1. ՏԱՐԱԾԻՐ ԱՅՆ ՄԱՇԿԻՆ
Եթե ուզում ես, որ պարֆյումը հնչի թեթև, փորձիր չցողել, այլ տարածել այն ամբողջ մաշկին: Իսկ կոնկրետ որտե՞ղ տարածել: Ուժն այնտեղ է, որտեղ քո զարկերակն է՝ դաստակը, արմունկի ծալվող հատվածը, ականջն ու պարանոցը:
2. ՑՈՂԻՐ ԱՅՆ ՄԱԶԵՐԻՆ ԿԱՄ ՀԱԳՈՒՍՏԻՆ
Որքան բարձր է քո մարմնի ջերմաստիճանը, այնքան արագ է տարածվում բույրը: Եթե խառնվածքով կրակոտ ես, փորձիր բույրը ցողել մազերին կամ հագուստին՝ անմիջապես մաշկին տարածելու փոխարեն: Նուրբ գործվածքների դեպքում՝ խորհուրդ ենք տալիս բույրը տարածել մաշկին, այլապես հագուստի վրա կմնան բծեր:
3. ԱՎԵԼԱՑՐՈՒ ՄԱՐՄՆԻ ՆՐԲԱՔՍՈՒՔԻՆ
Երկարացրու բույրի հնչողությունը և խառնիր այն մարմնի նրբաքսուքին: Կարևոր է, որ վերջինս չունենա բույր: Քսուքի մի քանի կաթիլն ավելացրու ափերին, այնուհետև ցողիր բույրը և մոգական խառնուրդը տարածիր ամբողջ մարմնին: Այսպես սիրելի բույրը կլինի քեզ հետ ողջ օրվա ընթացքում:
4. ԸՆԴՈՒՆԻՐ ԲՈՒՐԱՎԵՏ ՎԱՆՆԱ
Օրվա ավարտին այնքան մեծ է լիցքաթափվելու և վայելքի ցանկությունը: Տաք ջրով վաննայի մեջ ավելացրու պարֆյումի մի քանի կաթիլ կամ հարդարաջրի 3-4 ցոլք և վայելիր: Իրական սպա-խնամք:
