Ասիական տիպ
Այս տիպը հատուկ է արևելքին՝ փոքր չափս, որտեղ աչքերը բացելիս վերին կոպն ամբողջությամբ ծածկում է շարժվող կոպը: Այս տիպի աչքերը խորհուրդ է տրվում ընդգծել սլաքներով:
Մուգ երանգի մատիտ-գծաներկով ընդգծի՛ր վերին կոպը՝ թարթիչների աճի ուղղությամբ և երկարացրո՛ւ գիծը՝ դրա սահմանից դուրս: Առավել լայն, բաց և կլորավուն աչքեր ստանալու համար գիծն անհրաժեշտ է տանել մինչև հոնքեր՝ դեպի վեր թեքելով:
Կլոր աչքեր
Կլոր անվանում են այն աչքերը, որոնց աչքի սպիտակուցը տեսանելի է ամբողջ ծիածանաթաղանթում: Այսպիսի աչքերն անհրաժեշտ է հաղորդել ավելի երկարավուն տեսք, այլ ոչ թե մեծ տեսք:
Աչքերն ընդգծիր վերին թարթիչների աճի ուղղությամբ և ներքին անկյան մոտ գծի՛ր փոքր սլաքներ: Առավելագույն արդյունք ստանալու համար պետք չէ ընդգծել ստորին կոպը:
«Կախվող» կոպ
«Ծանր» վերին կոպը տեսողականորեն չեզոքացնելու համար, չեզոք երանգներով ընդգծի՛ր աչքը ստորին թարթիչների աճի ուղղությամբ, մենք նախապատվությունը տալիս ենք բրոնզագույն և շոկոլադե երանգներին: Սակայն պետք չէ ընդգծել կոպի ներքին անկյունը, քանի որ սա փոքրացնում է աչքերը:
Ստացի՛ր «բաց» հայացքի արդյունք՝ թարթիչներին երկարություն հաղորդող սևաներկի օգնությամբ:
Նշաձև աչքեր
Նշաձև, համաչափ աչքերը դիմահարդարման համար ամենաունիվերսալն են: Դրանց երջանիկ տիրուհիները կարող են անել ցանկացած դիմահարդարում և այն կլինի շատ ներդաշնակ: Սակայն ամենատպավորիչը կլինի դասական «սմոքի այզ» դիմահարդարումը:
Այտոսկրն ընդգծի՛ր սնգույրի օգնությամբ, այնուհետև աչքերի արտաքին անկյան և դեպի վեր տանող հատվածին տարածիր մուգ երանգի ստվերաներկ: Սա կօգնի աչքերը մեծացնել թե՛ հորիզոնական, թե՛ ուղղայաց:
Դեպի ներքև իջնող աչքեր
Այս տիպի աչքերը շտկելու լավագույն տարբերակը աչքերը միջին ինտենսիվության սլաքներով ընդգծելն է: Շարժվող կոպի ծալվող հատվածին տարածիր միջին մգության ստվերաներկ և տարածի՛ր՝ ուղղությունը տալով դեպի վեր: Սա կօգնի հաշվեկշռի բերել աչքի ձևը: Այնուհետև վերցրու ավելի մուգ երանգի ստվերաներկ և դրանով ստացի՛ր սլաքներ՝ տարածելով դեպի վեր: Սա կօգնի «բարձրացնել» աչքերի արտաքին անկյունը:
Խորհուրդ. Այտոսկրը «լուսավորի՛ր» սնգույրի օգնությամբ, սա կշեշտադրի աչքերի վերին հատվածը:
