Պոչիկներ կախված կոպերի համար

Քայլ 1: Մաշկի նախապատրաստում

Կոպի մաշկը հազվադեպ է կատարյալ երանգ ունենում: Անհրաժեշտ է ճիշտ նախապատրաստել այն, որպեսզի ապագա դիմահարդարումը լինի կոկիկ և երկար պահպանվի(սա հատկապես կարևոր է յուղոտվելու հակում ունեցող մաշկի համար): Տարածիր քողարկիչը, որպեսզի թաքցնես մազանոթները, այնուհետ դիմոփոշու բարակ շերտ ավելացրու կամ ծավալուն վրձինով բաց գույնի ստվերաներկ տարածիր կոպի ողջ երկայնքով: Համարձակ ընտրիր  THE ONE «Բեժ նյուդ» ունիվերսալ երանգը:  Չոր բաղադրիչի շերտը կլանում է ավելորդ սեբումը և թեթևացնում է առավել մուգ գույների երանգավորումը:

Քայլ 2: Մուգ երանգի տարածումը

Կախված կոպերը լինում են երկու տեսակի՝ դեպի աչքի արտաքին եզրը կամ դեպի աչքի կենտրոնը:

Ուշադիր նայի՛ր հայելու մեջ և  որոշի՛ր, թե որտեղ է կոպդ հպվում թարթիչների աճման գծին:  Այն հատվածում, որտեղ կոպը կախվում է, օգտագործելու ենք շագանակագույն ստվերաներկ, որպեսզի տեսողականորեն թաքցնենք այն՝ մգացման շնորհիվ: Երանգը չպետք է շատ մուգ լինի, մենք փորձում ենք բնական ստվեր ստանալ:  Ինձ դուր է գալիս THE ONE «Անփայլ լատե» երանգն. այն եզրագծման դիմափոշի է հիշեցնում: Իմ պարագայում կոպը կախվում է աչքի արտաքին եզրի հատվածում: Այն նույն ծավալուն վրձինով մի քիչ ստվերաներկ եմ վերցնում և տարածում: Թեթև երանգավորում եմ կոպերի հատվածը, որպեսզի արտահայտեմ աչքերը:

Եթե քո կոպերը կախվում են դեպի աչքերի կենտրոնն, ապա մուգ գույնը պետք է տարածել ծալքի վրա: Դրա տեղը շատ հեշտ է որոշել, անկախ նրանից, որ կախված կոպի դեպքում այն կարող է արտահայտված չլինել: Շրջիր վրձինը և զգուշորեն տեղադրիր ծայրը ունքերից քիչ ներքև: Զգո՞ւմ ես ակնախոռոչի ոսկորային սահմանը:  Հենց այստեղ, կոպի ողջ վերին հատվածում պետք է մուգ երանգ ավելացնել:.

Երբ ավարտես, ստուգի՛ր դիմահարդարումը բաց աչքերով. համոզվի՛ր, որ երանգավորումը տեսանելի է և չի թաքնվել կախվող կոպի տակ:

 

Քայլ 3: Միջթարթչային պոչիկներ

Մատիտով ներկում ենք միջթարթչային տարածությունը և վերևի թարթիչների աճման ներքին եզրագիծը. սա տեսողականորեն կավելացնի թարթիչների խտությունը, կխորացնի հայացքը և աչքերն ավելի մեծ կդարձնի: Այս քայլը պարտադիր է պոչիկներով դիմահարդարման համար՝ թարթիչների միջև չպետք է տարածություն մնա, այլապես պոչիկը կոկիկ տեսք չի ունենա:

Ընտրի՛ր փափուկ  և պիգմենտացված մատիտ, որպեսզի չվնասես կոպը և հեշտորեն հագեցած գիծ ստանաս: Ես օգտագործում եմ THE ONE High Impact  մատիտ-գծաներկը:

Այս քայլից հետո կարելի է սևաներկ օգտագործել և վերջ՝ կստացվի հիմնական ցերեկային դիմահարդարում կախված կոպի համար: Բայց մենք առաջ ենք շարժվում և պոչիկ ենք նկարում:

 

Քայլ 4: պոչիկ

Կախված կոպի դեպքում դիմահարդարման նպատակն է նվազեցնել հայացքի ծանրությունը  և տեսողականորեն առաջ բերել աչքերը:

Պոչիկը պետք է լինի առավելագույնս բարակ և կարճ ծայրով.այսպիսի գիծը չի ծանրացնի կոպը և չի լղոզվի

