1. ՓԱՅԼՈՒՆ ԳԾԱՆԵՐԿ. : ԸՆԴԳԾԻՐ ԱՉՔԵՐԴ
Սկսենք պարզ տարբերակից: Աչքերի փայլուն գծաներկը դիմահարդարմանը կհաղորդի յուրահատուկ էֆեկտ: Թվում է, թե ամեն ինչ նույնն է, սակայն դա այդպես չէ: Մեզ հատկապես դուր են գալիս մետալիկ երանգները: Ի դեպ, վերջիններս շատ նորաձև են այս սեզոնին:
2. ՓԱՅԼՈՒՆ ՍՏՎԵՐԱՆԵՐԿԵՐ, ԱՎԵԼԱՑՐՈՒ ՓԱՅԼ
Սա դասական ընտրություն է: Ընտրիր հագեցած մուգ կամ վառ կարամելային երանգներ՝ դիմահարդարումը նորովի ստեղծելու համար:
3. ՓԱՅԼԵՐՈՎ ՍԵՎԱՆԵՐԿ. ՈՒԺԵՂԱՑՐՈՒ ԷՖԵԿՏԸ
Քո աչքերի փայլն առավել վառ դարձնելու համար օգտագործիր փայլերով սևաներկ: Երաշխավորում ենք, որ բոլորը պարզապես կմնան հիացած:
4. ՓԱՅԼՈՂ ՇՐԹՆԵՐԿ.: ԿԻԶԱԿԵՏ
Փայլուն շուրթերն իրական մարտահրավեր են: Այսպիսի դիմահարդարումն ունի իրագործման բազմաթիվ տարբերակներ: Ամեն ինչ կախված է քո սպասելիքներից: Ընտրի՛ր շրթներկ, շողացող երանգներով շուրթերի փայլ կամ սիրված շրթներկի վրայից տարածիր ցանկացած երանգի փայլ:
4. ՀՈՆՔԵՐԻՆ
Այո, դու չես սխալվում: Փայլուն կարող են լինել նաև հոնքերը: Այսպիսի դիմահարդարումը քեզ կառանձնացնի ամբոխից և կբարձրացնի մինչև բյութի-գուրույի մակարդակ: Ավելացրու այն հոնքերի գել-կոնդիցիոներին, այնուհետև տարածիր կա՛մ հոնքերին, կա՛մ անմիջապես հոնքերի տակ՝ դրանց ձևն ընդգծելու համար: