Ընտրում ենք մաշկի երանգին համապատասխան կոսմետիկա

Անթերի դիմահարդարումը պահանջում է ոչ միայն տեխնիկայի իմացություն, այլև հստակ գիտակցություն, թե ինչպիսի միջոցներ է պետք համադրել քո մաշկի երանգի դեպքում։

Քո տիպը՝ ՄԱՇԿԻ ԲԱՑ ԵՐԱՆԳ
СԲաց կամ շիկակարմիր մազեր, գունատ մաշկ, որը հեշտությամբ այրվում է արևի տակ լինելուց, պեպեններ, աչքերի գույնը՝ կապույտ կամ կանաչ։
Կարելի է․ կապույտ ենթաերանգով քողարկիչ՝ աչքերի տակ մուգ շրջանակները թաքցնելու համար։ Նուրբ վարդագույն կամ մարջանագույն սնգույր։ Շագանակագույն երանգի սևաներկ և գծաներկ։ Շրթներկի ընտրությունը կատարելիս՝ նախապատվությունը տուր դեղձագույն երանգին։
Չի կարելի․ Բրոնզագույն երանգ հաղորդող միջոցներ, որոնց պատճառով քո մաշկը կդառնա նարնջագույն, ինչպես նաև գունատ, սառը երանգներ։ Դրանց պատճառով դեմքդ պարզապես «կկորչի», իսկ մաշկդ կթվա անսովոր թուխ։

Քո must-have-ը` Խիտ ընդգծող սնգույր 2-ը 1-ում The ONE IlluSkin


Մաշկի տիպը՝ ՉԱՓԱՎՈՐ ԲԱՑ ՄԱՇԿ
Բաց կամ շագանակագույն մազեր, արևի ճառագայթների ներքո մաշկը հեշտությամբ դառնում է ոսկեգույն (սակայն հեշտությամբ էլ ստանում է արևային այրվածք)։
Կարելի է․ դեղձագույն երանգի սնգույր՝ այտերին տաք երանգ հաղորդելու համար։ Խորհուրդ է տրվում ստվերաներկի ընտրությունը կատարելիս նախապատվությունը տալ ոսկեգույն, զմրուխտե, ձիթապտղի, ինչպես նաև թագավորական կապույտ երանգներին։ Շրթներկն ընտրելիս ուշադրություն դարձրու բեժ (nude), վարդագույն կամ կարմիրի նուրբ երանգին։
Չի կարելի ընտրել արծաթագույն երանգներով միջոցներ։ Այսպես քո մաշկը կթվա մոխրագույն։

Քո must-have-ը`Քառագույն ստվերաներկեր Giordani Gold-ից

Քո տիպը՝ ԱՍԻԱԿԱՆ ՄԱՇԿ
Սև կամ մուգ շագանակագույն մազեր, մաշկի ենթաերանգը՝ դեղնավուն, նշաձև աչքեր։
Կարելի է մաշկագույն երանգի սնգույր՝ դիմագծերն ընդգծելու և դրանք չսրացնելու համար։ Հոնքերի տակ և աչքերի ներքին անկյունին տարածիր շամպայնի երանգի ստվերաներկ։ Աչքերի հարդարումը շարունակիր շոկոլադե երանգով՝ հայացքը արտահայտիչ դարձնելու համար։ Այստեղ ծավալ հաղորդող սևաներկը պարզապես պարտադիր է։ Շուրթերին՝ հագեցած հատապտղային երանգ։
Չի կարելի սև գույներով աչքերի հարդարում։ Քո աչքերը պարզապես կկորչեն։

Քո must-have-ը՝ The ONE Eyes Wide Open սևաներկ

Քո տիպը՝ ՁԻԹԱՊՏՂԻ ԵՐԱՆԳ ՈՒՆԵՑՈՂ ՄԱՇԿ
Սև կամ մուգ շագանակագույն մազեր, կանաչ ենթաերանգով մաշկ, որը ունի բնական արևայրուքով տեսք և, կարծես, երբեք չի ունենում արևային այրվածքներ, դարչնագույն աչքեր։
Կարելի է բաց մանուշակագույն սնգույր՝ վարդագույն ենթաերանգով՝ մաշկի կանաչ երանգը հավասարակշռելու համար։ Ստվերաներկն ընտրելիս նախապատվությունը տուր բադրիջանագույն, կոբալտե կապույտ, պղնձագույն կամ ոսկեգույն երանգներին, ինչը կընդգծի աչքերի երանգը։ Շուրթերի համար վերցրու բալի, մուգ վարդագույն, հատապտղային երանգներ։
Չի կարելի նարնջագույն երանգներով բրոնզերներ, որոնց պատճառով քո դեմքը կնմանվի ծաղրածուի դիմակի։

Քո must-have-ը՝ The ONE Colour Stylist 5-ը 1-ում բազմաֆունկցիոնալ շրթներկ

Քո տիպը՝ ՄԱՇԿԻ ՄԵՂՄ ՄՈՒԳ ԵՐԱՆԳ
Սև մազեր, տաք ենթաերանգով մուգ մաշկ, մուգ աչքեր։
Կարելի է վարդագույն նյուդ, նուրբ շագանակագույն և մարջանագույն երանգներ՝ այտերին և շուրթերին փայլ հաղորդելու համար: Իսկ հատուկ առիթների համար ընտրիր մուգ սալորագույն երանգի շրթներկ։ Աչքերն ընդգծելու համար կանաչավուն երկնագույն, վարդագույն ոսկու և շաֆրանի երանգներ:
Չի կարելի կիրառել նեոնային երանգներով միջոցներ։

Քո must-have-ը՝ Քսուքանման ստվերաներկեր The ONE Colour Impact

Քո տիպը՝ ՍԵՎ ԾԱՌ
Շողացող սև մազեր, մաշկի խորը մուգ երանգ, որի վրա երբեք չես նկատի արևային այրվածքներ, շատ մուգ աչքեր։
Կարելի է լոռամրգու, նարնջագույն, ֆուքսիա երանգներ, որոնք քո մաշկին կհաղորդեն փայլ, իսկ շուրթերի համար օգտագործիր շրթներկի շոկոլադե երանգներ, փորձիր կարմիր, ծիրանագույն կամ փայլող վարդագույն երանգներ։ Ոսկին ու բրոնզը հարմար են աչքերն ընդգծելու համար, այստեղ գեղեցիկ կլինի նաև ակվամարինը։
Չի կարելի սպիտակ ստվերաներկ։ Քո մաշկը կնմանվի մոխրի։

Քո must-have-ը՝ Շրթներկ «Ոսկե գայթակղություն» Giordani Gold-ից



Տեքստ Ֆոտո Getty Images

Գնել

Նմանատիպ հոդվածներ