Հաջողության բանալին՝ գերկայուն ապրանքատեսակն է, որը չի լղոզվի կախված կոպի ներքո: Ինձ դուր է գալիս THE ONE գծաներկն. այն առաջին իսկ օգտագործումից ամուր շերտ է ապահովում և պահպանվում է մինչ դիմահարդարման մաքրումը:  Նախ նկարում ենք  թարթիչների աճման երկայնքով: Աչքի ներքին եզրի մոտ գիծը պետք է բարակ լինի, իսկ արտաքին եզրի մոտ՝ ավելի լայն: Հաստությունը կարելի է կարգավորել սեղմումով, որքան ուժեղ սեղմես գծաներկն, այնքան հաստ կլինի պոչիկ:  Երկրորդ միջոցը՝ նախ բարակ գիծ նկարիր ողջ կոպի երկայնքով, իսկ երկրորդ քայլով ավելացրու գիծն արտաքին եզրի մոտ:

Այժմ նկարում ենք պոչիկը: Ուշադիր եղի՛ր, այն պետք է լինի ներքին կոպի եզրագծի շարունակությունը: Ավելի ներքև իջեցնել չի կարելի: Սա կբարձրացնի աչքերը և հայացքը ավելի բաց կդարձնի:  Նկարիր պոչիկի ներքևի հատվածի ծայրը՝ ուղղությունը դեպի ներքևի թարթիչների գիծը: Միացրու վերևի կոպի գծի հետ և ֆիքսիր ստացված եռանկյունը:

 

Քայլ  5: Ներքևի կոպի մգացում և թարթիչներ

Վերցրու մի քիչ շագանակագույն երանգից և տափակ վրձնի օգնությամբ տարածիր ներքևի կոպին՝  աչքին ծավալ հաղորդելու համար: Տարածիր մինչ ակնաբիբը. երանգը չպետք է հասնի աչքի ներքին եզրին:

 

Թարթիչները ներկիր առավելագույնս խիտ՝ վեր ձգելով, որպեսզի դրանք նույնպես ծածկեն կախված կոպը:

Խիտ ծավալով թարթիչները հրաշալիորեն ծածկում են կախված կոպը:

Պատրաստ է:

Սեղմիր նկարին, որպեսզի տեսնես այս կերպարի ստեղծման համար անհրաժեշտ բոլոր միջոցները:

Խորհուրդ դիմահարդարից

Պոչիկներով դիմահարդարումը վաղուց դադարել է լինել երեկոյան դիմահարդարման մաս: Այսօր պոչիկներ անում ենք ցերեկվա կամ գիշերվա ցանկացած ժամանակ, ցանկացած հաստության և երկարության: Երբ տիրապետես դասական պոչիկին կախված կոպի համար, փորձարկի՛ր նաև նոր թրենդները:

Թեթև պոչիկ

Շատ աղջիկներ ընտրում են հենց այս ձևը՝ թրենդային «դիմահարդարում առանց դիմահարդարման» էֆեկտ հաղորդելու և տեսողականորեն աչքի կտրվածքը փոխելու համար: Գիծը պետք է լինի հազիվ նկատելի և լավ երանգավորված, իսկ պոչիկը՝ փոքրիկ: Այսպիսի պոչիկը հարմար է արտահայտված կլոր աչքեր ունեցողների համար. նրանք պետք է խուսափեն հաստ պոչիկներից, իսկ պոչիկը պետք է ավարտվի ճիշտ աչքի արտաքին եզրի մոտ:  

Օմբրե-պոչիկ

Պոչիկի այսպիսի տարբերակը հրաշալիորեն հարմար է ամռանը: Բայց բավական է վառ գունապնակը փոխարինել առավել մուգ երանգներով և կստացվի ոճային աշնանային կամ ձմեռային պոչիկներ: Ներքին եզրի համար օգտագործիր ավելի բաց երանգ, իսկ արտաքին եզրին՝ մուգ:

Կրկնակի պոչիկներ

Պոչիկների այս տեսակը հայացքն ավելի բաց է դարձնում, թարթիչները տեսողականորեն ավելի խիտ են թվում, իսկ ընդհանուր կերպարը՝ խաղարկային: Աչքերն ամբողջապես ընդգծեք (ներքևից և վերևից)՝ շարժվելով աչքի ներքին եզրից արտաքինը: Պոչիկները պետք է քիչ սրված լինեն, իսկ եզրերը՝ զուգահեռ, դրանք չպետք է հատվեն: Դրանց միջև եղած հատվածում  բաց գույնի մատիտ  կամ քողարկիչ օգտագործիր՝ առավել մեծ էֆեկտ ստանալու համար:

Ստեղծիր կատարյալ ունքեր և կիսվիր ինստագրամում #ինձնիցքեզխորհուրդ հեշթեգով: Դիտիր ավելի շատ օգտակար դասեր՝ Օրիֆլեյմի գեղեցկության դպրոցում: