Գեղեցկության կանոններ․ Ինչպես տարածել մաշկի խնամքի միջոցները

Եվ այսպես, դու հավաքել ես ամբողջ հավաքածուն՝ մաքրող միջոց, տոնիկ, շիճուկ, աչքերի շուրջ մաշկի քսուք և խոնավացնող քսուք։ Սակայն արդյո՞ք ճիշտ ես տարածում դրանք։ Ամեն դեպքում, պատմենք ինչպես ճիշտ տարածել այդ միջոցները։

ՄԱՔՐՈՂ ՄԻՋՈՑ

Как правильно наносить средства по уходуԹվում է՝ ինչը կարող է լինել ավելի հեշտ, քան դեմքի մաքրումը։ Ափի մեջ վերցրու մաքրող գելի փոքր քանակություն և տարածիր դեմքի խոնավ մաշկին։ Սկսիր քթարմատից և շարժվիր դեպի դեմքի եզրեր։ Մատների օգնությամբ շրջանաձև շարժումներով թեթևակի մերսիր այտերը, ճակատը և կզակը։ Սա կօգնի առավել արդյունավետ հեռացնել դիմահարդարումը և կակտիվացնի արյան շրջանառությունը։ Մատների բարձիկներով մերսիր քթի շուրջ մաշկը՝ մազերի աճի երկարությամբ։ Մի՛ մոռացիր հետագայում այս հատվածներից լվանալ մաքրող միջոցը՝ հնարավոր գրգռվածությունից խուսափելու համար։ Մաքրող միջոցն անհրաժեշտ է լվանալ գոլ ջրով ( ոչ շատ տաք) կամ որպես տարբերակ օգտագործիր չոր մուսլինե անձեռոցիկներ, այն կօգնի հեռացնել դիմահարդարման մնացորդներն ու այլ աղտոտվածությունները։ Մի՛ մոռացիր պարանոցի մասին, մաքրող միջոցը տարածիր մինչև անրակներ։ 

ԽՈՐԸ ՄԱՔՐՈՒՄ

Մաշկը մաքրող գործիք օգտագործելու դեպքում սկզբում խոնավացրու խոզանակի մակերեսը և այնուհետև տարածիր մաքրող միջոցը։ Սահմանի՛ր քեզ հարմար ռեժիմը և միացրու գործիքը։ Շրջանաձև շարժումներով մաքրիր դեմքը հետևյալ հերթականությամբ՝ 20 վայրկյան ճակատի, 10 վայրկյան յուրաքանչյուր այտի համար, 20 վայրկյան ծնոտի և կզակի հատվածների համար։ Շարժումների ընթացքում փոքր-ինչ սեղմիր գործիքը՝ խորը մաքրման արդյունքի հասնելու համար։ Т-հատվածը մաքրելիս կարող ես ավելի ուժեղ սեղմել։ Խուսափի՛ր աչքերի շուրջ հատվածից։ Ջրով մանրակրկիտ մաքրիր դեմքը՝ տոնիկը օգտագործելուց առաջ։

ՏՈՆԻԿ
Տոնիկն առավելագույնս արդյունավետ դարձնելու համար, այն անհրաժեշտ է տարածել մաքրող միջոցը լվանալուց անմիջապես հետո։ Խոսափիր սպիրտ պարունակող տոնիկ օգտագործելուց, քանի որ այն կարող է առաջացնել մաշկի գրգռվածություն, չորություն և ցան։ Ոչ ալկոհոլային տոնիկը տարածիր բամբակե սկավառակով և տրորիր դեմքի մաշկը՝ խուսափելով աչքերի շուրջ հատվածից։ Թո՛ղ միջոցը ներծծվի՝ մինչև հաջորդ քայլին անցնելը։

ԱՉՔԵՐԻ ՇՈՒՐՋ ՀԱՏՎԱԾԻ ՔՍՈՒՔ
Ստորին կոպի հատվածի նուրբ մաշկը պահանջում է հատուկ խնամք։ Աչքերի շուրջ քսուքի փոքր քանակություն տարածիր այտոսկրերից վերև և աչքերի տակ հատվածին, միջնամատով զգուշորեն տարածիր մաշկին։ Ոչ մի դեպքում չի կարելի ձգել և տրորել մաշկը։ Այսպես դու միայն կվնասես այն։ Խուսափիր թարթիչների աճի հատվածից, չէ՞ որ դու չես ուզում քսուքը մտնի աչքի մեջ և գրգռի այն։ Եթե քսուքն ունի գնդիկավոր գլխիկ, դրա միջոցով էլ տարածիր քսուքը աչքերի տակ՝ ուղղությունը տալով աչքերի արտաքին անկյունից դեպի քթարմատ։ 

«Աչքերի շուրջ հատվածի քսուքը սառնարանում պահելու դեպքում առավոտյան երաշխավորված է հաճելի թարմացնող արդյունքը»։


ՇԻՃՈՒԿ
Շիճուկը տարածիր ձեռքերի ափերին և հպիր դեմքին՝ արյան շրջանառությունը խթանելու և միջոցը մաշկի մեջ ներթափանցելու համար։ Շիճուկը պարանոցին պետք է տարածել սողացող շարժումներով՝ ներքևից դեպի վերև, այսպես կխուսափես մաշկը դեպի ներքև ձգվելուց։ Քանի որ շիճուկներն ունեն ավելի ջրային բաղադրություն, այն անհրաժեշտ է տարածել տոնիկն օգտագործելուց հետո, սակայն մինչև ցերեկային կամ գիշերային քսուքի կիրառումը։ Վերջինս կարելի է օգտագործել մոտավորապես 10 վայրկյան հետո, հենց այսքան ժամանակ է պետք՝ շիճուկը մաշկի մեջ ներծծվելու համար։

ՑԵՐԵԿԱՅԻՆ ԵՎ ԳԻՇԵՐԱՅԻՆ ՔՍՈՒՔ
Գիշերային և ցերեկային քսուքը դեմքին և պարանոցին փորձիր տարածել հնարավորինս հավասարաչափ, ընդ որում մաշկը մի ձգիր դեպի ներքև, դրա փոխարեն քսուքը սեղմիր մաշկին և տարածիր հավասարաչափ շարժումներով՝ ուղղված ներքևից վերև։ Կարող ես նաև կատարել դեմքի մերսում՝ անելով փոքրիկ շրջանաձև շարժումներ կզակից դեպի ականջներ կամ քթի դեպի մազերի աճի հատված։ Խուսափիր աչքերի շուրջ հատվածից, դրա մասին կհոգա հատուկ այս հատվածի համար նախատեսված միջոցը։

Տեքստ

Գնել

Նմանատիպ հոդվածներ