1. ՈՏՔԵՐԴ ԴԻՐ ՓՈՔՐԻԿ ՎԱՆՆԱՅԻ ՄԵՋ
Ոտքերի վաննաները ոչ միայն օգնում են լիցքաթափվել, այլև հիանալի միջոց են՝ ոտքերի մաշկի փափկությունն ու հարթությունը ապահովելու համար: Վաննայի մեջ լցրու տաք ջուր, ոտքերդ դիր մեջը և լիցքաթափվիր մոտ 10 րոպե: Գործընթացն առավել հաճելի դարձնելու համար կարող ես ձեռք բերել մերսման ֆունկցիաներով ապահոված ոտքերի էլեկտրական վաննա:
2. ՀԵՌԱՑՐՈՒ ԿՈՇՏԱՑԱԾ ՀԱՏՎԱԾՆԵՐԸ
Օգտագործիր ոտքերի սղոցիկ կամ պեմզա՝ կոշտուկները հեռացնելու համար՝ հատուկ ուշադրություն դարձնելով կրունկներին ու ներբաններին: Այստեղ դրանք հաճախ են առաջանում: Մաշկը հարթ դառնալուն պես՝ տարածիր սկրաբ՝ կոշտացած հատվածները հեռացնելու համար:
3. ՏԱՐԱԾԻՐ ԽՈՆԱՎԱՑՆՈՂ ՔՍՈՒՔ
Ոտքերի վաննայից և կոշտուկները հեռացնելուց հետո անհրաժեշտ է խոնավացնել մաշկը: Այսպես դու կկանխարգելես ճաքերի առաջացումը: Խոնավացնող քսուքն ընտրիր՝ ըստ քո մաշկի տիպի: Չոր կամ գրգռվող մաշկ ունենալու դեպքում՝ ընտրիր հագեցած բաղադրությամբ քսուքներ և տարածելուց հետո ամբողջ գիշեր հագիր բամբակե գուլպաներ: Եթե խնդիրներ ունես տհաճ հոտի հետ, ընտրիր քսուք-հոտազերծիչ:
4. ՊԵԴԻԿՅՈՒՐ
Ոտքերի եղունգներն անհրաժեշտ է ճիշտ կարճացնել՝ ոչ շատ կարճ: Հիմքի մոտ թող 1-2 մմ, և անկյունները թող չկտրած: Խարտոցով մշակիր եղունգներն այնպես, որ անկյունները փոքր-ինչ կլորանան: Գունավոր լաքի կիրառումից առաջ միշտ տարածիր լաք-հիմք: Այսպես գունավոր լաքը չի ներկի եղունգի վերին շերտը, գույնը կպահպանվի ավելի երկար և հեշտությամբ կմաքրվի՝ լաքը հեռացնող միջոցի օգնությամբ:
5. ՄԻ՛ ՄՈՌԱՑԻՐ ՀՈՏԱԶԵՐԾԻՉԻ ՄԱՍԻՆ
Եկե՛ք անկեղծ լինենք. տհաճ հոտի խնդիրը վերաբերում է բոլորին (մանավանդ ամռանը): Սակայն շնորհիվ հատուկ միջոցների՝ կարող ես խուսափել անհարմար իրավիճակից: Ընտրի՛ր վերականգնող կամ զովացնող ազդեցությամբ ցողաշիթեր կամ հոտազերծիչներ, որոնք ունեն կլինիկապես ապացուցված արդյունավետություն: