Ինչպես անել. դիմահարդարում առանց դիմահարդարման:

Ինչ անել, եթե արդեն հոգնել ես վառ շրթներկներից ու գունավոր սլաքներից և թեթև դիմահարդարում ես ցանկանում «իմ մաշկը, բայց մի փոքր ավելի լավ» ոճով: Oriflame-ի պաշտոնական դիմահարդար Գալինա Իլյինան պատմում է` ինչպես քայլ առ քայլ անել աննկատ, բայց արտահայտիչ դիմահարդարում:

Կատարյալ երանգ

Գրեթե աննկատ դիմահարդարման գաղտնիքը ճիշտ երանգային քսուքն է, որը խոնավացնում է մաշկն ու օգնում է հասնել առողջ փայլի ներսից: Ինձ դուր է գալիս THE ONE A-Z քսուք-երանգն. ընտրիր այն՝ մաշկիդ առանձնահատկությունները հաշվի առնելով: Խառը և չոր տիպի մաշկին հարմար է խոնավացնող տարբերակը: Եթե օրվա ընթացքում յուղոտ փայլ է առաջանում, ապա փայլատ տարբերակը: Արևապաշտպան SPF 30 ֆիլտրը կստեղծի ապահով պատնեշ վնասակար ճառագայթումից: Տարածի՛ր ապրաքատեսակը խոնավ սպունգով կամ մատների բարձիկներով՝ առավել բնական ծածկույթ ապահովելու համար:

Լայֆհաք: Մի՛ օգտագործիր քողարկիչ. դրա փոխարեն երանգի երկրորդ շերտը տարածիր խնդրահարույց հատվածներին և սպասիր 1-2 րոպե: Խոնավացնող բաղադրիչները կներծծվեն մաշկի մեջ, իսկ թերությունները կծածկվեն:

Թավշե մաշկ

Անգամ դիմահարդարում առանց դիմահարդարման տարբերակում անհնար է առանց դիմափոշու: Այն լուծում է շատ կարևոր խնդիրներ՝ ամրացնում է երանգը, փայլատ է դարձնում և հավելյալ հարթեցնում է մաշկի կառուցվածքը: Եթե մաշկը խառը տեսակի է, ապա տարածի՛ր դեմքի կենտրոնական հատվածում՝ փարթամ վրձինով և շատ թեթև շարժումներով. ապրանքատեսակը կտարածվի անտեսանելի շղարշով: Բայց եթե յուղոտ փայլն առկա է ողջ օրվա ընթացքում, ապա դիմափոշին պետք է հետևյալ կերպ տարածել՝ նախ վրձնով անցիր ողջ դեմքով, այնուհետ ևս մեկ շերտ ավելացրու T-հատվածին:

Լայֆհաք: Դեմքի շտկիչը կամ բրոնզերը կարելի է փոխարինել դիմափոշով՝ դեմքի երանգից մեկ կամ երկու երանգ մուգն ընտրելով: Այն մի քիչ ջերմություն և թարմություն կհաղորդի. հատկապես արդիական է, եթե խուսափում ես արևայրուքից:

Բնական վարդագունում

Դիմահարդարում առանց դիմահարդարման տարբերակում ոչ մի փորձարկում չի կարելի անել տարածման հատվածների հետ: Թեպետ դրեյփինգն այժմ թրենդային է, բայց միանգամից կնկատվի: Կարևոր է ստեղծել բնական վարդագունման տպավորություն: Թեթև վարդագույն երանգը տարածում ենք այնտեղ, որտեղ հայտնվում է սեփական, բնական վարդագունումը:

Լայֆհաք: Եթե չգիտես, սնգույրի ինչ երանգ ընտրել, ապա ուշադրություն դարձրու մաշկի ենթաերանգին: Սառը երանգի համար խորհուրդ եմ տալիս Վարդագույն և Քաջվարդի երանգները, իսկ տաք երանգների համար՝ Դեղձե և Մարջանե:

 

Ձևավորված հոնքեր

Կարևորը, ինչին պետք է ուշադրություն դարձնել. հոնքերը չպետք է լինեն հստակ, գրաֆիկական ձևով: Ներկիր դրանք, ասես բնական մազիկներ ես նկարում: Ապրանքատեսակի գույնը կարող է համընկնել հոնքերի հետ կամ կես երանգով տարբերվել (ավելի մուգ և ավելի բաց): Հարմար է, երբ գունապնակում երկու երանգ կա՝ ըստ անհրաժեշտության կարելի է խառնել՝ ավելի կատարյալ երանգ ստանալու համար:

Լայֆհաք: Գունապնակի մուգ երանգի օգնությամբ բարակ սլաք նկարիր թարթիչների երկայնքով: Այն տեսանելի չի լինի, բայց արտահայտչականություն կհաղորդի աչքերին և կլրացնի կերպարը:

Բնական շրթունքներ

Երանգն ավելի հարմար է օգտագործել ամռանը՝ տաք եղանակին. այն կայուն է և ջրակայուն, իսկ բալզամը հրաշալի է ժամադրությունների համար, քանի որ վիզուալ մեծացնում է շրթունքները՝ խոնավության և թեթև փայլի շնորհիվ: Երանգն ավելի լավ է տարածել մատների ծայրերով՝ հստակ եզրագծից խուսափելու համար. հստակ եզրագիծը անբնական տեսք է հաղորդում:

Լայֆհաք: Երանգն ու բալզամը կարելի է համատեղել: Նախ տարածիր երանգն, այնուհետ բալզամի շերտը: Եթե շրթունքների մաշկը չոր է, ապա նման համադրությունը կպարգևի կայուն երանգ և սնուցող ազդեցություն:

Տեքստ