Մատնահարդարման հինգ սխալ, որոնք պետք է դադարեցնել

Պրոֆեսիոնալ մատնահարդարում ստանալու համար ամենևին էլ անհրաժեշտ չէ լինել մատնահարդարման դիպլոմավորված մասնագետ: Սակայն ամեն դեպքում պետք է իմանալ հիմնական կանոնների: Մենք մշակել ենք մատնահարդարման հինգ ամենատարածված սխալները: Խուսափեք դրանք կրկնելուց:

1. ՉԵՍ ՏԱՐԱԾՈՒՄ ԵՂՈՒՆԳՆԵՐԻ ՀԻՄՔ
Եղունգների հիմքը ծառայում է նույն նպատակին, որին և երանգային հիմք-փրայմերը: Այն հարթեցնում է եղունգի մակերեսը և օգնում հետագայում ապահովել լաքի՝ առանց հետքերի տարածվելուն: Բայց սա դեռ ամենը չէ: Եղունգի վերին շերտը պարունակում է յուղեր, որոնք խոչընդոտում են լաքի տարածմանն ու հետագա ամրացմանը: Այդ պատճառով էլ խորհուրդ ենք տալիս տարածել  եղունգների հիմք, որը կչեզոքացնի այս յուղերի գործողությունը: Բացի այդ, քո սիրելի լաքը կպահպանվի ավելի երկար:

2. ԵՂՈՒՆԳՆԵՐԸ ԽԱՐՏՈՒՄ ԵՍ ՍԽԱԼ
Եթե եղունգներդ խարտում ես՝ խարտոցի արագ շարժումներով տանելով առաջ ու հետ, ապա շուտով կնկատես շերտազատում կամ անգամ եղունգի ամենանուրբ հատվածի՝ վերին շերտի վնասում: Խարտոցը սկզբում տար եղունգի մի ծայրից մինչև միջնահատված, այնուհետև ուղղությունը փոխիր: Կրկնի՛ր նույն գործողությունը՝ մինչև եղունգի քո նախընտրած ձևը ստանալը:

3. ԿՏՐՈՒՄ ԵՍ ԿՈՒՏԻԿՈՒԼԸ
Կուտիկուլը ետ տանելը բնական է: Սակայն դրանք կտրելը՝ մեծ սխալ: Ի՞նչ է կուտիկուլը: Սա բարակ մաշկ է, որը գտնվում է եղունգի վերին շերտի հիմքում և դառնում է պատնեշ մանրէների համար, այդ պատճառով էլ կուտիկուլը ետ տանելու դեպքում այն որոշ ժամանակ անց բնականոն կերպով վերադառնում է նույն հատված: Կուտիկուլի խնամքի և դրա չորանալն ու շերտավորվելը կանխարգելելու համար՝ խորհուրդ ենք տալիս օգտագործել սնուցող քսուք: Միշտ քեզ հետ ունեցիր կոտիկուլը փափկացնող բալզամ, այն օգտագործիր՝ ըստ անհրաժեշտության:

4. ՏԱՐԱԾՈՒՄ ԵՍ ԼԱՔԻ ՄԻ ՔԱՆԻ ՇԵՐՏ
Կայուն մատնահարդարման գաղտնիքը՝ լաքի բարակ շերտն է: Չափից շատ լաք տարածելու դեպքում մանիկյուրը մաքրվում է արագ ու հեշտ վնասվում: Օպտիմալ տարբերակը լաքի երկու շերտն է:

5. ՉԵՍ ԱՄՐԱՑՆՈՒՄ ԵՂՈՒՆԳԻ ԾԱՅՐԸ
Լաքը հեշտությամբ դո՞ւրս է գալիս ծայրից: Պատմությունը ծանոթ է: Պարզապես պաշտպանիչ միջոցի օգտագործումը իրավիճակը չի շտկի: Փորձիր այսպես. լաքի շերտը տարածելուց հետո վրձնի ծայրով անցիր եղունգների բաց ծայրով: Նույնը կրկնիր երկու օր անց, սակայն արդեն պաշտպանիչ ծածկի օգնությամբ: Սա կապահովի հավելյալ կայունություն և կկանխարգելի դրա հետագա վնասվելը:



Տեքստ Ֆոտո Kristine Wreyford, Victoria Stillwell Hair & Makeup: Åsa Östergren

Գնել

Նմանատիպ հոդվածներ