1. Բույրը չի կարելի պահել լոգասենյակում կամ պատուհանի գոգին՝ տաքն ու արևի ուղիղ ճառագայթները պարֆյումի թշնամին են։ Սիրելի սրվակների ամենահարմար տեղը մութ և զով վայրն է։
2. Եթե ուզում ես ամբողջ օրվա ընթացքում վայելել քո սիրելի բույրը, այն ցողիր մազերին։ Դրանք բույրը պահպանում են ավելի երկար ժամանակով։
3. Բույրը խոնավացված մաշկն ավելի լավ է պահպանում, քան չորը։ Այնպես որ օգտագործիր խնամքի համապատասխան միջոցներ՝ պարֆյումը տարածելուց առաջ։
4. Հարդարաջրի փոխարեն՝ նախապատվությունը ուր պարֆյումերային ջրին, քանի որ այստեղ բուրավետ յուղերի պարունակությունը ավելի շատ է, և հետևաբար, դրա բույրն ավելի կայուն է։
5. Ցիտրուսային նոտաները բոլորից շուտ են ցնդում, իսկ ամենաերկար պահպանվողը՝ փայտյա նոտաներն են։
6. Եթե բույրը տարածել ես անմիջապես տաք լոգանքից հետո, ապա խոնավ մաշկը և լայնացած ծակոտիները կպահպանեն այն երկար ժամանակով։
7. Առավել ուժեղ արդյունքի համար՝ հիշի՛ր, որ քո լոգանքի գելի բույրը պետք է պատկանի պարֆյումի նույն ընտանիքին։ Այդպես այն կծառայի՝ որպես հիմնական բույրի հիմք։
9. Պարֆյումը տարածելուց հետո դաստակները միմյանց շփելը պարզապես անիմաստ է, այսպես այն ավելի արագ է ցնդում։ Դրա փոխարեն թող այն չորանա բնական ճանապարհով և ամրանա մաշկի վրա։