1. Պատրաստվի՛ր
Ընտրիր մազի ներկի երանգը՝ մեր սխեմայի օգնությամբ: Աշխատիր, որ այն բնականից տարբերվի ոչ ավելի, քան երկու տոնով: Ուշադրություն դարձրու՝ որոշ երանգներ նախատեսված չեն մազերի քո բնական երանգի համար, իսկ 6.6, 10.31, 12.01 և 12.02 համարի ներկերը չի կարելի օգտագործել մեծ քանակությամբ սպիտակ մազեր ունենալու դեպքում: Մազերը ներկելուց առաջ 1-2 օր գլուխդ մի լվա՝ բնական լիպիդային շերտը պաշտպանում է մազերն ու գլխամաշկը վնասվելուց: Ներկն ավելի երկար մի՛ պահիր, քան նշված է հրահանգներում, դրանից գույնն ավելի վառ և կայուն չի դառնա, իսկ ահա մազերը կարող են վնասվել: Եթե մազերի քիմիական գանգրացում կամ ուղղում ես կատարել, պետք է մեկ շաբաթ սպասել:
2. Մազերրը ներկելուց հետո դրանք 72 ժամ մի լվա
Մասնագետները կասեն, որ ներկելուց հետ 72 ժամ պետք է սպասել, նախքան մազերը լվանալը: Սա անհրաժեշտ է, որ մազերի կուտիկուլն ամբողջությամբ փակվի, դրանով իսկ պահպանելով նոր գույնը: Այդ պատճառով վարսավիրանոց այցելելուց հետո երեք օր սպասիր, և մազերիդ գույնը քեզ ավելի մեծ ուրախություն կպարգևի:
3. Ջուրը փոխարինիր չոր շամպունով (երբեմն)
Մազերի ներկերում պարունակվող քիմիական նյութերը դրանք ավելի խոցելի են դարձնում արտաքին գործոններից վնասվելու նկատմամբ, այդ պատճառով սկզբնականում աշխատիր գլուխն ավելի քիչ լվալ և օգտագործիր չոր շամպուն՝ թարմությունը երկարացնելու համար: Մի՛ տարվիր տաք ջրով, հատկապես ցայելիս, այն բարձրացնում է կուտիկուլի արտաքին շերտը, և գույնն ավելի հեշտ է անցնում:
4. Խուսափիր հարդարման տաք եղանակներից
Ներկված մազերը զգայուն են տաքության նկատմամբ, այդ պատճառով, աշխատիր չչարաշահել վարսահարդարիչը: Մազերդ թեթևակի չորացրու սրբիչով, այնուհետև թող մազերդ չորանան բնական եղանակով: Եթե այդուհանդերձ արդուկ կամ որևէ սարք ես օգտագործում, դիր դրանք նվազագույն ջերմաստիճանի վրա և մազերիդ ջերմապաշտպանիչ միջոց քսիր:
5. Օգտագործիր խնամքի չլվացվող միջոց
Չորությունը, փխրունությունը, փայլի կորուստը հուշում են, որ պետք է ընտրես խնամքի հատուկ միջոցներ, որոնք լուծում են ներկված մազերի ամենատարածված խնդիրները: Եթե միայն շամպունով և կոնդիցիոներով ես սահմանափակվում, ուրեմն ավելացրու նաև մազերի դիմակն ու չլվացնող խնամքի միջոցը:
