Ինչպես մետաքս. հիմնական խնամք՝ մարմնի կատարյալ մաշկ ունենալու համար

Նրբաքսո՞ւք, թե՞ քսուք, սկրա՞բ, թե՞ մերսում չոր խոզանակով, գե՞լ, թե՞ օճառ: Պարզում ենք, թե ինչ է իրականում անհրաժեշտ կլոր տարին փափուկ և հարթ մարմնի մաշկ ունենալու համար:

ՄԱՔՐՈՒՄ
Կատարյալ մաշկը սկսվում է սովորական ցնցուղից: Սիրո՞ւմ ես երկար կանգնել տաք ջրի տակ ու լվանալ մաշկը, մինչև այն ճռճռա: Այդ դեպքում պիտի ասենք, որ իզուր են բոլոր ջանքերը. ոչ մի քսուք չի օգնի վերացնել ագրեսիվ մաքրման հետևանքները:

Առավելագույնը 10 րոպե. հենց այսքան պետք է տևի առավոտյան և երեկոյան մեդիտացիան ցնցուղի տակ: Ջերմաստիճանը պետք է հաճելի լինի, ոչ տաք, իսկ ավելի լավ կլինի հերթագայել՝ արյան շրջանառությունը լավացնելու և մաշկն ամրացնելու համար: Մենք խորհուրդ ենք տալիս նոր VitaCare շարքը, որը հարուստ է Е վիտամինով. հզոր հակաօքսիդիչը խոնավացնում է, սնուցում և պաշտպանում շրջակա միջավայրի բացասական ազդեցությունից: Ջերմացնող, տոնուսավորող կամ թարմացնող բույր. ընտրի՛ր ըստ տրամադրության և վայելի՛ր արդյունքը:

ԽՈՆԱՎԱՑՈՒՄ
Չելենջ մեկ շաբաթվա համար` փորձի՛ր դուրս չգալ լոգասենյակից առանց խոնավացնելու մաշկը: Այո, դա անհրաժեշտ է անել ամեն անգամ ցնցուղից հետո, այդ դեպքում դու կնկատես մեծ տարբերություն: Ամենօրյա խնամքի համար մենք խորհուրդ ենք տալիս նրբաքսուք. այն արագ է ներծծվում, ուստի կարելի է անմիջապես հագնվել: Հաճելի տրամադրություն ստեղծիր բույրերի օգնությամբ. մորի, մագնոլիա, նարդոս, նուշ` վերցրու միանգամից մի քանիսն ու փոփոխի՛ր՝ ըստ տրամադրության: Կամ ընտրիր չեզոք բույրով միջոցներ՝ սիրելի պարֆյումի հետ համադրելու համար:

ՍՊԱ՝ ՏԱՆԸ
Կատարյալ մաշկ ունենալու մեկ այլ տարբերակ է մաշկի նորացումը: Սովորություն դարձրու շաբաթական գոնե մեկ անգամ (ավելի լավ է երկու) փոքրիկ ՍՊԱ կազմակերպել: Քո բաղադրատոմսը` շերտազատում և խորը սնուցում:

Առաջին քայլի համար վերցրու ցանկացած սկրաբ կամ ճիշտ ընտրված գործիք՝ զգայուն մաշկի համար հարմար է ձեռնոցը, իսկ առավել ինտենսիվ ազդեցության համար՝ լյուֆայից ճիլոպը: Մեկ այլ տարբերակ է խոզանակով մերսումը: Այս կերպ կարող ես հեռացնել մարմնի մեռած բջիջները և առողջ տեսք հաղորդել մաշկիդ: Վեր ու վար շարժումներով մերսիր չոր մաշկը՝ առանձնահատուկ ուշադրություն դարձնելով խնդրահարույց հատվածներին: Այնուհետև տարածի՛ր յուղ կամ խիտ, սնուցող քսուք՝ մաշկը հանգստացնելու և վերականգնելու համար: