երկար պահպանվի։

Ցնցուղի համար սնուցող բաղադրիչներով առավել նուրբ միջոց ընտրիր, որը չի վնասի արևայրուք ստացած զգայուն մաշկը և կպարգևի լրացուցիչ խոնավացում։ Մենք խորհուրդ ենք տալիս Е վիտամինով նոր VitaCare ցնցուղի գելը։

Լողափին գրեթե չես ուզում շպարվել․ քեզ հետ ունեցիր հոնքերը շտկող գունապնակ, կայուն շրթներկի հյութեղ երանգ և վստահ եղիր՝ չես սխալվի։

ԼԵՌՆԵՐՈՒՄ
Տպավորիչ տեսարաններ, 50-լիտրանոց ուսապարկ ուսերիդ․ եթե ժամանակ չունես բյութի-պրոցեդուրաների համար, սակայն ցանկանում ես ընդգծել գեղեցկությունդ լուսանկարներում, մենք կօգնենք քեզ։ Խիտ քողարկիչ` կարմրածությունների դեպքում, ջրակայուն սևաներկ և չոր շամպուն․ սելֆիի համար պատրաստվածություն՝ համար մեկ։ Մաշկի բոլոր բաց հատվածներին անպայման տարածի՛ր SPF գործոնով միջոցներ, հատկապես դեմքին և շուրթերին։ Եվ լիցքաթափիր․ գեղատեսիլ պատկերները 5* հյուրանոցի և տաք լոգարանակոնքի հետ մեկ փաթեթով չեն տրվում։ Այս արկածը դու կհիշես ողջ կյանքում։

ՔԱՂԱՔՈՒՄ
Վայելել ճարտարապետությունը, մոլորվել հին քաղաքի նեղ փողոցներում, այցելել բոլոր թանգարաններն ու ռեստորանները․ հրաշալի ծրագիր է։ Քեզ անհրաժեշտ է առավելագույն պաշտպանություն ապահովող քրտնազերծիչ և խոնավացնող նրբաքսուք՝ երկար զբոսանքից հետո ոտքերը վերականգնելու համար։

Քեզ հետ վերցրու նոր բույր և օգտագործի՛ր միայն դա․ այդպես այն կասոցացվի հենց այդ արձակուրդի հետ և կօգնի պահպանել հիշողությունները։

Երանգային միջոցներից ընտի՛ր ամենաթեթևը և ամենաբարձր SPF գործոն պարունակողը, իսկ արագ դիմահարդարման համար քեզ հետ ունեցիր կայուն քսուքանման ստվերաներկերը․ մի քանի համարձակ նրբագիծ, և ինքդ կդառնաս արթ-օբյեկտ։