1. ՄԱՇԿԸ ՍԱՓՐՎԵԼՈՒՆ ՉՆԱԽԱՊԱՏՐԱՍՏԵԼԸ
Չոր մաշկը սափրել չի կարելի: Լավ է չշտապել: Սափրվիր լոգանքից հետո, երբ ծակոտիները բաց են, իսկ մաշկը՝ փափուկ: Անպայման օգտագործիր շատ փրփուր կամ սափրվելու գել՝ ածելիի և մազիկների լավագույն սահքը, հարթ ու անվտանգ սափրումն ապահովելու համար:
2. ՄԱԶԵՐԻ ԱՃԻՆ ՀԱԿԱՌԱԿ ՍԱՓՐՈՒՄ
Նկատում ես, որ սափրվելուց հետո հետ աճած մազերն ավելացե՞լ են: Ամենայն հավանականությամբ դու սխալ ես սափրվում: Այո, սափրվելու լավագույն տարբերակը ածելին մազերի աճի ուղղությամբ տանելն է, որքան էլ դա անտրամաբանական հնչի: Ինչո՞ւ: Այսպիսի տեխնիկան կրճատում է կտրվածքների առաջացման և մաշկի գրգռվածության ռիսկը:
3. ԳՈՐԾԵԼ ԵՐԿՈՒ ՄՈՏԵՑՈՒՄՈՎ
Համաձայնեք, որ արագ սափրվելը հարմար է: Արթնացար, սափրվեցիր և գնացիր աշխարհը գրավելու: Վերջին կետի վերաբերյալ ամեն ինչ պարզ է, սակայն սափրվելու դեպքում՝ գործիր դանդաղ: Հակառակ դեպքում ածելիդ արագ կխցանվի և կդադարի լինել սուր ու արդյունավետ: Հաճախակի շարժումներից կնկատվի մաշկի գրգռվածություն: Սափրվիր՝ ինչպես դա կաներ Բուդդան (ցանկության դեպքում). հանգիստ, ածելիի կարճ շարժումներով՝ լվանալով այն յուրաքանչյուր մոտեցումից հետո:
4. ՍԱՓՐՎԵԼՈՒՑ ՀԵՏՈ ԲԱՑ ԹՈՂՆԵԼ ՄԱՇԿԻ ԽՆԱՄՔԸ
Սափրումն օգնում է ազատվել մաշկի մահացած բջիջներից և այն դարձնում առավել ընկալունակ՝ չորության ու մանրէների նկատմամբ: Սափրվելուց հետո միշտ լվացվիր տաք ջրով և օգտագործիր խոնավացնող միջոց (օրինակ՝ բալզամ կամ ցերեկային քսուք): Ընդունիր դա որպես անհրաժեշտություն:
5. ՄԻԵՎՆՈՒՅՆ ԱԾԵԼԻՆ ԵՐԿԱՐ ԺԱՄԱՆԱԿ ՕԳՏԱԳՈՐԾԵԼԸ
Սափրվելու հին ածելիները երկար օգտագործումից հետո կարող են կուտակել մանրէներ և անգամ ծածկվել բորբոսով: Օգտագործում ես մեկանգամյա օգտագործման սա՞րք: Պետք չէ խնայել, փոխիր այն ամեն շաբաթ: