Հայլայթեր. չորս քայլ, որոնց կատարելը պետք է դադարեցնել

Սթրոբինգի և ուրվագծման տեխնիկաների հայտնիության պատճառով՝ հայլայթերը դարձել է ամենավաճառվող միջոցներից մեկը: Սակայն ոչ բոլորի մոտ է ստացվում դրա ճիշտ կիրառումը: Մենք կազմել ենք սկսնակ դիմահարդարի չորս ամենատարածված սխալները, և կպատմենք՝ ինչպես խուսափել այդ սխալներից:

1. ՍԽԱԼ ԵՐԱՆԳ
Հայլայթերները հարմար չեն բացառապես մաշկի բոլոր տիպերի համար: Համոզվեք, որ ձեր ընտրած երանգը համապատասխանում է ձեր մաշկի երանգին: Եթե քո մաշկի երանգը տատանվում է միջինից մինչև մուգ, ապա ընտրիր ոսկեգույն-դեղձագույնից մինչև բրոնզե երանգներ: Մաշկիդ երանգը բա՞ց է: Այդ դեպքում ուշադրություն դարձրու թափանցիկ երանգներին, օրինակ՝ փղոսկրե երանգին:

2. ՍԽԱԼ ԿԻՐԱՌՈՒՄ
Օգտագործո՞ւմ ես քսուք-հայլայթեր: Այդ դեպքում քեզ պետք չեն գա դիմահարդարման հավելյալ գործիքներ, դրանց օգնությամբ մաշկդ կարող է ձեռք բերել ոչ հարթ տեսք: Ավելի լավ է հայլայթերը տաքացնել ափի մեջ, այնուհետև տարածել այն հատվածներին, որոնց ուզում ես փայլ հաղորդել: Հեղուկ-հայլայթերն օգտագործո՞ւմ ես դիմափոշին տարածելուց հետո: Զերծ մնա նման քայլից: Հիմքը մաշկի վրա կթվա անհամաչափ: Խորհուրդ ենք տալիս հայացքն ուղղել դիմափոշու հիմքով հայլայթերներին կամ դիմափոշին փոխարինեք հեղուկ-երանգային հիմքերին: Կիրառման ևս մեկ տարածված սխալ՝ անհամբերություն: Հեղուկ-հայլայթերի կիրառման դեպքում՝ կարևոր է երկու միջոցներին տալ ներծծվելու ժամանակ, և միայն դրանից հետո օգտագործել թափանցիկ դիմափոշի՝ հարդարանքին ամրություն հաղորդելու համար:

3. ՍԽԱԼ ՀԱՏՎԱԾՆԵՐ
Հայլայթերը կարող է դեմքը տեսողաբար դարձնել լայն, եթե այն տարածել սխալ հատվածներում: Դու չես հասնի նպատակին՝ հայլայթերը տարածելով դեմքի ամբողջ մակերեսին, արդյունքում՝ կունենաս հոգնած տեսք՝ նախատեսված հատվածից անգամ մի փոքր ներքև տարածելու դեպքում: Կիրառման ճիշտ հատվածները հետևյալն են՝ այտոսկրերը, քիթը, վերին շուրթի եռանկյունաձև հատվածը:

4. ՉԱՓԻՑ ՇԱՏ
Փայլող միջոցի շատ լինելը նուրբ փայլ և թարմություն հաղորդելու փոխարեն դեմքին հաղորդում է մեռյալ գունատություն: Հիշիր, որ հայլայթերը պետք է արտացոլի լույս և մաշկին հաղորդի փայլ, այլ ոչ այն դարձնի գունատ:

Ինչքա՞ն տարածել: Այս հարցի պատասխանն անմիջականորեն կախված է եղանակից:  Երբ դրսում նուրբ ու տարածվող լույս է, կարող ես խիզախորեն ստանալ սովորականից ավելի արտահայտիչ դիմահարդարում: Սակայն վառ արևի դեպքում այն տարածիր հնարավորինս քիչ: Մեր պատասխանը. միջոցը տարածիր այն լուսավորության պայմաններում, որը պետք է լինի քո ողջ օրվա ընթացքում: Օրինակ՝ եթե քո օրն անցկացնելու ես մաքուր օդին, փակ տարածքներից դուրս, ապա դիմահարդարումդ կատարիր լուսամոտի մոտ, այլ ոչ թե լոգասենյակում, որտեղ լույսն այլ է: Այս դեպքում չափից ավելի վառ դիմահարդարման հետ կապված տհաճ անակնկալներից հեշտությամբ կխուսափես:





Տեքստ Ֆոտո Anna Mårtensson, Oriflame brand images