Բույր Ամանորի համար

Ընտրում ես նվերներ հարազատներին և մտերիմներին, հաշվում տոնական սեղանի ծախսերը, փնտրում գեղեցիկ զգեստ ու կոշիկներ, լուծում տան և աշխատանքային խնդիրները: Դեկտեմբերն անցնում է՝ ինչպես մեկ ակնթարթ: Առաջարկում ենք կանգ առնել ու մտածել: Իսկ ի՞նչ ես ինքդ ուզում: Եթե նոր պարֆյում, ապա առաջարկում ենք չորս տարբերակ:

ՀԱՐԴԱՐԱՋՈՒՐ SI MAGNIFIQUE!
Կլորավուն ձև ունեցող սրվակը հրաշալի տեղավորվում է ափի մեջ: Հանում ես գլխիկը, սեղմում մեկ-երկու անգամ, զգում բույրը և ժպտում. այն է, ինչ պետք է: Այստեղ զգացվում են զով օդը, քիչ հեռու գտնվող հրուշակարանից եկող համեմունքների տաք բույրը, վարդը, որն առաքել են առավոտյան և նշով կարկանդակը:
Պարֆյումեր Աննիկ Մենարդոն ուզում էր պատմել սուրբծննդյան Փարիզի ուիկենդներից մեկի պատմությունը: Եվ դա նրան հաջողվեց՝ հարդարաջուր Si Magnifique: Հնչում է քաղցր, ունի ֆրանսիական նրբագեղ տեսք, որին սիրահարվում ես ակնթարթորեն:

Նոտաները՝ բերգամոտ, ֆրանսիական վարդ, նշի ծառ:
Տիպը՝ մրգային, արևելյան, վանիլային:
Կերպարդ լրացրու «Կլեո» զարդերի հավաքածուով: բազմաշերտ վզնոց և թևնոց՝ պատրաստված ոսկեգույն մետաղից և զարդարված սև քարերով: Հավաքածուն ներառում է նաև երեք մատանիներից կազմված հավաքածու:

ПՊԱՐՖՅՈՒՄԵՐԱՅԻՆ ՋՈՒՐ SO FEVER HER
Կախարդական բալասանն ու մոգական թուրմը մեկ սրվակում՝ այս բույրը լուրջ է տրամադրված: Ակնթարթային հպում, պատահական հայացք և էլեկտրականացված մթնորլորտ: Կախարդական բանաձևի գլխավոր պատասխանատուն ալքիմիկ, ֆրանսիացի պարֆյումեր Վենսեն Շալլեն է: Դու կարող ես հիշել նրա հեղինակած My Red բույրը, So Fever Her պարֆյումերային ջուրը գայթակղության նոր մեկնաբանումն է «Մոխրագույնի 50 երանգ» ոճով:

Նոտաներ՝ կոճապղպեղի ծաղիկներ, սև հաղարջ, սանդալ:
Տիպը՝ արևելյան, փայտյա, վանիլային:
Գայթակղիչ կնոջ կերպարը համալրելու համար ավելացրու վինտաժային ոճով զարդեր: Մեզ դուր է գալիս «Էմերալդ» հավաքածուն (վզնոց, ականջօղեր և մատանի): Հյուսքի դասական ձևը և կանաչ գույնի խոշոր քարերը կփոխանցեն քո լուրջ տրամադրվածությունը:

ՀԱՐԴԱՐԱՋՈՒՐ NORTHEN GLOW
Ի՞նչ կա այնտեղ՝ երկնքում: Գույնզգույն լույսի ճաճանչները հիշեցնում են վաղուց մոռացված ճամփորդելու երազանքի մասին: Ամանորյա երեկույթի ժամանակ մեկ բաժակ շամպայնով դուրս ես գալիս պատշգամբ, երկար շարֆը փոքր-ինչ ծակծկում է մերկացված մաշկը, մետաքսե զգեստի փայլ, շամպայնի պղպջակների ձայն... Մտապահիր տեսնել հյուսիսափայլը: Այդ ընթացքում սկսվում է վառ հրավառություն և աստղի ծայրը ճեղքում է երկինքը: Նշանակում է՝ երազանքը կիրականանա:

Նոտաներ՝ պնդուկենի, վարդ «սուլթան», թավշե մուշկ:
Տիպը՝ ծաղկային, մրգային, փայտյա:
Հյուսիսափայլի մոգականությանը կօգնի համանուն աքսեսուարների (ականջօղեր և կլաչ) և մաշկի խնամքի միջոցների հավաքածուն:

ՀԱՐԴԱՐԱՋՈՒՐ ECLAT FEMME 
Ամեն ինչ գնում է՝ ըստ ծրագրի. աշխատանքային վերջնաժամկետները դրված են, տոմսերը՝ գնված, 2018-ի օրակարգը ցուցակագրված է շաբաթներով կամ անգամ օրերով: Տարեց տարի դառնում ես էլ ավելի ուժեղ, իսկ բնությունից տրված հմայքը, կանացիությունն ու գործնական հմտությունը հրաշքներ են գործում:
«Eclat ապրանքանիշի պահպանած ժառանգությամբ պարֆյումերային կոմպոզիցիան մնացել է նույնը, սակայն ավանդական  նոտաների հնչողությունն էլ ավելի է ուժեղացել՝ շնորհիվ բուրավետ նյութերի բարձր խտության: Շլեյֆն ավելի երկար է, իսկ հենց ինքը՝ բույրը՝ առավել կայուն»,- նշում է պարֆյումեր Մարի Սալամանյը:

Նոտաներ՝ արաբական հասմիկ, մանդարին, սանդալ:
Տիպը՝ ծաղկային, փայտյա:

Ժամանակն աշխատում է քո օգտին. «Էլեգանս» հավաքածուից ընտրիր ժամացույց և ոչ մի րոպե բաց մի՛ թող:

Տեքստ Ֆոտո Oriflame