Կլիմա՝ սառըՄազերի հետ խնդիրներ՝ չոր, փխրուն և գունատ
Լուծումը՝ Մազերը, ինչպես և մաշկը տուժում են շրջակա միջավայրի կտրուկ փոփոխությունից։ Չոր մազերն ունեն անխնամ տեսք և ճյուղավորվում են։ Չորության խնդիրը լուծելու համար քեզ կօգնի հագեցած խոնավացնող դիմակը, որը սնուցում է մազերի կուտիկուլը, իսկ մազերի հատուկ յուղերը (օրինակ՝ արգանի յուղը) ապահովում են անհրաժեշտ խոնավացումն ու ցուրտ օրերին խոնավությունը կպահեն ներսում։ Իսկ եթե քո մազերի չորության պատճառը կենտրոնական ջեռուցումն է, ապա քեզ կօգնի օդի խոնավացուցիչը։ Ի դեպ, քո մաշկը նույնպես կհայտնի «շնորհակալություն»։
Կլիմա՝ խոնավ և անձրևային
Խնդիրներ մազերի հետ՝ անկենդան և խճճվող
Լուծում․ Խոնավ եղանակն իրական մղձավանջ է խճճվող և անկենդան մազերի ունեցողների համար։ Եթե դասվում ես այս տիպին, խուսափիր այն ամենից, ինչը կհանգեցնի չորանալուն՝ շամպունի, տաք ջրի և մազերի արդուկի հաճախակի օգտագործում։ Դրա փոխարեն ավելի շատ ուշադրություն դարձրու խոնավացմանը։ Չոր յուղերը հեշտությամբ են ներծծվում և անգամ անկենդան մազերին հաղորդում նոր շունչ։ Շիճուկներն ու հատուկ փափկացնող միջոցները մազերին հաղորդում են փայլ և փոքր-ինչ ուղիղացնում դրանք։ Եվ մշտական խոնավության պայմաններում մի՛ չարաշահիր գելի, մուսի, ցողաշիթի օգտագործումը, դրանք միայն կծանրացնեն մազերը։
Կլիմա՝ շոգ և արևային
Խնդիրներ մազերի հետ՝ չոր գունաթափվող
Լուծում․ վարսահարդարիչն և մազերն արդուկելու սարքերը վնասում են մազերի կուտիկուլը, ինչը մազերը դարձնում է կոտրատվող և առանց փայլի, ինչպես նաև խոցելի ուլտրամանուշակագույն ճառագայթների նկատմամբ։ Այդ պատճառով շոգ եղանակի դեպքում նմանատիպ սարքերը թող մի կողմ։ Մազերի ճարպային հաշվեկշիռը վերականգնելու համար օգտագործիր սնուցող դիմակներ և խոնավացնող յուղեր։ Ջերմապաշտպանիչ ցողաշիթը կպաշտպանի արևի վնասակար ճառագայթներից։ Իսկ լողավազան այցելելու դեպքում մի՛ մոռացիր մազերից լվանալ ջրում պարունակվող քլորը և խոսափի՛ր առանց գլուխը ծածկելու արևի ճառագայթների տակ երկար գտնվելուց։
Կլիմա՝ Քամոտ
Խնդիրներ մազերի հետ՝ «չլսող» մազեր
Լուծում․ Տանից դուրս ես գալիս, և մինչ կհասկանաս ինչ է կատարվում, մազերդ խճճվում են և դրանցից հեռացնում ես շրթներկի մնացորդները։ Ծանո՞թ է այս իրավիճակը։ Տարերքին դիմակայելու լավագույն միջոցը ուղիղ ու հարթ սանրվածքն է։ Ծավալ հաղորդելու համար թեթևակի գզիր մազերդ, այնուհետև տար հետ և ֆիքսիր ցողաշիթի և ծամակալների օգնությամբ։ Գանգուր մազեր ունենալու դեպքում՝ սկսզբում օգտագործիր կերատինի հիմքով մուս։
Այստեղ կարող ես նայել սանրվածքեր ստանալու վարպետության դասընթացներ։
