4 հայտնի հարց մաշկի խնամքի մասին (և դրանց պատասխանները)

Անհրաժե՞շտ է խոնավացնող քսուք օգտագործել յուղոտ մաշկի դեպքում: Ի՞նչ անել ավելորդ փայլի հետ: Ինչպե՞ս վարվել այտերի թեփոտվածության հետ, եթե ոչինչ չի օգնում: Եթե մաշկի խնամքը քեզ հուսահատության է հասցնում («անում եմ, անում, բայց՝ անարդյունք»), կարդա՛ մեր նյութը: Մենք կհանգստացնենք և կօգնենք լուծում գտնել:

ԵՍ ՄԱՇԿԻ ՀԵՏ ԱՌԱՆՁՆԱԿԻ ԽՆԴԻՐՆԵՐ ՉՈՒՆԵՄ, ՍԱԿԱՅՆ ՔԹԻ ՇՈՒՐՋ ՀԱՏՎԱԾԸ, ԴՈՒՆՉՆ ՈՒ ՃԱԿԱՏԸ ՄԻՇՏ ՓԱՅԼՈՒՄ Է, ԻՆՉՈ՞Ւ: ՊԵ՞ՏՔ Է ՀԱՏՈՒԿ ՄԻՋՈՑ ՕԳՏԱԳՈՐԾԵԼ ԽՆԴԻՐԸ ԼՈՒԾԵԼՈՒ ՀԱՄԱՐ
Նորմալ իրավիճակ է խառը տիպի մաշկի համար. դեմքի վրա առկա են չոր ու յուղոտ հատվածներ: Այդպիսի մաշկը կարող է տառապել չորությունից՝ եղանակային պայմանների, շոգ կլիմայի դեպքում բարձր յուղոտության պատճառով: Հորմոնալ փոփոխությունները ևս կարող են ունենալ իրենց ազդեցությունը: Անհրաժեշտ չէ օգտագործել հատուկ կոսմետիկա կամ դեղորայքային ապրանքանիշներ, ավելի լավ է փնտրել խոնավացնող և հաշվեկշռող հատկություններով արտադրանքներ: Այդպիսիք կան
 նորմալ և խառը տիպի մաշկի համար նախատեսված միջոցների շարքերում:

Փորձի՛ր պահպանել հաշվեկշիռը, օգտագործի՛ր խոնավացնող միջոցներ, որքան էլ որ ցանկանաս պայքարել Т-աձև հատվածում ավելորդ փայլի դեմ:

ԵՍ ՅՈՒՂՈՏ ՄԱՇԿ ՈՒՆԵՄ. ՄԱՔՐԵՍ, ՉՄԱՔՐԵՍ, ՎԻՃԱԿԸ ԳՆԱԼՈՎ ՎԱՏԱՆՈՒՄ Է: ՕԳՆԵ՛Ք
Յուղոտ մաշկի ամենից տարածված խնդիրը. որքան շատ ես մաքրում մաշկն, այնքան այն ավելի է «դիմադրում» և ավելի շատ սեբում է արտադրում: Համաձայնիր, որ այն այդպիսի քանակությամբ քեզ անհրաժեշտ չէ: Պահպանի՛ր հաշվեկշիռը: Օգտագործի՛ր  յուղոտ մաշկի համար նախատեսված շարքեր. դրանք կօգնեն նրբորեն մաքրել մաշկը, չգրգռել և կարգավորել խոնավության մակարդակը:

ՔԱՄԻ, ՑՈՒՐՏ, ՁՅՈՒՆ ԵՎ ԱՆՁՐԵՎ. ԱՄՌԱՆՆ ՈՒ ՁՄՌԱՆԸ ՄԱՇԿՍ ԱՀԱՎՈՐ Է ԶԳՈՒՄ ԻՐԵՆ՝ ԹԵՓՈՏՎՈՒՄ Է, ՀԻՎԱՆԴԱՆՈՒՄ Է, ՉՈՐՈՒԹՅԱՄԲ Է ՏԱՌԱՊՈՒՄ: ՄՅՈՒՍ ԵՂԱՆԱԿՆԵՐԻՆ ԻՐԱՎԻՃԱԿՆ ԱՎԵԼԻ ԼԱՎ ՉԷ (ՆՈՒՅՆԻՍԿ ԱՄՌԱՆԸ): ՄԻ՞ԹԵ ԻՄ ՄԻԱԿ ՓՐԿՈՒԹՅՈՒՆՆ ԱՎԵԼԻ ՇԱՏ ՔՍՈՒՔ ՕԳՏԱԳՈՐԾԵԼՆ Է:
Խոնավացնող միջոցների սխալ ընտրության դեպքում կարող ես անգամ քսան շերտ տարածել, իրավիճակը չի փոխվի: Ավելի ճիշտ՝ ամեն ինչ ավելի վատ կդառնա. ծակոտիները կխցանվեն, ակնե կամ պզուկներ կառաջանան: Առաջինը, ընտրիր խոնավացնող քսուք, որը խոնավացնում է և սնուցում է չոր մաշկը: Երկրորդը, միջոցից փոքր քանակությամբ (սիսեռահատիկի չափ) տարածիր ամբողջ դեմքիդ: Երրորդ, միշտ շիճուկ օգտագործիր խոնավացնող միջոցից առաջ: Փոքրիկ մոլեկուլների շնորհիվ՝ շիճուկներն ավելի թեթև կառուցվածք ունեն, քան քսուքները, և ապահովում են սնուցող մասնիկների ավելի խորը ներթափանցմանն ու ուժեղացնում են խոնավացնող քսուքների արդյունավետությունը: 

ԵՍ ՉԵՄ ՕԳՏԱԳՈՐԾՈՒՄ ԽՈՆԱՎԱՑՆՈՂ ՔՍՈՒՔՆԵՐ, ՔԱՆԻ ՈՐ ՄԱՇԿՍ ՇԱՏ ՅՈՒՂՈՏ Է. ԸՆԿԵՐՈՒՀԻՍ ԱՍՈՒՄ Է, ՈՐ ԵՍ ՇԱՏ ՍԽԱԼ ԵՄ ԱՆՈՒՄ: Ո՞Վ Է ՃԻՇՏ
Ընկերուհիդ ճիշտ է (ներիր): Գեղեցկությունն ու առողջությունը պահպանելու համար՝ մաշկին անհրաժեշտ է հաշվեկշիռ. սեբումի նորմալ արտադրություն, բավականաչափ քանակով խոնավացում: Յուղոտ մաշկի դեպքում անհրաժեշտ է օգտագործել խոնավացնող միջոցներ, չէ՞ որ մաշկի վիճակը (ի տարբերություն տիպի) կարող է փոփոխվել: Նորմալից ջրազրկում. այն սկսում է կոմպենսացնել հեղուկի պակասն ու արտադրել ավելի ու ավելի շատ սեբում: Լուծում կա. յուղոտ մաշկի համար նախատեսված խոնավացված արտադրանքներ: Դրանք պարունակում են ակտիվ բաղադրիչներ, օրինակ՝ B5 վիտամին, սպիտակ ակացիայի մզվածք, հալվե վերա, թեյածառ, որոնք վերականգնում են մաշկի հաշվեկշիռն ու արագացնում են դրա վերականգնումը, հեռացնում են բորբոքվածությունն ու ավելորդ փայլը:

Տեքստ Ֆոտո Getty Images