ՊԱՐԱՆՈՑ
Դեմքի ամենօրյա մերսումն ու յոգան կարող են կանխարգելել մաշկի առաձգականության կորուստը պարանոցի շրջանում՝ շնորհիվ դիմային մկանների ամրացման։ Համացանցում կան բազմաթիվ տեսանյութեր, որտեղ մանրամասն նկարագրված է այդ ընթացակարգը։ Վերոնշյալը համատեղելով մարմնի հակատարիքային համալիր խնամքի հետ (ինչպիսին է Ultimate Lift-ը NovAge ապրանքանիշից), կարող ես հասնել հիանալի արդյունքի։
ԼԱՆՋԱԲԱՑՎԱԾՔ
Այս հատվածի նուրբ մաշկը պաշտպանելու լավագույն միջոցը՝ բարձր օձիքով հագուստ կրելն է։ Այս տարբերակի հարմար չլինելու դեպքում՝ օգտագործիր SPF միջոցներ։ Տարածիր քո սովորական քսուքը ոչ միայն դեմքին, այլև պարանոցին և լանջաբացվածքին։
Քնի ընթացքում մաշկը վերականգնվում է և լրացնում սնուցող նյութերի պաշարը: Այս հարցում նրան օգտակար լինելու համար` մի՛ մոռացիր օգտագործել գիշերային սնուցող քսուք։ Պեպեններ կամ տարիքային գունակներ ունենալու դեպքում օգտագործիր սպիտակացնող միջոցներ։
ՁԵՌՔԵՐ
Ողջ օրվա ընթացքում քո ձեռքերը մնում են անպաշտպան՝ ագրեսիվ շրջակա միջավայրի պատճառով։ Ավելին՝ դրանց վրա մշտապես ընկնում են արևային ճառագայթներ, իսկ դա նշանակում է, որ ծերության նշանների վաղաժամ հայտնվելու հավանականությունը մեծ է։ SPF-ով ձեռքերի քսուքը կօգնի լուծել խնդիրը և կանխարգելել գունազրկումն ու կնճիռների առաջացումը։ Փնտրիր А, С կամ Е վիտամիններ պարունակող միջոցներ՝ մաշկի սնուցումը, առաձգականության վերականգնումն ու գունաբացումն ապահովելու համար։
ԱԶԴՐԵՐ
Տարիների ընթացքում մաշկը կորցնում է իր էլաստիկությունը և թուլանում։ Այս նշաններն առաջինը նկատելի են ազդրերի, փորի և ձեռքերի հատվածներում, ինչն էլ տարիքային փոփոխությունների նորմալ ընթացք է։ Կանոնավոր մարզումները քո մկանները կպահեն տոնուսում, իսկ միրգ ու բանջարեղեն ներառող ճիշտ սննդակարգը և ջրի բավարար քանակի օգտագործումը կդանդաղեցնեն ծերության գործընթացները։ Ինչպես նաև ուշադրություն դարձրու կոֆեին պարունակող կոսմետիկ միջոցներին։
