Հոնքերի ձևը՝ ըստ դեմքի ձևի

Ժամանակակից դիմահարդարման մեջ հոնքերի վրա մեծ պատասխանատվություն է դրված. դրանք ոչ միայն բնավորություն են ստեղծում, այլև օգնում են դեմքին ներդաշնակություն հաղորդել՝ դարձնելով ավելի սիմետրիկ: Հոնքերի ձևն ընտրելիս՝ բավական չէ միայն հույսը դնել հայտնիների նկարների, թրենդների և անձնական ճաշակի վրա: Բնական տվյալները թելադրում են սեփական կանոնները. եթե հետևես դրանց, կարող ես վիզուալ շտկել թերությունները և ընդգծել առավելությունները:

Քայլ 1. Որոշում ենք ձևը

Գոյություն ունի հոնքերի շտկման բազային սխեմա, որտեղ հոնքերն ունեն երեք կետ՝ հիմք, բեկում և ծայր:

Օգտագործելով սխեման, կառուցիր հոնքերի կատարյալ ձև՝ երեք քայլով.

1. Մտովի անցկացրու ուղղահայաց գիծը քթանցքի ծայրից դեպի վեր. կարող ես նույնիսկ վերցնել ցանկացած դիմահարդարման համար նախատեսված վրձին և հպել այն երեսին: Այնտեղ, ուր գիծը հատում է հոնքը, գտնվում է հիմքը: Գծից դուրս բոլոր այն մազիկները, որոնք ունեն դեպի քթարմատ ուղղություն՝ ավելորդ են, դրանք անհրաժեշտ է հեռացնել:
2. Անցկացրու երկրորդ երևակայական գիծը՝ այս անգամ քթանցքի ծայրից մինչև ծիածանաթաղանթի ներքին ծայրը. այդպես դու կգտնես բեկումը, հոնքի ամենաբարձր կետը:
3. Գիծը, որն անցնում է քթանցքի ծայրից մինչև աչքի ներքին անկյունը, կօգնի որոշել հոնքի ծայրը:

Հիմնային սխեման օգնում է համոզվել, որ հոնքերը չեն խախտում դեմքի համաչափությունը և հարաբերականորեն ներդաշնակ են նրա այլ մասերի հետ: Այսպես, սխալ որոշված բեկումը կարող է դեմքին տալ զարմացած կամ շփոթված արտահայտություն, իսկ չափազանց կարճ հոնքերը տեսանելիորեն փոքրացնում են աչքերը:

Քայլ  2. Հաշվի ենք առնում դեմքի տիպը

Վերևի նկարում տեսնում ենք ձվաձև դեմքի տիպիկ օրինակ, որը դիմահարդարների մոտ համարվում է ոսկե չափանիշ. դեմքի վերին հատվածը լայն է ստորին ծնոտից, ճակատը և կզակը ունեն սահուն գծեր: Եթե քո դեմքը նման է փափուկ օվալի, հոնքերի շտկման հիմնային սխեման բավարար կլինի: Իսկ եթե ոչ, ճիշտ դիմահարդարումը կօգնի տեսանելիորեն հարթել դեմքի առանձնահատկությունները:

Եթե ճակատից մինչև կզակ և ականջից ականջ եղած հեռավորությունները մոտավորապես հավասար են, ապա դեմքը համարվում է կլոր: Կլոր դեմքի տիրուհիները հաճախ չեն սիրում իրենց այտերը և երազում են դրանք վերածել սրված այտոսկրերի՝ տարածելով կոնտուրինգի համար նախատեսված դիմափոշին երկու շերտով: Իզուր. ավելի լավ արդյունքի կարելի է հասնել հոնքերին բարձր բեկումով ձև տալու դեպքում: Որպես կանոն՝ կլոր դեմքը չունի կտրուկ դիմագծեր, այդ պատճառով այդպիսի հոնքերը շահեկանորեն կկերպարանափոխեն նրան:

Եռանկյունաձև դեմքը կտրուկ նեղանում է ստորին հատվածում և ունի սուր կզակ, որի հաշվին ճակատը կարող է ծանր թվալ: Դեմքի այդպիսի տեսակը կարող են շտկել կլորացված հոնքերը, որոնք դեմքին կհաղորդեն փափկություն:

Գլխավորը, ինչն առանձնացնում է ուղղանկյունաձև և քառակուսի դեմքը, լայն ծնոտն է: Իդեալական տարբերակ է, երբ առավելագույն բեկումը գտնվում է անմիջապես աչքի տակ և օգնում է տեսանելիորեն նեղացնել դեմքը: Հարկ է հաշվի առնել, որ դեմքի այդպիսի տեսակին կտրականապես չեն համապատասխանում բարակ և կարճ թել-հոնքերը:  

ՔԱՅԼ 3։ շտկում ենք դիմահարդարման միջոցով

Հոնքերի ձևը մշակելուց հետո կարող ենք անցնել դիմահարդարմանը։ Նորաձև է բնականը, այդ պատճառով ես առաջարկում եմ հոնքերի THE ONE ստվերաներկը:Նրանք օգնում են ինչպես արտահայտչականություն տալ և լցնել դատարկությունը, այնպես էլ շտկել հոնքերի ձևը և նույնիսկ վերացնել ասիմետրիան։

Հոնքերի համար նախատեսված միջոց ընտրելը դժվար է, սակայն ոչ այս գունապնակով․ այստեղ կա անհրաժեշտ ամեն ինչ լիարժեք դիմահարդարման համար։

• Ունիվերսալ երանգների հաշվին ստվերաներկերը համապատասխանում են բոլորին՝ և՛ շիկահերներին, և սևահերներին, հեշտությամբ տարածվում և ստվերագծվում են փափուկ կառուցվածքի շնորհիվ, ապահովում են բնական, անփայլ-թավշյա արդյունք։
• Անփայլ մեղրամոմը ֆիքսում է ձևը և գույնը, երկարացնում է դիմահարդարման կայունությունը։ Այն անհրաժեշտ է օգտագործել ստվերաներկերից հետո։
• Հավաքածուում միաժամանակ երկու վրձինները օգնում են ստեղծել հոնքերի անհրաժեշտ ձևը։ Նրանք ունեն մազախավի տարբեր խտություններ․ սևն օգտագործում են սևաներկի, իսկ սպիտակը՝ մեղրամոմի տարածման համար:

Գունապնակից օգտվելու քայլերի հաջորդականությունը․

1. Սանրիր մազիկները դեպի վեր, այդպես ավելի հարմար կլինի նկարել ձևը։
2. Հարմարության համար գծանշիր հոնքերի վերին և ստորին սահմանները՝ հաշվի առնելով երեսի տեսակի և ձևի խորհուրդները։
3. Լրացրու մազիկների միջև եղած տարածությունները թեթև գծանշումներով։ Հոնքի հիմքում օգտագործիր բաց երանգ, իսկ բեկման կետում և ծայրում՝ մուգ․ այդպես հոնքերը ավելի արտահայտիչ տեսք կունենան։
4. Օգտագործիր մեղրամոմը․ մի փոքր վերցրու վրձնի վրա և թեթև շարժումներով տարածիր հոնքի վրա՝ կարծես սանրում ես։ Մեղրամոմը կֆիքսի մազիկները և տեսանելիորեն հոնքերը կդարձնի ավելի խիտ։

Ստեղծիր կատարյալ հոնքեր և հրապարակիր Ինստագրամում #ինձնիցքեզխորհուրդ հեշթեգով։ Ավելի շատ օգտակար դասեր՝ Oriflame գեղեցկության դպրոցում: