Ինչպես տոնածառ
Տոնական մթնոլորտը հնարավոր է ոչ միայն զգալ, այլ նաև՝ տեսնել: Երբ շուրջն ամեն ինչ պատված է զարդերով, խաղալիքներով, կրակներով, պարզապես անհնար է չափն անցնել դիմահարդարման և փայլերի հարցում: Օգտագործիր այդ ժամանակը լիարժեք և հարդարանքի պայուսակից հանիր այն ամենը, ինչ կարող է փայլել: Վախենում ես փորձել մեթալիք-ստվերանե՞րկը: Իսկը ժամանակն է:
Փայլն աչքերում
Սկսիր հիմքից՝ փրայմեր, երանգային հիմք, քողարկիչ: Արտահայտիչ հայացքի համար կօգտագործենք կայուն ստվերաներկ-մատիտ: Նման ապրանքից գլուխ կհանի նույնիսկ սկսնակը: Հեշտությամբ քսվում և տարածվում են, չեն փշրվում և պահպանում են վառ, կայուն գույն օրվա ընթացքում: Սահմանափակ ձմեռային երանգները բացառիկ են և կսազեն բոլորին՝ անկախ աչքերի գույնից և մաշկի ենթաերանգից:
Կոպի շարժուն հատվածին տարածիր ոսկեգույն ստվերաներկ: Կոպի ծալքին մոտ ավելացրու շամպայնի երանգի ստվերաներկ՝ կոպի կառուցվածքն ընդգծելու և վառ ոսկեգույնը մեղմելու համար: Ծալքի հենց կենտրոնով անցիր ինդիգո երանգի ստվերաներկով, ներկիր արտաքին անկյունն ու անցիր ստորին կոպով: Տարածիր մաքուր վրձնով կամ հենց մատով: Քո նպատակը գույների միջև անցումը սահուն և աննկատ դարձնելն է, իսկ ստվերաներկը՝ երկու աչքերի վրա էլ սիմետրիկ դարձնելը: Երբ ավարտես, մի փոքր էլ ոսկեգույն ավելացրու աչքերի ներքին անկյուններին: Իսկական «վաու էֆեկտ»:
Թարթիչներ՝ մինչև երկինք
Փոխարինիր սովորական սևաներկդ The ONE Wonder Lash XXL Black Star՝ հագեցած սև գույնի սևաներկով, որն ունի լուսանդրադարձնող մասնիկներ: Այն կդառնա քո առօրյա՝ 5-ը 1-ում սևաներկի տոնական այլընտրանքը, որը ներդաշնակորեն կլրացնի վառ դիմահարդարումը: Ուզո՞ւմ ես ստանալ ավելի շատ դրամա: Ավելացրո՛ւ բարակ պոչիկ, որպեսզի աչքերիդ ձևն առավել հստակ դարձնես:
Մինչև եղունգների ծայրերը
Փայլուն մանիկյուրը քո կերպարը կդարձնի առավելագույնս տոնական: Արագ չորացող, կայուն լաքերի The ONE ապրանքաշարում ավելացվել են ամանորյա շիմերային երանգներ, որոնք կսազեն քո զգեստներից ցանկացածի հետ: Երեկույթի համար ընտրիր ամետիստի կամ գինեգույն երանգը, ռեստորան գնալու համար՝ դասական կարմիրը՝ ամանորյա փայլով, իսկ ընկերների հետ հավաքույթների համար կամ քաղաքից դուրս գտնվող առանձնատան համար կան հանգիստ երանգներ՝ վարդագույնն ու մոխրագույնը:
