Շուրթերը տեսողաբար մեծացնելու 5 միջոց

Ծավալուն, գայթակղիչ շուրթեր՝ սեզոնի ամենից արդի միտումը։ Սակայն եթե բնությունը քեզ չի պարգևել նմանատիպ շուրթեր, մի՛ շտապիր հիասթափվել։ Մենք կպատմենք, թե ինչպես դիմահարդարման միջոցով շտկել իրավիճակը։

ԽՈՐՀՈՒՐԴ №1. ԸՆՏՐԻ՛Ր ՃԻՇՏ ԵՐԱՆԳՆԵՐ
Գույնն ու լույսը քո շուրթերի տեսքի հարցում ունեն հսկայական նշանակություն։ Եթե քո նպատակը հաստ շուրթերի տպավորություն ստեղծելն է, ապա անհրաժեշտ է խուսափել մուգ երանգների կիրառումից, նախապատվությունը տալով բաց երանգներին։ Այս կանոնը գույնի թեորեմի ոլորտից է․ լույսը մակերեսից արտացոլվելով, թողնում է խաբուսիկ տպավորություն՝ ստիպելով առարկաներն ավելի խոշոր ընդունել։ Իսկ մուգ երանգները լույսն ավելի շատ կլանում են, քան արտացոլում, ինչի պատճառով էլ մուգ երանգներով առարկաները թվում են ավելի փոքր։ Ես կոչ չեմ անում մի կողմ նետել քո սիրելի սալորագույն շրթներկը, պարզապես փորձի՛ր քո սիրելի կարմիր գամմայից առավել բաց երանգներ։

ԽՈՐՀՈՒՐԴ №2 ՄՈԳԱԿԱՆ ՄԱՏԻՏ
Շուրթերը տեսողաբար առավել ծավալուն դարձնելու ամենապարզ մեթոդը «Մոգոկան մատիտ» անվանումով տեխնիկայի կիրառումն է։ Վերցրո՛ւ չեզոք երանգի գծաներկ կամ քողարկիչ և ընդգծիր կամ կետիկներով եզրագծիր վերին շուրթը, այնուհետև տարածի՛ր փոքր վրձնի օգնությամբ։ Այս մեթոդը տեսողաբար ընդգծում է շուրթերի սահմանագիծը՝ հաղորդելով ծավալ։ Եվ անգամ անհրաժեշտ չէ շուրթերի մատիտ։ Սակայն անհրաժեշտ է գործել զգուշորեն, չէ՞ որ չես ուզում ունենալ այնպիսի տեսք, ասես նոր ես ըմպել մեկ գավաթ կաթ։


ԽՈՐՀՈՒՐԴ №3
ԽԱՂԱՐԿԻՐ ԼՈՒՅՍԸ
Լույսի հետ խաղը նույնպես տարածված մեթոդ է։ Եթե վերին և ստորին շուրթերի մեջտեղի հատվածում տարածես լուսարձակող միջոց կամ քողարկիչ, լույսը կանդրադարձվի այս հատվածներից և շուրթերը կունենան ավելի ծավալուն տեսք։

 

«Լույսը մակերեսից անդրադառնալով ՝ շուրթերին հաղորդում է ավելի ծավալուն տեսք»։ 

ԽՈՐՀՈՒՐԴ №4ՕՄԲՐԵ ՏԵԽՆԻԿԱՆ
Եթե քեզ դուր չեն գալիս շուրթերի փայլը, փայլերը և այլ լուսարձակող միջոցները, ապա քեզ կօգնի օմբրե տեխնիկայով շուրթերի հարդարումը, որի համար քեզ անհրաժեշտ է շրթներկի երկու երանգ՝ ավելի մուգ երանգը շուրթերի եզրային հատվածների համար, բաց երանգը՝ շուրթերի միջնամասի համար։ Շուրթերդ եզրագծիր ավելի մուգ երանգի շրթներկով կամ շուրթերի մատիտով, դու կարող ես նաև անցնել շուրթերի բնական սահմանը։ Այնուհետև շրթներկի բաց երանգը տարածի՛ր շուրթերի միջնամասում և մանրակրկիտ տարածիր՝ միաժամանակ խառնելով երկու երանգները։ Այս տեխնիկան կօգնի ստանալ շուրթերի մեծացման եռաչափ արդյունք»։

Նայի՛ր մեր «Շուրթերի հարդարում օմբրե տեխնիկայով» տեսադասընթացը

 


ԽՈՐՀՈՒՐԴ №4ՓԱՅԼ

Շուրթերի փայլ։ Պարզ, սակայն արդյունավետ միջոց։ Պարզապես կիրառիր այն քո սիրելի շրթներկը տարածելուց հետո, և դու ոչ միայն կավելացնես փայլ, այլև անդրադարձող լույսի շնորհիվ՝ շուրթերի կհաղորդես ծավալ։

Նայի՛ր մեր տեսադասընթացը՝ շուրթերին տեսողաբար ծավալ ավելացնելու այլ տեխնիկաները սովորելու համար։





Տեքստ Ֆոտո Kristin Wreyford