ՄԱՐՄՆԻ ԽՆԱՄՔ
Ինչի՞ց խուսափել. ձեռքերի և ոտքերի չոր մաշկից
Ինչպես նախապատրաստվել։ Որքան շուտ սկսես ոտքերի ու ձեռքերի խոնավացումը, այնքան լավ։ Օրինակ՝ կարելի է ամեն օր երեկոյան՝ քնելուց առաջ, ձեռքերին ու ոտքերին տարածել մարմնի նրբաքսուք։ Այս գործողությունը նույն ժամին կատարելու դեպքում՝ կդառնա սովորություն և կլինի ավելի հեշտ։
Սաստիկ ցուրտ եղանակի դեպքում նրբաքսուքն անհրաժեշտ է փոխարինել մարմնի սնուցող քսուքով։ Դու նաև կարող ես հագնել բամբակե գուլպաներ և ձեռնոցներ՝ միջոցը տարածելուց հետո։ Սա կօգնի միջոցին ներթափանցել մաշկի առավել խորը շերտեր և հաղորդել առավել նկատելի արդյունք։ Ձմռանը խորհուրդ ենք տալիս քսուքը մշտապես տարածել ձեռքերին՝ դրանք լվանալուց հետո, և շաբաթը մեկ անգամ օգտագործել ոտքերի սկրաբ՝ ոտքերի մաշկի փափկություն ապահովելու համար։
ԴԵՄՔ
Ինչի՞ց խուսափել. չոր մաշկից և ճաքճքած շուրթերից
Ինչպե՞ս նախապատրաստվել. արևային ճառագայթներ, քրտինք, աղի կամ քլորացված ջուր՝ այս ամենը բացասաբար է ազդում մաշկի վրա, և ամառվա ավարտին անհրաժեշտ է հատուկ խնամք։ Ձմռանը չոր մաշկից խուսափելու համար օգնիր այն դարձնել առավել ընկալունակ խոնավացնող միջոցների նկատմամբ։ Դրա համար արդեն հիմա սկսիր օգտագործել սկրաբ շաբաթը մեկ անգամ, որից անմիջապես հետո տարածիր խոնավացնող քսուք, որը կներթափանցի մաշկի խորը շերտեր։ Մենք խորհուրդ ենք տալիս NovAge դեմքի պատիճները, դրանք պարունակում են բնական յուղերի 6 տեսակ, որոնք քո մաշկին հաղորդում են հարթություն և փայլ։ Քեզ նաև անհրաժեշտ է հագեցած ցերեկային քսուք։
Ձմռանը պետք է նաև հատուկ խնամել շուրթերի մաշկը։ Չորությունը զգալուն պես միանգամից վերցրու շուրթերի խոնավացնող բալզամ։ Քանի որ շուրթերի մաշկը չունի չորանալուց բնական պաշտպանություն, մի մոռացիր հոգ տանել դրանց մասին։
ԴԻՄԱՀԱՐԴԱՐՈՒՄ
Ինչի՞ց խուսափել․ լղոզված դիմահարդարումից
Ինչպե՞ս նախապատրաստվել. եղանակը ցրտելուն պես մենք սկսում ենք կրել հագուստի մի քանի շերտ։ Տաք վերարկուն, շարֆերը և ձեռնոցները կոչված են պաշտպանել ցրտից, սակայն հենց դրանց պատճառով էլ երբեմն դժվար է պահպանել դիմահարդարման սկզբնական տեսքը։ Ի՞նչ է հնարավոր անել այս դեպքում։
Նախ քեզ անհրաժեշտ է թափանցիկ դիմափոշի։ Այն կօգնի դիմահարդարմանը հաղորդել կայունություն և կանխարգելել դրա լղոզվելը։ Կարող եք սովորական սևաներկը փոխարինել ջրակայունով։ Սա կօգնի սառը քամիների ժամանակ կանխարգելել սևաներկի ծորալը։
ՄԱԶԵՐ
Ինչի՞ց խուսափել. ստատիկ էլեկտրականությունից և փչացած սանրից
Ինչպե՞ս նախապատրաստվել։ Ձմեռն իրական սարսափ է մազերի համար։ Դու կրում ես գլխարկ և քո սանրվածքը նմանվում է նրբաբլիթի, կամ կրում ես գլխարկ և քո մազերը վերածվում են դպրոցի ֆիզիկայի կաբինետի ցուցանմուշի։ Ո՛չ մեկը, ո՛չ էլ մյուսը չունեն հրապուրիչ տեսք։
Եթե կրում ես գլխարկ, անհրաժեշտ է հոգալ ծավալի մասին։ Տարածիր ծավալ հաղորդող մուս՝ նախքան մազերը չորացնելը։ Կարելի է նաև մազարմատներին տարածել ծավալ հաղորդող մազերի ցողաշիթ։
Եթե գլխարկը քո տարբերակը չէ, քեզ սպասում է ստատիկ էլեկտրականության հաղթահարումը։ Այդ արդյունքին հասնելու համար լոգանքից հետո օգտագործիր մազերի կոնդիցիոներ և մի չորացրու մինչև վերջ։ Կարելի է նաև մազարմատներին տարածել մազերի ցողաշիթ՝ ծավալ հաղորդելու համար։
