Թո՛ղ մաշկը փայլի:
Մաշկի որակն առաջինն է, ինչ նկատում են մեր զրուցակիցները, այդ իսկ պատճառով դեմքի շողացող երանգն ապահովում է բացարձակ ինքնավստահություն: Եթե ցանկանում ես, որ մաշկը ներսից շողա, կարևոր է մանրակրկիտ խնամքը: Շիճուկներ ավելացրո՛ւ քո բյութի-ծեսերին, եթե չես հասցրել անել դա. շիճուկները մատակարարում են ակտիվ բաղադրիչների կենտրոնացված չափաբաժնի մուտքը մաշկի խորքային շերտեր, դրանց օգուտն ակնհայտ և նկատելի է արդեն մի քանի օգտագործումից:
Որպեսզի մաշկը բառացիորեն շողա, ընտրի՛ր շիճուկ, որը նպատակաուղղված է խոնավացմանը և ակնթարթային կերպարանափոխմանը, կամ այն շիճուկը, որը ուժեղացնում է կոլագենի արտադրումը, որպեսզի մաշկի երանգն ավելի բաց լինի, իսկ կնճիռները՝ քիչ նկատելի: Հավելյալ էֆեկտի համար դեմքի արագ մերսում արա՛, ինչը կարագացնի արյան շրջանառությունը և կօգնի դիմակայել այտուցներին:
Շատ ջուր խմի՛ր
Արի՛ իրատես լինենք: Գեղեցկությունը սկսվում է ներսից, և իրականում քո մաշկն արտացոլում է քո առողջության ընդհանուր վիճակը: Երկարաժամկետ հեռանկարում առողջ և փայլուն մաշկի համար կարևոր է խոնավացումը և ոչ միայն խնամքի տեսքով, այլև ջուր խմելու տեսանկյունից: Համոզվի՛ր, որ օրական խմում ես 2 լիտրից ոչ պակաս ջուր, կամ պահպանի՛ր մաշկի խոնավացումն՝ օգտակար հավելումների շնորհիվ:
Հայլայթեր ավելացրո՛ւ
Ակնթարթորեն շողացող էֆեկտի համար դիմահարդարման մեջ պատասխանատու է հայլայթերը և մենք խորհուրդ ենք տալիս քսուքային տեսակը. այն առավելագույնս բնական տեսք ունի և ձուլվում է մաշկին: Տարածի՛ր միջոցը հենց մատներով. մատների ջերմությունը կօգնի տարածել կառուցվածքը և ստեղծել առկայծող մաշկի էֆեկտ: Եթե քեզ երեկոյան խնջույք է սպասվում, ապա չմոռանաս առկայծում պարգևել մաշկի բաց հատվածներին: Խառնի՛ր հեղուկ հայլայթերի մի քանի կաթիլ մարմնի սիրելի քսուքին և տարածի՛ր ուսերին, անրակներին, ձեռքերին, ծնկներին: Ավարտի՛ր շողացող կերպարը՝ չմոռանալով շրթունքներին փայլ հաղորդել փայլի միջոցով:
Քո շուրջը բույրի անմոռանալի շղարշ ստեղծի՛ր
Ամեն մի աստղ իր գաղտնիքն ունի և հուզող բույրը կարող է անմոռանալի անուշաբույր տպավորություն թողնել, որը կհագեցնի կերպարդ լույսով: Ամեն քայլին լույս ճառագելու համար ընտրի՛ր օծանելիք, որն օժտված է անվիճելի աստղային որակներով: Divine Exclusive պարֆյումերային ջուրը ստեղծված է Shining Star (վառ ծաղկային նոտաներ և փայտե պաչուլի) բացառիկ երանգի և Long Sillage տեխնոլոգիայի հիմքով, որը բազում փորձություններ է անցել՝ 5 մետր հեռավորությամբ բույրը տարածելու համար: Բույրի շարունակական ազդեցությունը կոչված է իրապես ցնցող դարձնելու քո մուտքը. Divine Exclusive -ի հետ դու միշտ կփայլես ուշադրության կենտրոնում: Նրբագեղ բույրը փաթեթավորված է մոդայիկ սրվակում՝ զարդարված Swarovski® փայլող բյուրեղներով. դու իսկապես քեզ հայտնի կզգաս ամեն անգամ սրվակը ձեռքդ վերցնելիս:
Հավատա՛ ինքդ քեզ
Իրականում, շողալը վստահությունն է: Երբ երջանիկ ես զգում, իրապես շողում ես ներսից: Հաճախ զանգահարի՛ր ընկերներիդ, որոնք ի սրտե աջակցում են քեզ, հոգ են տանում քո մասին, լավ քնի՛ր և հաճախ ժպտա՛՝ նշելով քո նվաճումները:
