Ինպիսի՞ն է քո շեշտադրումը։
Շրթներկի և ստվերաներկերի համադրության դեպքում պետք է խուսափել երանգների նմանությունից։ Եթե շրթունքներին հագեցած և վառ գույն է, ապա աչքերի դիմահարդարումը ավելի լավ է զուսպ, հանդարտ երանգների մեջ անել։ Համապատասխանաբար, եթե շրթունքները բնական, բաց երանգի են, ապա աչքերը դառնում են դիմահարդարման կենտրոնը և շեշտադրումը պետք է անել դրանց վրա՝ նկատելի վառ երանգների միջոցով։ Իսկ ահա սնգույրն ու շրթներկը չպետք է նույնը լինեն, բայց պետք է նույն երանգային շրջանակից լինեն։
Զգո՛ւյշ կարմիրի հետ
Կարմիր շրթներկն ինքն իրենով արդեն իսկ հագեցած է և հավելյալ շեշտադրումների կարիք չունի։ Բայց ոսկեգույն երանգով մի քիչ սադափե ստվերաներկը հետաքրքիր փայլ կավելացնի կերպարին։ Եթե կարմիր շրթներկ եք օգտագործելու, ապա որպես սնգույր պետք է օգտագործել շագանակագույն-դեղձե երանգ և շեշտադրել եզրագծումը և ոչ թե վարդագունումը։
Ավելացրո՛ւ արտահայտիչ սլաքներ
Նյուդ, դեղձե, վարդագույն երանգի շրթներկները ներդաշնակորեն համադրվում են շոկոլադագույն կամ բրոնզագույն Սմոքի այզ ոճի հետ։ Կարելի է նաև փորձարկումներ անել երանգներով, օրինակ վառ երանգներով (կանաչ, երկնագույն, նարնջագույն) նկարել բարակ սլաք կամ ներկել ներքևի կոպը։
Գրագետ կերպար․ թարմ, արտաքին տեսք
Դիմահարդարման մեջ հատապտղային երանգները շատ ուշադրություն են գրավում, այդ իսկ պատճառով կարիք չկա աչքերի արտահայտիչ դիմահարդարում անել։ Օգտագործի’ր փայլազերծ, բեժ ստվերաներկ կամ առկայծող նյուդ։ Իսկ շրթունքներին տարածի՛ր վառ ֆուքսիա, կարելի է դեմքին թեթև վարդագունում ավելացնել նուրբ-վարդագույնի օգնությամբ։ Սա թարմացնում է դեմքը։
Ինչպե՞ս է սնգույրը համադրվում շրթներկի հետ։
Շրթներկի գինեգույն, բորդո, շագանակագույն երանգները համադրե՛ք դեղձե սնգույրի հետ։ Տարածե՛ք բարակ, գրեթե աննշան շերտով, որոնք թեթև երանգ կհաղորդեն դեմքին և ուշադրությունը չեն շեղի շրթունքներից։
