Ինչպես թողնել առաջին տպավորությունը

Ասում են՝ մենք ունենք միայն 7 վայրկյան՝ առաջին տպավորությունը թողնելու համար: Դա այնքան էլ շատ չէ: Սակայն մի անհանգստացիր, մենք կտրամադրենք մի քանի խորհուրդ՝ յոթ վայրկյանի ընթացքում լավ տպավորություն թողնելու համար: Սկսե՞նք:

ՊԱՏՐԱՍՏՎԻՐ ՆԱԽՕՐՈՔ
Նախապատրաստումը կօգնի նվազեցնել հանդիպմանը նախորդող անհանգստությունը: Եթե քեզ սպասում է շփում պոտենցիալ հաճախորդի հետ, մի մոռացիր գուգլի և սոցիալական կայքերի օգնությամբ նախօրոք փնտրել տեղեկատվություն նրա մասին: Սա կօգնի ընտրել խոսակցության թեմաներ և գտնել ընդհանուր հետաքրքրություններ: Լավ տպավորություն թողնելու հիանալի սկիզբ, այնպես չէ՞:

ՄՏԱԾԻՐ ԲՈՒՅՐԻ ՄԱՍԻՆ
Հոտի զգացողությունը շատ ամուր կապված է հիշողությունների հետ: Եթե ուզում ես, որ քեզ մտապահեն (լավ իմաստով), բույրի ընտրությանը մոտեցիր շատ մանրակրկիտ: Առաջին հանդիպման համար օգտագործիր թեթև կոմպոզիցիա, որը չի բարդացնի կերպարդ: Բույրն օգտագործիր քիչ քանակությամբ: Մեզ դուր են գալիս Women's Collection Innocent White Lilac և My Naked Truth հարդարաջրերը՝ շնորհիվ դրանց նուրբ ու մեղմ նոտաների:

ՀԱԳՈՒՍՏԻ ԸՆՏՐՈՒԹՅՈՒՆ
Համոզվի՛ր, որ ընտրված կերպարը հարմար է հանդիպման թեմային ու մակարդակին: Անհարմար իրավիճակից խուսափելու համար՝ պարզիր, գուցե այն ենթադրում է խիստ դրես-կոդ: Միշտ ընտրիր այնպիսի հագուստ և կոշիկ, որոնք հարմար են: Հակառակ դեպքում՝  քո անհարմարության զգացողությունը կլինի նկատելի, ինչն այս դեպքում ընդհանրապես տեղին չէ:

ԺԱՄԱՆԻՐ ԺԱՄԱՆԱԿԻՆ
Ճշտապահությունը նշանակում է, որ դու հարգում ես մյուսների ժամանակը, այդ պատճառով միշտ նախատեսիր ավել ժամանակ՝ չկանխատեսված իրավիճակների համար: Սա կօգնի հասնել ճիշտ ժամանակին:

ՈՒՇԱԴԻՐ ԼՍԻՐ
Զրույցը քո մասին պատմելով սկսելու փոխարեն՝ խոսակցությունը սկսիր զրուցակցիդ մի քանի հարց ուղղելով: Այսպես դու կունենաս հավելյալ ժամանակ խոսքդ նախապատրաստելու համար: Պահիր տեսողական կոնտակտ, մի ընդհատիր, ցույց տուր քո հետաքրքրվածությունը և խրախուսանքը (օրինակ՝  գլխով արած համաձայնության նշան): Այս փոքրիկ ժեստերը ցույց կտան, որ դու շատ ուշադիր լսում ես:

ԽՈՍԻՐ ՄԱՐՄՆՈՎ
Մարմնի լեզուն քո մասին պատմում է ավելին, քան թվում է: Հետազոտությունների համաձայն՝ ամբողջ շփման 90%-ը ընկալվում է ոչ վերբալ տարբերակով: Երբ կանգնած կամ նստած ես, համոզվի՛ր, որ մեջքդ ուղիղ ես պահում, էներգիայով լի ես ձեռք սեղմելիս, զրույցի ընթացքում նայում ես զրուցակցիդ աչքերի մեջ և չես մոռանում ժպտալու մասին: Այսպես դու զրուցակցիդ մոտ կընկալվես հանգիստ ու ինքնավստահ:

ՊԱՀՊԱՆԻՐ ՀԱՆԳՍՏՈՒԹՅՈՒՆԸ
Ճիշտ պարֆյումի ընտրությունը կարող է հանդիպումից առաջ քեզ օգնել լիցքաթափվել: Նարդոսի, վարդի, խորդենու, բերգամոտի, իլանգ-իլանգի և հասմիկի նոտաները հայտնի են իրենց հանգստացնող հատկություններով: Ի դեպ, դրանք առկա են մեր սիրելի բույրերի հավաքածուի մեջ:

Փորձի՛ր Eclat Femme, Paradise, Giordani Gold White, Possess բույրերը:

ԵՂԻՐ ԱՅՍՏԵՂ ԵՎ ՀԻՄԱ
Չկա ավելի վատ բան, քան անընդմեջ հեռախոսի մեջ նայող զրուցակիցը, սա ցույց է տալիս, որ մտովի նա շատ հեռու է իրականությունից: Անջատի՛ր հեռախոսը (կամ պարզապես դրա ձայնը), և քո ամբողջ ուշադրոթյունն ուղղիր զրուցակցիդ:

Տեքստ Ֆոտո Getty Images

Գնել

Նմանատիպ հոդվածներ